Adani Group Share Crash After US SEC Accused On Gautm Adani: અદાણી ગ્રૂપ શેરમાં ગુરુવારે સેલર સર્કિટ લાગતા 10 થી 20 ટકા સુધી કડાકો બોલાયો હતો. શેરબજાર ખુલવાની સાથે જ અદાણી પોર્ટ્સ શેરમાં 10 ટકાની સેલર સર્કિટ લાગતા સેન્સેક્સનો ટોપ લૂઝર સ્ટોર બન્યો હતો. તો અદાણી એન્ટરપ્રાઇઝના શેરમાં પણ 10 ટકાનો કડાકો બોલાયો હતો. અદાણી ગ્રૂપના શેરમાં કડાકાનું કારણ અમેરિકાના શેરબજાર નિયામકના ગંભીર આક્ષેપ છે.
Adani Port Sez Share Crash : અદાણી પોર્ટ સેઝ સેન્સેક્સનો ટોપ લૂઝ શેર
ગુરુવારે શેરબજાર બીએસઇ ખુલતાની સાથે જ અદાણી પોર્ટ્સ અને સેઝ શેરમાં 10 ટકાની સેલર સર્કિટ લાગી અને ભાવ 1160 રૂપિયા ફ્રીઝ થઇ ગયો હતો. એટલે કે હવે ગુરુવારે સમગ્ર સેશન દરમિયાન અદાણી પોર્ટ્સ શેરનો ભાવ આ જ રહેશે. કંપનીની માર્કેટકેપ 250608 કરોડ રૂપિયા હતી. આ સાથે જ અદાણી પોર્ટ્સ સેઝ સેન્સેક્સનો ટોપ લૂઝર સ્ટોક બન્યો હતો. બુધવારે અદાણી પોર્ટ્સ શેરનો બંધ ભાવ 1289 રૂપિયા હતો.
Adani Group Share Crash Todat : અદાણી ગ્રૂપ શેરમાં 20 ટકા સુધીનો કડાકો
અદાણી ગ્રૂપના શેરમાં 10 ટકા થી 20 ટકા સુધીનો જબરદસ્ત કડાકો બોલાયો છે. શેરબજારમાં લિસ્ટેડ અદાણી ગ્રૂપની માલિકીની તમામ 11 કંપનીઓના શેર તૂટ્યા હતા. સૌથી વધુ અદાણી એનર્જી સોલ્યુશનનો શેર 20 ટકા તૂટ્યો અને શેર 697 રૂપિયા પર ફ્રીઝ થઇ ગયો હતો. તેવી જ રીતે આજે શેરબજારમાં ઇન્ટ્રા-ડે સેશન દરમિયાન અદાણી ગ્રીન 20 ટકા, અદાણી એન્ટરપ્રાઇસ 10 ટકા, અદાણી પાવર 17.5 ટકા, અદાણી ટોટલ ગેસ 19 ટકા, અદાણી વિલ્મર 10 ટકા, અંબુજા સિમેન્ટ 10 ટકા, એસીસી લિમિટેડ 14.5 ટકા, એનડીટીવી 10 ટકા, સાંઘી ઈન્ડસ્ટ્રીઝનો શેર 8 ટકા સુધી તૂટ્યા હતા.
અદાણી ગ્રૂપ શેરમાં કડાકો
અદાણી કંપની કડાકો (ઇન્ટ્રા-ડે) અદાણી એનર્જી સોલ્યુશન 20 ટકા અદાણી ગ્રીન એનર્જી 19 ટકા અદાણી ટોટલ ગેસ 18.77 ટકા અદાણી પાવર 17.5 ટકા એસીસી લિમિટેડ 14.55 ટકા અદાણી એન્ટરપ્રાઇસ 10 ટકા અદાણી પોર્ટ્સ સેઝ 10 ટકા અદાણી વિલ્મર 10 ટકા અંબુજા સિમેન્ટ 10 ટકા એનડીટીવી 10 ટકા સાંઘી ઈન્ડસ્ટ્રીઝ 8 ટકા
US SEC Accused Bribery On Gautam Adani : ગૌતમ અદાણી પર અમેરિકાના ગંભીર આક્ષેપ
અદાણી ગ્રૂપ શેર તૂટવાનું કારણ અમેરિકાના શેરબજાર નિયામકના ગંભીર આક્ષેપ છે. યુએસ સિક્યોરિટીઝ એન્ડ એક્સચેન્જ કમિશને અદાણી ગ્રૂપના ચેરમેન ગૌતમ અદાણી અને તેમના સહયોગીઓ પર સોલાર એનર્જી પ્રોજેક્ટ મેળવવા માટે લગભગ 265 મિલિયન ડોલર લાંચ આપવાનો આક્ષેપ મૂક્યો છે. આ સોલાર એનર્જી પ્રોજેક્ટમાં બે દાયકાના ગાળામાં 2 અબજ ડોલરનો નફો થવાની અપેક્ષા હતી. SECનો આરોપ છે કે ગૌતમ અદાણીએ અમેરિકન રોકાણકારો સાથે છેતરપિંડી કરી છે. સંપૂર્ણ રિપોર્ટ વાંચવા અહીં ક્લિક કરો
