શિયાળાની સિઝનમાં તલની ચીકી બધાએ ખાધી હશે. બહારની ચીકી ઘણી ટેસ્ટી લાગે છે.
તમે ઘરે પણ સ્વાદીષ્ટ તલની ચીકી બનાવી શકો છે. અહીં તેની રેસીપી જણાવી રહ્યા છીએ. શિયાળામાં તે સ્વાસ્થ્ય માટે ઘણી ફાયદાકારક છે.
સફેદ તલ, ગોળ, ઘી, એલચી પાઉડર, ડાયફ્રુટ્સ, પાણી.
સૌપ્રથમ તલને સાફ કરીને તેને એક કડાઈમાં ધીમા તાપે શેકી લો. પછી તેને એક અલગ વાસણમાં કાઢી લો.
હવે ગેસ ચાલુ કરી એક કડાઇમાં ઘી નાખો. ત્યારબાદ તેમાં ગોળને કાપીને ઉમેરો. તેને સતત હલાવતા રહો અને ગોળનો પાયો તૈયાર કરો.
હવે તેમાં તલ અને ઇલાયચી ઉમેરો અને બરાબર હલાવો. આ પછી એક થાળીમાં ઘી અથવા તેલ લગાવીને ચીકીના મિશ્રણને પાથરી દો. તેના ઉપર કાજુ, બદામ જેવા ડાયફ્રુટ ઉમેરો.
ચીકી ઠંડી થાય તે પહેલા તેમાં કાપા પાડી લો જેથી સહેલાઇથી ચીકીના ટુકડા કરી શકાય. આ પછી ડબ્બામાં ભરી લો અને દરરોજ ખાઇ શકો છો.
તલમાં કેલ્શિયમ, આયર્ન અને સ્વસ્થ ચરબી સહિત ઘણા પોષક તત્વો હોય છે, જે હાડકાંને મજબૂત બનાવે છે. શિયાળામાં ખાસ ફાયદાકારક છે.