દરેક ઘરમાં લોકોની સવાર ચાથી થાય છે. અને ચા એ દેશનું રાષ્ટ્રીય પીણુ કહેવું ખોટું નથી. દેશમાં અલગ અલગ જગ્યાએ ચા અલગ અલગ રીતે બનાવવામાં આવે છે.
મોટા ભાગના ઘરોમાં પરંપરાગત રીતે ચા બનાવવામાં આવે છે. જોકે, અત્યારે ચા બનાવવાની નવી રીત વાયરલ થઈ રહી છે.
આ યુનિક સ્ટાઈલથી ચા બનાવશો તો તમારી ચાનો સ્વાદ ચાર ગણો વધી જશે. તો આ સાદી રેસીપી ફટાફટ નોંધી લો.
ચા પત્તી, ખાંડ, દૂધ, આદુ, ગુલાબની પાંખડીઓ, પાણી.
સૌથી પહેલા એક નવું કોડીયું લો અને તેને ચાની તપેલીમાં મુકો. તેમાં ચા પત્તી અને ખાંડ નાંખો. ત્યારબાદ તેમાં ગુલાબની પત્તીઓ અને ખાંડેલું આદુ નાંખો.
હવે ચાની તપેલીને ગરમ કરો જેથી કોડિયામાં રહેલી ખાંડ ધીમે ધીમે ઓગળશે. ત્યારે તેમાં જરૂર પ્રમાણે પાણી ઉમેરીને ઉકાળો.
એક ઊભરો આવે ત્યારે તેમાં જરૂર પ્રમાણેનું દૂધ ઉમેરીને ઉકળવા દો. ત્યારબાદ કોડિયાને દૂધથી જ ધોઈને કોડિયું તપેલીમાં જ રહેવા દો.
ચાને ત્રણ ચાર ઉભરા આવે ત્યા સુધી ધીમા તાપે ઉકાળતા રહો અને છેલ્લા ગેસ બંધ કરીને ચાને ગરમા ગરમ સર્વ કરો.