Feb 11, 2025
પાકિસ્તાનમાં ઘણા ઐતિહાસિક મંદિરો આવેલા છે. જેમાં પાકિસ્તાનમાં આવેલું હિંગળાજ માતાનું મંદિર સૌથી પ્રસિદ્ધ મંદિર છે.
આ મંદિર પોતાના ધાર્મિક મહત્ત્વ, ઐતૈહાસિક પૃષ્ઠભૂમિ અને પ્રાકૃતિક સુંદરતાના કારણે આખી દુનિયામાં પ્રસિદ્ધ છે.
હિંગળાજ માતાનું મંદિર હિંદુઓ માટે મહત્ત્વનું તીર્થ સ્થળ છે. આ મંદિર બલુચિસ્તાન પ્રાંતના હિંગોળ નેશનલ પાર્કમાં આવેલું છે.
હિંગળાજ માતાનું મંદિર 51 શક્તિપીઠોમાંથી એક માનવામાં આવે છે. પૌરાણિક કથા અનુસાર, આ તે સ્થાન છે જ્યાં દેવી સતીનું માથુ પડ્યુ હતું.
આ સ્થળ હજારો વર્ષોથી હિંદુ ધર્મના અનુયાયીઓનું તીર્થસ્થાન રહ્યું છે અને દર વર્ષે અહીં લાખો શ્રદ્ધાળું દર્શન માટે આવે છે.
મંદિર સુધી પહોંચવા માટે શ્રદ્ધાળુંઓને મુશ્કેલ રસ્તાઓ અને રણ વિસ્તારમાંથી પસાર થવુ પડે છે.
અહીં નવરાત્રિ અને અન્ય મહત્ત્વપૂર્ણ હિંદુ તહેવારો દરમિયાન વિશેષ પૂજા અને અનુષ્ઠાનનું આયોજન કરવામાં આવે છે.
હિંગળાજ માતા મંદિર ન માત્ર ધાર્મિક સ્થળ છે પરંતુ આ પાકિસ્તાનમાં હિંદુ સંસ્કૃતિ અને પરંપરાઓનું પણ પ્રતિક છે.
હિંગળાજ માતા મંદિરે ન માત્ર હિંદુ પરંતુ પાકિસ્તાની લોકો પણ શ્રદ્ધા રાખે છે અને માતાના મંદિરે દર્શને આવે છે.