INDIA vs SRI LANKA: ભારત અને શ્રીલંકા વચ્ચે રમાનારી 3 વન-ડે અને 3 ટી-20 શ્રેણી માટે ભારતીય ટીમની હજુ જાહેરાત થઇ નથી. એવામાં સમાચાર આવી રહ્યા છે કે વિરાટ કોહલીએ આ શ્રેણી માટે રજાની માંગણી કરી છે. જો વિરાટ કોહલીને રજા આપવામાં આવશે તો પસંદગીકારોનું કામ વધારે આસાન થઇ જશે. એક એવા પણ સમાચાર છે કે અંડર-19 વર્લ્ડ કપ વિજેતા કેપ્ટન યશ ઢૂલને (Yash Dhull) આ શ્રેણીમાં તક મળી શકે છે.
વિરાટ કોહલીને મળી શકે છે રજા
ક્રિકબઝના રિપોર્ટ પ્રમાણે વિરાટ કોહલીએ આ શ્રેણી માટે રજા માંગી છે. જો વિરાટ કોહલીને આરામ આપવામાં આવશે તો પસંદગીકારોનું કામ આસાન બની જશે. રોહિત શર્મા હજુ ઇજામાંથી પુરી રીતે બહાર આવી શક્યો નથી. જેથી તેને પણ આ શ્રેણીમાં આરામ આપવામાં આવી શકે છે. કેએલ રાહુલની રજા પહેલા જ સ્વીકારી લેવામાં આવી છે. આ વખતે પસંદગીકાર કેટલાક નવા ખેલાડીઓને તક આપવાનું મન બનાવી રહ્યા છે. આવામાં હાર્દિક પંડ્યાને ફરી એક વખત કેપ્ટન બનાવવામાં આવશે.
આ પણ વાંચો – ભારતીય ક્રિકેટર્સ માટે વ્યસ્ત રહેશે 2023નું વર્ષ, જાણો આખા વર્ષનો કાર્યક્રમ
યશ ઢુલને મળી શકે છે તક
રિપોર્ટમાં કહેવામાં આવ્યું છે કે યશ ઢુલનો આ શ્રેણીમાં સમાવેશ કરી શકાય છે. રવિન્દ્ર જાડેજાની ઇજા પર પસંદગીકાર ચર્ચા કરશે. વન-ડે શ્રેણી માટે રોહિત શર્મા અને વિરાટ કોહલીની વાપસી થઇ જશે. આ વર્ષે ભારતમાં વન-ડે વર્લ્ડ કપ રમાવાનો છે. આવામાં ભારતીય ટીમના પ્રમુખ ખેલાડીનો વન-ડેમાં સમાવેશ કરાશે. આ શ્રેણીમાં બુમરાહની વાપસી થઇ શકે છે.
શ્રીલંકા સામેની શ્રેણી માટે ચેતન શર્માની અધ્યક્ષતાવાળી પસંદગી સમિતિ જ ટીમની પસંદગી કરશે. આ દરમિયાન પસંદગીકર્તા બધા ખેલાડીઓની ઇજા વિશે પણ ચર્ચા કરશે. રવિન્દ્ર જાડેજા, ફાસ્ટ બોલર જસપ્રીત બુમરાહ, દીપક ચાહર, મોહમ્મદ શમીની ઇજાની સ્થિતિ શું છે સ્થિતિ તેને પણ ધ્યાનમાં રાખશે.
