આજકાલ ઘણા કુતરા એટલે કે ડોગ પાળવાનો વધ્યો હોય છે. જો કે કુતરા પાળવાનો શોખ અન્ય લોકો માટે ખતરનાક બની શકે છે. ઘણી વખત પાલેળા કુતરાઓએ માલિક કે અન્ય લોકો પર હુમલો કર્યો હોવાની ઘટનાઓના સમાચાર આવતા રહે છે. જો તમે કુતરા પાળવાનું વિચારી રહ્યા છો તો સૌથી પહેલા આ સમાચારને પૂરી રીતે વાંચી લો.
અહીં અમે તમને 10 સૌથી ખતરનાક કૂતરાની બ્રીડ્સ વિશે જણાવી રહ્યા છીએ. આ કુતરા ખતરનાક હોય છે કે જો તેમને ગુસ્સો આવે તો પોતાના માલિકને પણ કરડી શકે છે. તેમનો સ્વભાવ અતિશય ગુસ્સાવાળો હોય છે. આથી આવા કુતરાને ઘણી તાલીમ આપવાની જરૂર હોય છે.
દુનિયાના સૌથી ખતરનાક ડોગ બ્રિડ્સની વાત કરવામાં આવે તો સૌથી પહેલું નામ પિટ બુલ આવે છે. આ બ્રિડ્સ લડવા અને શિકાર માટે જાણીતી છે. લોકો પિટ બુલના વિશાળ, મજબૂત શરીરને જોઈને જ ડરી જાય છે.
રોટ વીલર ખૂબ જ ખતરનાક શ્વાનની બ્રિડ્સ છે. ઘણા દેશોમાં આ મોટા શરીરવાળા કૂતરાને ઉછેરવા પર પ્રતિબંધ છે. ભારતમાં લોકો તેને ઉછેરવાનું પસંદ કરે છે. તે ખૂબ જ શક્તિશાળી હોય છે. તેનું વજન લગભગ 35થી 50 કિલો જેટલું હોય છે.
જર્મન શેફર્ડ બ્રિડ્સના કૂતરા મોટે ભાગે પોલીસ વિભાગની નજીક જોવા મળશે. તે શક્તિશાળી હોવાની સાથે સાથે ખૂબ જ તીક્ષ્ણ મગજ પણ ધરાવે છે. તેમનું વજન 30થી 40 કિલો જેટલું હોય છે.
ઘણા લોકો ડોબરમેન પિન્સરને ઉછેરવાનું ખૂબ જ પસંદ કરે છે. તેઓ અજાણ્યા લોકો માટે ખૂબ જોખમી છે. તેમની પીઠ સીધી હોય છે. લોકો તેનો ઉપયોગ રક્ષક કૂતરા તરીકે કરે છે.
અમેરિકન બુલડોગ ખૂબ જ મજબૂત બ્રિડ્સ છે. જ્યારે તે હુમલો કરે છે ત્યારે સારા સારા વ્યક્તિઓને પરસેવો છુટી જાય છે. ઘણા લોકો તેમને ઘરોમાં રાખવાનું પણ પસંદ કરે છે. તેમને તાલીમ આપીને ઘણું શીખવી શકાય છે.
ગ્રેટ ડેનનું વજન 90 કિલો સુધી પહોંચી જાય છે. આ બ્રિડ્સના ડોગ બહુ જોખમી હોય છે. તેમનો સ્વભાવ એકદમ આક્રમક હોય છે. તેમને કિલિંગ મશીન તરીકે પણ ઓળખવામાં આવે છે.
બોક્સર ડોગના જડબાં એટલા ખતરનાક હોય છે કે તેઓ માત્ર 10 મિનિટમાં જ કોઈ પણ વ્યક્તિને પોતાના જડબાથી પતાવી શકે છે. એટલા માટે તેમને શિકારી પણ કહેવામાં આવે છે.
સાઇબેરીયન હસ્કીની હરકત શિયાળ જેવી હોય છે. તે દેખાવમાં પણ વરુ જેવો જ હોય છે. તેઓ ખૂબ જ શક્તિશાળી હોય છે. તેમને શિકાર કરવો ગમે છે.
બુલમાસ્ટિફ બ્રિડના કુરતા બુહ જ નીડર હોય છે. આ ઘરની સુરક્ષા માટે રાખવામાં આવે છે. આ બ્રિડના કુતરાને નાનપણથી જ તાલીમ આપવામાં આવે છે. તેમને બહારના લોકો પસંદ નથી આવતા.
વુલ્ફ ડોગ હાઇબ્રિડ એ વરુ અને કૂતરાના વર્ણશંકરના કારણે ઘણીવાર આક્રમક બની જાય છે. આવી પ્રજાતિના કુરતાને સાચવવા પડકારજનક હોઈ શકે છે.