Silicon Valley Bank Collapse: અમેરિકામાં ફરી એક વખત મોટી બેન્કિંગ કટોકટી સર્જાઈ રહી છે. જેનું મુખ્ય કારણ અમેરિકાની 16મી સૌથી મોટી બેંક સિલિકોન વેલીએ નાદારી નોંધાવી છે. યુએસ રેગ્યુલેટર્સે દેશની સૌથી મોટી બેંકોમાંની એક સિલિકોન વેલી બેંકને બંધ કરવાનો આદેશ આપ્યો છે. મીડિયા રિપોર્ટ્સ અનુસાર, કેલિફોર્નિયા ડિપાર્ટમેન્ટ ઓફ ફાઇનાન્સિયલ પ્રોટેક્શન એન્ડ ઇનોવેશનએ આ બેંકને બંધ કરવાનો આદેશ આપ્યો છે. આ સાથે, ફેડરલ ડિપોઝિટ ઇન્સ્યોરન્સ કોર્પોરેશન (FDIC) ને બેંકના રીસીવર તરીકે નિયુક્ત કરવામાં આવ્યા છે. તો, બેંકોમાં જમા નાણાંની સુરક્ષાની જવાબદારી પણ ફેડરલ ડિપોઝિટ ઇન્સ્યોરન્સ કોર્પોરેશનને આપવામાં આવી છે.
ટ્વિટરના વડા એલોન મસ્કએ શનિવારે જણાવ્યું હતું કે, તેઓ બરબાદ થયેલી સિલિકોન વેલી બેંક (SVB) ખરીદવા અને તેને ડિજિટલ બેંકમાં ફેરવવાના વિચાર માટે તેઓ તૈયાર છે. Razer (એક ઉપભોક્તા ઇલેક્ટ્રોનિક્સ કંપની) ના સહ-સ્થાપક અને CEO મિન-લિયાંગ ટેને ટ્વિટ કર્યું કે, “મને લાગે છે કે ટ્વિટરે SVB ખરીદવું જોઈએ અને ડિજિટલ બેંક બનાવવી જોઈએ,” જેના પર મસ્કે જવાબ આપ્યો, “હું આ વિચાર માટે ખુલ્લો છું.”
સિલિકોન વેલી અમેરિકાની 16મી સૌથી મોટી બેંક છે. બેંક પાસે લગભગ $210 બિલિયનની સંપત્તિ છે. તે ટેક કંપનીઓ અને સાહસ મૂડી રોકાણ કંપનીઓને નાણાકીય સહાય પૂરી પાડતી અગ્રણી યુએસ બેંક છે.
યુએસ સેન્ટ્રલ બેંક દ્વારા છેલ્લા 18 મહિનામાં વ્યાજદરમાં વધારો કરવામાં આવતા આવી કંપનીઓને ભારે ફટકો પડ્યો છે. જેના કારણે ટેક કંપનીઓમાં પણ રોકાણકારોનો રસ ઓછો થયો છે. તે હજુ સ્પષ્ટ નથી કે, બેંકમાં કેટલીક થાપણો $2.5 મિલિયનની વીમા મર્યાદાને વટાવી ગઈ છે. કારણ કે સિલિકોન વેલી બેંકે ટેક કંપનીઓને ઘણી બધી લોન આપી છે.
જાણો સિલિકોન વેલી બેંક સાથે સંબંધિત 10 મહત્વપૂર્ણ તથ્યો-
કેલિફોર્નિયાના બેંકિંગ રેગ્યુલેટર્સ દ્વારા શુક્રવારે સિલિકોન વેલી બેંકને બંધ કરવામાં આવી હતી. 2008 માં વૈશ્વિક નાણાકીય કટોકટી પછી તે સૌથી મોટી રિટેલ બેંકિંગ નિષ્ફળતા છે.
યુએસ રેગ્યુલેટર્સે શુક્રવારે સિલિકોન વેલી બેંક (SVB) બંધ કરી દીધી અને વૈશ્વિક નાણાકીય કટોકટી પછીની સૌથી મોટી રિટેલ બેંકિંગ નિષ્ફળતામાં તેની થાપણો પર નિયંત્રણ મેળવ્યું.
આ નાટકીય ઘટનાક્રમ 48 કલાક પછી આવ્યો. જેમાં સંબંધિત ગ્રાહકોએ જમા રકમ ઉપાડવાનું શરૂ કર્યું હતું. જેના કારણે બેંકના શેરના ભાવમાં ઘટાડો જોવા મળ્યો હતો.
ટેક સ્ટાર્ટઅપ્સમાં રોકાણ કરીને વિશાળ સંપત્તિ એકત્ર કર્યા પછી, સિલિકોન વેલી બેંકે તેની મોટાભાગની સંપત્તિ યુએસ બોન્ડ્સમાં રોકાણ કરી.
કોવિડ મહામારી પછી સ્ટાર્ટઅપ ફંડિંગ પણ અટકી ગયું હતું. જેના કારણે મોટી સંખ્યામાં બેંક ગ્રાહકો પૈસા ઉપાડી રહ્યા છે. આનાથી સિલિકોન વેલી બેંકને તેના કેટલાક રોકાણો વેચવાની ફરજ પડી હતી, તેમ છતાં તેનું મૂલ્ય ઘટ્યું હતું.
આ અઠવાડિયાની શરૂઆતમાં, બેંકે જણાવ્યું હતું કે, તેને લગભગ $2 બિલિયનનું નુકસાન થયું છે.
બેંક બંધ થયા બાદ હવે રોકાણકારોના નાણાં પર ફેડરલ ડિપોઝીટ ઇન્સ્યોરન્સ કોર્પોરેશન (FDIC) દ્વારા તેનું નિયંત્રણ કરવામાં આવ્યું છે.
FDIC એ નવી બેંક, નેશનલ બેંક ઓફ સાન્ટા ક્લેરાની રચના કરી છે, જે હવે સિલિકોન વેલી બેંકની તમામ સંપત્તિની માલિકી ધરાવશે.
એફડીઆઈસીએ થાપણદારોને ખાતરી આપી હતી કે, સોમવારે સવારે તમામ બેંક શાખાઓ ખુલી જાય તે પછી તેઓ તેમના ભંડોળ પર નિયંત્રણ રાખશે. તેમને ચિંતા કરવાની જરૂર નથી.
જો બિડેનના વહીવટી અધિકારીઓએ નિયમનકારો પર સંપૂર્ણ વિશ્વાસ મૂક્યો.
