Mar 27, 2025
હિલ સ્ટેશન ઉનાળાની ગરમીમાં ફરવા માટે શ્રેષ્ઠ પ્રવાસ સ્થળ છે. અહીં ગુજરાતમાં અને આસપાસ આવેલા 10 પ્રખ્યાત હિલ સ્ટેશન વિશ જાણકારી આપી છે. ઉનાળામાં આ હિલ સ્ટેશનની મુલાકાત યાદગાર પ્રવાસ બની રહે છે.
સાપુતારાના ડાંગ જીલ્લામાં આવેલું પ્રખ્યાત અને ગુજરાતનું એક માત્ર હિલ સ્ટેશન છે. દરિયાની સપાટીથી 1000 ફુટની ઉંચાઇએ પર આવેલા સાપુતારામાં ઉનાળામાં પણ તાપમાન નીચું હોય છે.
વિલ્સન હિલ્સ ગુજરાતના ધમરપુર જિલ્લામાં આવેલું નાનું અને અદભૂત હિલ સ્ટેશન છે. તે દરિયાની સપાટીથી 2500 ફુટની ઉંચાઇએ આવેલું છે. વિલ્સન હિલ સ્ટેશન સુરતથી 123 કિમી દૂર છે.
પાવાગઢ ગુજરાતના પંચમહાલ જિલ્લામાં આવેલું પ્રખ્યાત તીર્થધામ અને પ્રવાસ સ્થળ છે. દરિયાની સપાટીથી 822 ફુટ ઉંચાઇ પર આવેલું છે.
ડોન હિલ સ્ટેશન ગુજરાતના સૌથી સુંદર હિલ સ્ટેશનોમાંનું એક છે. તે ડાંગ જિલ્લામાં દરિયાની સપાટીથી 1000 મીટર ઉંચાઇ પર આવેલું હોવાથી સમગ્ર વર્ષ દરમિયાન હવામાન સુખદ રહે છે.
માથેરાન ભારતનું સૌથી નાનું અને પ્રદૂષણ મુક્ત હિલ સ્ટેશન છે. મહારાષ્ટ્રનું આ હિલ સ્ટેશન સૂર્યાસ્ત અને સૂર્યોદયનો નજારો જોવા માટે શ્રેષ્ઠ સ્થળ છે.
માઉન્ટ આબુ ગુજરાતની ઉતર સરહદે આવેલું રાજસ્થાનનું એક માત્ર હિલ સ્ટેશન છે. અરવલ્લીના પહાડોમાં આવેલું માઉન્ટ આબુમાં ફરવા માટે ઘણા સ્થળો છે.
લોનાવાલા હિલ સ્ટેશન મહારાષ્ટ્રમાં મુંબઇથી લગભગ 90 કિમી દૂર આવેલું છે. શહેરની ભીડ અને પ્રદૂષણથી દૂર લોનાવાલામાં પ્રવાસીઓ રાહત અનુભવે છે.
ખંડાલા મહારાષ્ટ્રનું પ્રખ્યાત હિલ સ્ટેશન છે, જે લોનવાલાથી માત્ર 3 કિમી દૂર છે. ઉનાળામાં ઠંડુ હવામાન અને અને ચોમાસામાં ગાઢ ધુમ્મસ પ્રવાસીઓને આકર્ષિત કરે છે.
મહાબળેશ્વર મહારાષ્ટ્રમાં પશ્ચિમ ઘાટ તરીકે ઓળખાતી સહ્યાદ્રિ પર્વતમાળામાં આવેલું ગિરિમથક છે. જગતના બારેમાસ લીલાછમ રહેતા અત્યંત થોડા જંગલો પૈકીના એક મહાબળેશ્વરમા બ્રિટિશ કાળમાં અંગ્રેજો ઉનાળામાં ફરવા આવતા હતા.
જવાહર હિલ્સ સુરતથી 217 કિમી દૂર મહારાષ્ટ્રમાં આવેલું સુંદર કુદરતી સ્થળ છે. કળા પ્રેમીઓ માટે આ સ્થળ સ્વર્ગ સમાન છે. ઉંચા પહાડ, લીલાછમ જંગલ, નદી ઝરણાં માટે આ સ્થળ પ્રખ્યાત છે.