Mar 25, 2025
ઉનાળાની સિઝનમાં બહાર નીકળવું અસહ્ય બને છે. ગરમી અને લૂ લાગી જતાં બિમાર પડી જવાય છે.
આકરી ગરમી અને લૂ ક્યારેક જીવલેણ બનતી હોય છે. અહીં એવા પીણાં અને ઘરેલું ઉપાય વિશે માહિતી આપી છે. લૂથી બચવા ઉપયોગી બનશે.
લીંબુ પાણી ઈમ્યુનિટી બુસ્ટર છે. લીંબુમાં વિટામિન સી, કેલ્શિયમ, પોટેશિયમ સહિત પોષક તત્વો છે.
લીંબુ પાણી એનર્જી આપે છે અને રોગપ્રતિકારક શક્તિ વધારે છે. લીંબુ પાણીમાં થોડું મીઠું અને થોડી ખાંડ ઉમેરી પીવો.
વરિયાળી કુદરતી ઠંડી અને ડિટોક્સિફાયર કહેવાય છે. શરીરની ગંદકી બહાર કાઢે છે અને શરીરને ઠંડુ રાખે છે. લિવર અને કિડની માટે પણ સારી છે.
વરિયાળી ઠંડી હોવાથી લૂ સામે વરિયાળીનો રસ અકસીર ઉપાય છે. વરિયાળી રસમાં ફૂદીનો, થોડી ખાંડ ભેળવી આ ડ્રિંક્સ પી શકાય છે.
નારિયેળ પાણી હેલ્ધી ડ્રિંકસ છે. વિટામિન સી, મેગ્નેશિયમ, કેલ્શિયમ અને પોટેશિયમ સહિત પોષક તત્વો ભરપુર માત્રામાં હોય છે.
ઉનાળાની ગરમીમાં નાળિયેર પાણી બેસ્ટ છે. ઇલેક્ટ્રોલાઇટ્સ ભરપૂર માત્રામાં હોવાથી શરીરને હાઇડ્રેટ રાખે છે.
ઉનાળાની ગરમીમાં ફુદીનાનું પાણી લૂ સામે રક્ષણ આપે છે. ફુદીનાના પાનને પીસી તેમાં ચપટી મરી પાઉડર, ચપટી મીઠું અને ઠંડુ પાણી ઉમેરી પીવો.