કાઠિયાવાડી સ્પેશિયલ ગીરનારી ખીચડી ઘરે બનાવો, ટ્રાય કરો ઓથેન્ટીક રેસીપી
શિયાળામાં જો તમે ખીચડી ખાઈને કંટાળ્યા હોવ તો એકવાર કાઠિયાવાડી સ્પેશિયલ ગીરનારી ખીચડી ઘરે બનાવી શકો છો.
શિયાળામાં જો તમે ખીચડી ખાઈને કંટાળ્યા હોવ તો એકવાર કાઠિયાવાડી સ્પેશિયલ ગીરનારી ખીચડી ઘરે બનાવી શકો છો.
શિયાળામાં આ ખીચડી સ્વાદની સાથે સ્વાસ્થ્યનું પણ ધ્યાન રાખે છે કે કારણ કે તેમાં બધી દાળ અને બધા શાકભાજી આવે છે.
તો તમે એકવાર ઘરે કાઠિયાવાડી સ્પેશિયલ ગીરનારી ખીચડીની ઓથેન્ટીક રેસીપી જરૂર ટ્રાય કરો.ફટાફટ રેસીપી નોંધી લો.
ચોખા, ઘરમાં જેટલી દાળ હોય એ બધી લેવી, મીઠું, હળદર, બધા શાકભાજી, આદુ, લીલા મરચાં, લસણ, કાંદા, મીઠો લીમડો, ખડા મસાલા.
એક તપેલી કે મોટા વાસણમાં જેટલા ચોખા લો એનાથી વધારે પાણી લેવું તેમાં મીઠું અને ચમચી હળદર લો. અને પાણીને ગરમ કરવા માટે રાખી દો.
અહીં ઘરમાં હોય એ બધી દાળ જેવી કે મસુર દાળ, મગદાળ, ચણા દાળ, તુવર દાળ, અડદ દાળ અને ચોખાનું પ્રમાણ થોડું વધારે લેવું. પાણીમાં સારી રીતે ધોઈ લેવું.
ફૂલાવર, કોબીજ, શક્કરિયું, વટાણા, બટાકા, રતાળું, રીંગણ, લીલી તુવર, લીલી ડુંગળી, ગાજર સહિત બધી શાકભાજીને ઝીણી કાપી રાખો.માર્કેટમાં જે શાકભાજી મળે એ લેવી.
હવે ગરમ પાણીમાં કાપેલા બધા શાકભાજી અને મીક્સ દાળ અને ચોખા તેમજ એક વાટકી મગફળીના દાણા ઉમેરવા અને હલાવી ધીમા પાતે ચડવા દેવું.ત્યારબાદ ખીચડીને હલાવીશું.
તડકા માટે એક પેનમાં બે મોટી ચમચી ઘી લો, તેમાં તજપત્તા, મીઠો લીમડો,સુકા મરચાં, રાઈ, જીરું, હીંગ, એક કપ ઝીણી સમારેલી ડુંગળી, આદુ, લસણ અને મરચાને ખાંડીને નાંખો.
ત્યાર બાદ સ્વાદ પ્રમાણે મીઠું, અને કાપેલા ટામેટાં ઉમેરો ત્યારબાદ ધાણાજીરું, ગરમ મસાલો, હળદર, કાશ્મીરી લાલ મરચું ઉમેરો મીક્સ કરીને પાણી ઉમેરી પાકવા દો.
હવે સારી રીતે મસાલો પાકી જાય ત્યારે મસાલાને ખીચડી ઉપર ઉમેરો અને કાપેલા લીલા ધાણા નાંખીને સારી રીતે મીકસ કરો આમ તમારી ગીરનારી ખીચડી તૈયાર થઈ જશે.