Apr 03, 2025
ગુજરાતમાં સાપુતારાને બાદ કરતા હિલ સ્ટેશન બહુ ઓછા છે. જો કે વનડે પિકનિક કે ટ્રેકિંગ જેવી એડવેન્ચર એક્ટિવ માટે ઉત્તર ગુજરાતમાં એક પ્રસિદ્ધ સ્થળ છે
તારંગા હિલ ગુજરાતના મહેસાણા જિલ્લાના સતલાસણા તાલુકામાં આવેલું પ્રસિદ્ધ યાત્રાધામ છે. તારંગા હિલ અમદાવાદથી 130 કિમી અને મહેસાણાથી 81 કિમી દૂર છે. તારંગા હિલ થી અંબાજી મંદિર 51 કિમી દૂર આવેલું છે.
તારંગા હિલ અરવલ્લી પર્વતમાળાનો જ એક ભાગ છે. તારંગા હિલ જૈન અને બૌદ્ધ ધર્મના ઘણા મંદિરો આવેલા છે. અહીં બારમી સદીમાં સોલંકી રાજા કુમારપાળે ભગવાન અજિતનાથના એક ખૂબ સુંદર મંદિરનું નિર્માણ કરાવ્યું હતું.
તારંગા હિલ પર ચઢવા માટે પગથિયા છે. તારંગા હિલ પર પ્રાચીન તરણા માતાને સમર્પિત મંદિર છો. અહી એક ગુફામાં ધ્યાન મુદ્રામાં બેઠેલા ગૌતમ બુદ્ધની સુંદર મૂર્તિ પણ જોઇ શકાય છે. ત્યાં એક તળાવ પણ છે.
તારંગા હિલ પર ખડકના ઉંચા પહાડ, લીલાચમ જંગલ, નીરવ શાંતિ વચ્ચે પક્ષીઓનો કલરવ, શહેરી વિસ્તારથી દુર કુદરતના ખોળે આવી પ્રવાસીઓ શાંતિ અનુભવે છે.
તારંગા હિલ ટ્રેકિંગ અને કેમ્પિંગ જેવી સાહસિક પ્રવૃત્તિઓ માટે શ્રેષ્ઠ સ્થળ છે. અહીં પ્રવાસીઓ પગથિયા ચઢીને પહાડની ટોચ સુધી પહોંચ છે. આ દરમિયાન પર્વત, જંગલનો સુંદર નજારો માણવા મળે છે.
તારંગા હિલ પરથી આથમતા સૂર્યાસ્તનો નજારો જોવો ખરેખર યાદગાર બની રહે છે.
તારંગા હિલ નજીક જોવાલાયક ઘણા સ્થળો છે. તારંગા હિલ થી પ્રસિદ્ધ અંબાજી મંદિર 51 કિમી દૂર છે. નજીકમાં ધરોઇ ડેમ પણ જોવાલાયક છે.
ચોમાસાના વરસાદ બાદ તારંગા હિલ સોળે કળાએ ખીલી ઉઠે છે. વાદળો અને વરસાદ વચ્ચે તારંગા હિલ પર ટ્રેકિંગનો અનુભવે યાદગાર રહે છે.
તારંગા હિલ નજીક વન્ય અભ્યારણ છે. અહીં વિવિધ પ્રકારના પક્ષીઓ જોવા મળે છે.