ઉત્તરાખંડમા નૈનીતાલ સૌથી પ્રખ્યાત હિલ સ્ટેશન છે. જો કે નૈનીતાલની આસપાસ ઘણા સુંદર ફરવા લાયક સ્થળો છે, જેના વિશે બહુ ઓછા લોકો જાણે છે.
નૈનીતાલથી 23 કિમી દૂર સાતતાલ હિલ સ્ટેશન આવેલું છે. શહેરથી દૂર શાંત વાતાવરણ સાતતાલ આવનાર પ્રવાસીઓને અદભુત અનુભવ કરાવે છે.
સાતતાલ હિલ સ્ટેશન ચારે બાજુ ઉંચા પહાડ, સુંદર તળાવ અને ઠંડી હવા પ્રવાસીઓને આકર્ષીત કરે છે.
સાતતાલ હિલ સ્ટેશન પર સૌથી પહેલા પ્રખ્યાત તળાવર નળ દમ્યંતી લેક જોવા મળે છે. અહીં પ્રવાસીઓ બોટિંગની મજા માણે છે. તળાવના કિનારે બેસીને સૂર્યાસ્તનો નજારો જોવાની ક્ષણ યાદગાર રહે છે.
સાતતાલમાં એક અમેરિકન સ્ટેનલે જોન્સનો આશ્રમ છે. ઉપરાંત ગરુર લેક, રામ તળાવ, લક્ષ્મણ તળાવ અને સીતા તળાવ જોવા મળે છે.
સાતતાલ નજીક ભીમતાલ પણ જોવાલાયક સ્થળ છે. ભીમતાલમાં વિક્ટોરિયા લેક, હિડિમ્બા પર્વત, ભીમતાલ દ્વીપ એક્વેરિયમ, નૌકચિયાતાલ, કૈંચી ધામ નીમ કરોલી બાબ મંદિર સહિત ઘણા પ્રખ્યાત સ્થળો જોવાલાયક છે.
સાતતાલમાં એડવેન્ચર એક્ટિવિટીની રોમાંચ માણવા મળે છે. અહીં પ્રવાસીઓ પેરાલાઇડિંગ, બોટિંગ જેવી વોટર એક્ટિવિટી અને ટ્રેકિંગની મજા માણે છે.
નૈનીતાલ ઉત્તરાખંડનું પ્રખ્યાત હિલ સ્ટેશન છે. જો તમે નૈનીતાલ ફરવા જાવ તો સાતતાલ અને ભીમતાલ ફરવા જવાનું ભૂલશો નહીં.