પાણીપુરીના બધા ફ્લેવરના પાણીને ટક્કર મારે એવું એક વાર ટ્રાય કરો આ રજવાડી પાણી

નાનાથી લઈને મોટા લોકો પાણીપુરી ખાવાનું ખુબ પસંદ કરતા હોય છે. માર્કેટમાં વિવિધ ફ્લેવરના પાણીવાળી પકોડી મળે છે.

જોકે, આ બધી ફ્લેવરને પણ ટક્કર મારે એવું રજવાડી પાણી ઘરે બનાવી શકો છો. આ પાણી બનાવવું એકદમ સરળ છે. તો રેસીપી નોંધી લો.

સામગ્રી

કોથમિર, ફૂદિનો, લસણ, લીલું મરચું, આંબલીનું પાણી, દહીં, ખાંડ, 1/2 ટી સ્પૂન સંચળ, સ્વાદ પ્રમાણે મીઠું, 1/2 ટી સ્પૂન જીરા પાઉડર, 1 ચમચી ચાટ મસાલો, 1/2 ટી સ્પૂન લાલ મરચું પાઉડર

ધાણા-ફુદીનાની પેસ્ટ

સૌથી પહેલા લીલા ધાણા અને ફૂદિનાને સારી રીતે ધોઈને કટ કરી એક મીક્સર જારમાં લઈશું. તેમાં સુંકા લસણની 7-8 કળિયો, બે ત્રણ લીલા મરચાં નાખો.

આંબલીનું પાણી ઉમેરીશું

હવે મીક્સર જારમાં આંબલીનું પાણી ઉમેરીશું અને સારી રીતે પેસ્ટ તૈયાર કરીશું. એકદમ ફાઈન પેસ્ટ તૈયાર કરવાની છે.

દહીં ખાંડની પેસ્ટ

હવે એજ મીક્સર જારમાં એક કપ દહીં લઈને સ્વાદ પ્રમાણે ખાંડ લઈશું અને પેસ્ટ તૈયાર કરીશું.

બંને પેસ્ટને મીકસ્ કરીશું

હવે એક બાઉલમાં ધાણા ફુદિનાની પેસ્ટ અને દહીં ખાંડની પેસ્ટ કાઢીશું અને સારી રીતે મીક્સ કરીશું.

મસાલા કરીશું

હવે આ મીશ્રણમાં સ્વાદ પ્રમાણે મીઠું, 1/2 ટી સ્પૂન સંચળ, લાલમરચું, જીરા પાઉડર, 1 ચમચી ચાટ મસાલો ઉમેરીને સારી રીતે મીક્સ કરીશું.

રજવાડી પાણી તૈયાર

હવે આ મીક્સરને ગાળી લઈશું અને તેમાં ઠંડુ પાણી ઉમેરીને સર્વ કરીશું. આ તૈયાર થશે તમારું પાણીપુરીનું રજવાડી પાણી.