2024 Bajaj Pulsar N250 : બજાજ પલ્સર N250 લોન્ચ, જાણો કિંમત અને શું છે નવા અપડેટ

2024 Bajaj Pulsar N250 Launched : બજાજ ઓટોએ તેની લાઇનઅપને અપડેટ કરતા 2024 પલ્સર એન 250 ને ભારતમાં લોન્ચ કર્યું છે. કંપનીએ તેને 1.5 લાખ રૂપિયા (એક્સ-શોરૂમ, દિલ્હી)ની પ્રારંભિક કિંમત સાથે બજારમાં લોન્ચ કરી છે. નવી પલ્સર એન250માં હાર્ડવેર અને ફીચર્સની દ્રષ્ટિએ અનેક અપડેટ્સ મળે છે, જોકે તેની ડિઝાઇન અગાઉના મોડલ જેવી જ છે.

2024 Bajaj Pulsar N250 : નવું શું છે?

ડિઝાઇનના મામલે તેમાં કોઈ ફેરફાર કરવામાં આવ્યો નથી. નવી બજાજ પલ્સર એન 250 બંને બાજુ ડીઆરએલ સાથે સિંગલ હેડલાઇટ ડિઝાઇનને આગળ ધપાવે છે. મોટરસાઇકલમાં ટેન્ક એક્સ્ટેન્શન, અન્ડરબેલી ફેયરિંગ અને સાઇડ-સ્લંગ એક્ઝોસ્ટની સાથે મસ્કુલર ટેન્ક ડિઝાઇનને યથાવત્ રાખવામાં આવી છે.

હાર્ડવેરની વાત કરીએ તો અહીં કેટલાક નોંધપાત્ર ફેરફારો કરવામાં આવ્યા છે. સૌ પ્રથમ યુએસડી ફોર્ક્સ છે, જે પાછલી પેઢીના મોટરસાયકલના પરંપરાગત ટેલિસ્કોપિક ફોર્ક્સનું સ્થાન લે છે. પાછળના ભાગમાં મોનોશોક મળે છે અને પૈડા 17 ઇંચના લગાવેલા છે. નવી પલ્સરમાં એબીએસ સાથે બંને બાજુ ડિસ્ક બ્રેક્સ મળે છે.

આ પણ વાંચો - બે ગાડીઓમાં એક ફાસ્ટેગ ચલાવવું ગેરકાનૂની, જાણો શું છે નિયમ

2024 બજાજ પલ્સર એન 250: ફીચર્સ અપડેટ?

નવી પલ્સર એન 250માં જોવા મળતા ફીચર્સની વાત કરીએ તો નવી પલ્સર એન 250માં ત્રણ એબીએસ મોડ મળે છે: રેન, રોડ અને ઓફ રોડ. એન250માં ટ્રેક્શન કન્ટ્રોલ સિસ્ટમ પણ મળે છે, જે આ સેગમેન્ટના મોટરસાઇકલ માટે પ્રથમ વખત છે, જેને માત્ર ઓફ-રોડ મોડમાં જ બંધ કરી શકાય છે.

2024 બજાજ પલ્સર એન 250 માં એક નવું ડિજિટલ ડેશબોર્ડ, એક એલસીડી યુનિટ પણ મળે છે, જે ફોન કનેક્ટિવિટીને સપોર્ટ કરે છે. તે નોટિફિકેશન્સ પ્રદર્શિત કરી શકે છે અને તેમાં ટર્ન-બાય-ટર્ન નેવિગેશન પણ છે, જે અન્ય પલ્સર મોડેલોની જેમ તેમાં અપડેટ જોવામાં આવ્યું છે.

2024 બજાજ પલ્સર એન250: એન્જિન સ્પેસિફિકેશન્સ

2024 બજાજ પલ્સર એન 250ને પાવર આપતું 249 સીસી સિંગલ સિલિન્ડર એન્જિન છે જે 24 બીએચપી પાવર અને 21.5 એનએમ પીક ટોર્ક જનરેટ કરે છે. આ એન્જિન સાથે સ્લિપ અને અસિસ્ટ ક્લચ દ્વારા5 ગિયરબોક્સ સાથે જોડવામાં આવ્યું છે.