8th Pay Commission: 8મા પગાર પંચમાં પગાર કેટલો વધશે? ફિટમેન્ટ ફેક્ટર મેથડ શું છે જેના આધાર થાય છે પગાર વધારાની ગણતરી

8th Pay Commission Salary Calculator: કેન્દ્ર સરકારના કર્મચારીઓ અને પેન્શનધારકો તેમના પગાર અને પેન્શનમાં વધારા માટે 8મા પગાર પંચની રચનાની આતુરતાથી રાહ જોઈ રહ્યા છે. સરકારે નવું પગાર પંચ બનાવવાનો નિર્ણય લીધો છે, પરંતુ હજુ સુધી આયોગની રચના કરવામાં આવી નથી. તેમ છતાં, એવી ચર્ચાઓ છે કે 8મા પગાર પંચની રચના અને તેની ભલામણોના અમલીકરણ પછી, સરકારી કર્મચારીઓના પગારમાં મોટો વધારો જોવા મળી શકે છે. આનો આધાર એ છે કે 8મા પગાર પંચ દ્વારા પગાર વધારા માટે ફિટમેન્ટ ફેક્ટર 2.28 અને 2.86 ની વચ્ચે રહેવાની ધારણા છે .

8th Pay Commission : ફિટમેન્ટ ફેક્ટર શું છે?

ફિટમેન્ટ ફેક્ટર એ એક ગુણક છે જેનો ઉપયોગ કેન્દ્ર સરકારના કર્મચારીઓ અને પેન્શનરોના લઘુત્તમ મૂળભૂત પગાર અથવા મૂળ પગારની ગણતરી કરવા માટે થાય છે. આ પહેલા, 7મા પગાર પંચ (7મા CPC અથવા કેન્દ્રીય પગાર પંચ) માં ફિટમેન્ટ ફેક્ટર 2.57 નક્કી કરવામાં આવ્યો હતો. જ્યારે છઠ્ઠા પગાર પંચ (છઠ્ઠા સીપીસી)માં તે 1.86 હતું. એવું માનવામાં આવે છે કે 8મા પગાર પંચમાં ફિટમેન્ટ ફેક્ટર 2.28 થી 2.86 સુધી હોઈ શકે છે.

8th Pay Commission: પગાર કેટલો વધી શકે છે?

જો 8મા પગાર પંચમાં ફિટમેન્ટ ફેક્ટર 2.86 નક્કી કરવામાં આવે, તો કર્મચારીઓના મૂળ પગારમાં 40 - 50 ટકા સુધીનો વધારો થઈ શકે છે. જો કોઈ કર્મચારીનો વર્તમાન મૂળ પગાર 20000 રૂપિયા છે, તો 2.86 ના ફિટમેન્ટ ફેક્ટર પર આધારિત નવો પગાર કંઈક આ મુજબ હશે:

20,000 × 2.86 = 57,200 રૂપિયા

8th Pay Commission : ફિટમેન્ટ ફેક્ટર ગણતરી

જો ફિટમેન્ટ ફેક્ટર 2.86 નક્કી થાય છે, તો લઘુત્તમ મૂળ પગાર અને પેન્શનમાં વધારાની ગણતરી આ મુજબ હોઈ શકે છે:

વર્તમાન લઘુત્તમ મૂળ પગાર: 18000 રૂપિયા

સંભવિત નવો લઘુત્તમ મૂળ પગાર : 18,000 × 2.86 = 51,480 રૂપિયા

વર્તમાન લઘુત્તમ પેન્શન: 9,000 રૂપિયા

સંભવિત નવું લઘુત્તમ પેન્શન: 9,000 × 2.86 = 25,740 રૂપિયા

8th Pay Commission: પગાર પર સંભવિત અસર

8મા પગાર પંચના અમલીકરણ સાથે, કેન્દ્ર સરકારી કર્મચારીઓના પગાર માળખામાં ઘણા મહત્વપૂર્ણ ફેરફારો થઈ શકે છે. સરકારી કર્મચારીઓના કુલ પગારમાં માત્ર 25 - 30 સુધીનો વધારો થઈ શકે છે, પરંતુ તેમના ભથ્થાં અને પર્ફોર્મન્સ પેમાં પણ વધારો થવાની અપેક્ષા છે. જોકે, 8મા પગાર પંચની રચના હજુ સુધી જાહેર કરવામાં આવી નથી. પરંતુ જ્યારે પણ સરકાર દ્વારા નવું પગાર પંચ બનાવવામાં આવશે, ત્યારે તેનો લાભ લાખો કેન્દ્ર સરકારના કર્મચારીઓ અને પેન્શનરોને મળશે.