ઉત્તરાયણ પર ઘરે બનાવો બજાર જેવું જ ઊંધિયુ, રેસીપી સ્ટેપ બાય સ્ટેપ
ઉત્તરાયણનો તહેવાર આવી ગયો છે ત્યારે બધાના ઘરે ઊંધિયું ખવાય છે. કોઈ માર્કેટથી લાવે છે તો કોઈ ઘરે બનાવે છે.
ઉત્તરાયણનો તહેવાર આવી ગયો છે ત્યારે બધાના ઘરે ઊંધિયું ખવાય છે. કોઈ માર્કેટથી લાવે છે તો કોઈ ઘરે બનાવે છે.
ઘરે બનાવતી ગૃહિણીઓ માટે ક્યારેક એ પ્રશ્ન થાય છે કે ઘરે માર્કેટ જેવું ઊંધિયું બનતું નથી.
અહીં ઊંધિયું બનાવવાની પરફેક્ટ રીત આપેલી છે. જેનાથી ઘરે જ માર્કેટ જેવું ઊંધિયું બનશે.
ઊંધિયું માટે મસાલો બનાવવા માટે એક વાસણમાં મોળી સેવ લો, તેમા પાણી નાંખી 2 મિનિટ રહેવા દો. સેવ માંથી પાણી કાઢી લો અને તેને સારી રીતે મેશ કરો.
હવે તેમા સીંગદાણાનો ભૂકકો, સફેદ તલ, કોપરાની છીણ, લાલ મરચું પાઉડર, ગરમ મસાલો, ધાણાજીરું પાઉડર, સ્વાદ અનુસાર મીઠું, લીંબુનો રસ, ખાંડ, લીલા કોથમીર અને તેલ ઉમેરો.
પછી બધી સામગ્રીને સારી રીતે મિક્સ કરી લો. આ મસાલાથી ઊંધિયાની ગ્રેવી બહુ જ ટેસ્ટી બને છે. આ મસાલો રીંગણ અને લીલા મરચામાં ભરી લો. બાકીનો મસાલો ઊંધિયુની ગ્રેવી બનાવવામાં કામ લાગશે.
ઊંધિયું માટે મુઠીયા બનાવવા એક વાસણમાં ચણાનો લોટ ચાળી લો. તેમા ઝીણી સમારેલી લીલી મેથીની ભાજી, લીલા મરચા પાઉડર, હળદર પાઉડર, ગરમ મસાલો, તેલનું મોણ, લીંબુનો રસ લઈશું.
ત્યાર બાદ તેમાં સ્વાદ અનુસાર મીઠું, ચપટી બેકિંગ સોડા અને હિંગ ઉમેરી બધી સામગ્રી સારી રીતે મિક્સ કરી લો. હવે ગરમ પાણી વડે મુઠીયાનો નરમ લોટ બાંધો અને તેને 10 મિનિટ ઢાંકીને રહેવા દો.
હવે તેમાંથી ગોળ નાના નાના મુઠીયા બનાવો. હવે કઢાઇમાં તેલ ગરમ કરો, પછી તેમા મુઠીયા ગોલ્ડન બ્રાઉન થાય ત્યાં સુધી તળી લો.
કઢાઇમાં તેલ ગરમો, પછી તેમા રતાળુ અને શક્કરિયા ગોલ્ડન બ્રાઉન થાય ત્યાં સુધી તળો, પછી તેમા કાચા કેળાને પણ ફ્રાય કરો. આ શાકભાજી તળવાથી તેની ચિકાસ ઘટી જાય છે.
હવે એક કઢાઇમાં તેલ ગરમ કરો, તેમા જીરું, તમાલ પત્ર અને ચપટી હિંગનો તડકો લગાવો. પછી આદુ મરચા લસણ અને ટામેટાની ગ્રેવી સાંતળો.
ગ્રેવી માંથી તેલ છુંટવા લાગે એટલે બધા શાકભાજી, ભરેલા રીંગણ, તળેલા રતાળુ શક્કરિયા અને કેળા ઉમેરો. શાકભાજીને ચડવા માટે તેમા સહેજ પાણી ઉમેરો.
હવે કઢાઇને વાસણ વડે ઢાંકી દો. તેમા પણ સહેજ પાણી ઉમેરો, જેથી શાકભાજી વરાળથી બફાઇ જશે. શાકભાજી દાઝે નહીં તેની માટે વચ્ચે વચ્ચે હલાવતા રહો.
શાકભાજીમાં કાચા પાક બફાઇ પછી તેમા મેથીના મુઠીયા અને આમલી ગોળનું પાણી ઉમેરો અને ઊંધિયાને રંધાવા દો. બધા શાકભાજી રંધાઇ જાય એટલે કે ગેસ બંધ કરી દો.
ઊંધિયા પર તાજા કોથમીરના પાન અને લીંબુનો રસ ઉમેરો. ગરમાગરમ ટેસ્ટી ઊંધિયું પુરી કે રોટલી સાથે ખાવાની મજા માણો.