scorecardresearch

સુષ્મા સ્વરાજે કહ્યું, Surgical Strike બાદ પાકિસ્તાન પરમાણુ હુમલાની તૈયારી કરી રહ્યું : માઈક પોમ્પિયો

Surgical Strike : અમેરિકા (America) ના પૂર્વ વિદેશ મંત્રી માઈક પોમ્પિયો (mike pompeo) એ ભારત (India) ની બાલકોટ સર્જિકલ સ્ટ્રાઈક યાદ કરી કહ્યું કે, સુષ્મા સ્વરાજે (sushma swaraj) તે સમયે મને શંકા વ્યક્ત કરી કે પાકિસ્તાન (Pakistan) પરમાણુ હુમલો (nuclear attack) કરવાની તૈયારી કરી રહ્યું.

સુષ્મા સ્વરાજે કહ્યું, Surgical Strike બાદ પાકિસ્તાન પરમાણુ હુમલાની તૈયારી કરી રહ્યું : માઈક પોમ્પિયો
અમેરિકાના પૂર્વ વિદેશ મંત્રી માઈક પોમ્પિયો (ફોટો – જનસત્તા)

Mike Pompeo: અમેરિકાના પૂર્વ વિદેશ મંત્રી માઈક પોમ્પિયોએ કહ્યું કે, 2019માં તેમના તત્કાલિન ભારતીય સમકક્ષ સુષ્મા સ્વરાજે તેમને કહ્યું હતું કે, સર્જિકલ સ્ટ્રાઈક પછી પાકિસ્તાન પરમાણુ હુમલાની તૈયારી કરી રહ્યું છે. તેણે તેના નવા પુસ્તક, નેવર ગિવ એન ઈંચ: ફાઈટીંગ ફોર ધ અમેરિકા આઈ લવમાં આ વિશે વાત કરી છે.

મારી ટીમ અને મેં સંકટને ટાળવા માટે રાતભર કામ કર્યું: માઈક પોમ્પિયો

આમાં તેમણે કહ્યું હતું કે, 27-28 ફેબ્રુઆરી, 2019ના રોજ અમેરિકા-ઉત્તર કોરિયા શિખર સંમેલન માટે હનોઈમાં હતા ત્યારે તેમણે આ વાત કહી હતી. આ દરમિયાન તેમણે અને તેમની ટીમે સંકટને ટાળવા માટે નવી દિલ્હી અને ઈસ્લામાબાદ બંને સાથે રાતભર કામ કર્યું. પોમ્પિયોએ કહ્યું કે, તેમને નથી લાગતું કે વિશ્વ એ વાતથી વાકેફ છે કે ભારત અને પાકિસ્તાન બદલો લેવા પરમાણુ વિસ્ફોટ કરવા માટે કેટલા નજીક હતા.

તેમણે કહ્યું કે, હું હનોઈની તે રાત ક્યારેય ભૂલી શકતો નથી, જ્યારે ભારત અને પાકિસ્તાન વચ્ચે દાયકાઓથી ચાલી રહેલા સરહદ વિવાદ પર બંને દેશોએ એકબીજાને ધમકીઓ આપવાનું શરૂ કર્યું હતું. પોમ્પિયોએ તેમના પુસ્તકમાં ફેબ્રુઆરી 2019ની આતંકવાદી ઘટનાનો ઉલ્લેખ કર્યો છે જેમાં 40 ભારતીય સૈનિકો શહીદ થયા હતા. જવાબમાં ભારતે બાલાકોટ સર્જિકલ સ્ટ્રાઈક કરી હતી.

આ પણ વાંચોBBC Documentary Row: બીબીસી સાથે જોડાયેલા વિવાદ પર અમેરિકાએ કહ્યું – ભારત અને અમેરિકાનો સંબંધ ઘણો મજબૂત, અમે ડોક્યુમેન્ટ્રીથી પરિચિત નથી

ભારત-પાક સાથે વાત કર્યા બાદ ખુલાસો કર્યો, કોઈ હુમલાની તૈયારી નથી કરી રહ્યું

તેમણે કહ્યું કે, સુષ્મા સ્વરાજે હનોઈમાં તેમની સમક્ષ આશંકા વ્યક્ત કરી હતી કે, પાકિસ્તાન સર્જિકલ સ્ટ્રાઈકનો બદલો લેવા પરમાણુ હુમલાની યોજના બનાવી રહ્યું છે. પોમ્પિયોએ કહ્યું કે, ત્યારબાદ તેમણે તત્કાલિન રાષ્ટ્રીય સુરક્ષા સલાહકાર જોન બોલ્ટન સાથે વાત કરી અને પાકિસ્તાન આર્મી ચીફ જનરલ કમર જાવેદ બાજવા સાથે મુલાકાત કરી. જોકે, બાજવાએ પરમાણુ હુમલા જેવી કોઈ યોજનાનો ઈન્કાર કર્યો હતો. પોમ્પિયોએ કહ્યું કે, આ પછી તેમણે અને તેની ટીમે ભારત અને પાકિસ્તાનને સમજાવ્યું કે બંનેમાંથી કોઈ પણ પરમાણુ હુમલાની યોજના નથી બનાવી રહ્યું.

Web Title: India surgical strike mike pompeo sushma swaraj said pakistan preparing nuclear attack

Best of Express