બજાજ ઓટો આગામી સમયમાં 8 નવા બાઇક લોન્ચ કરશે, પલ્સર બ્રાન્ડ પર ફરી લાગશે મોટો દાંવ

Bajaj Auto Upcoming Bikes 2026 : દેશની અગ્રણી ટુ-વ્હીલર નિર્માતા કંપની બજાજ ઓટો આગામી ચારથી પાંચ મહિનામાં આઠ નવી મોટરસાયકલો લોન્ચ કરવાની યોજના બનાવી રહી છે. આ લોન્ચિંગ એવા સમયે થઈ રહ્યું છે જ્યારે કંપનીએ દિવાળી 2025 પછી 7 નવા પ્રોડક્ટ અને અપડેટ્સ રજૂ કર્યા છે, જેમાં રિફ્રેશ્ડ પલ્સર 125 અને પલ્સર 150 નો સમાવેશ થાય છે. કંપની સ્પષ્ટપણે કહે છે કે આ લોન્ચિંગનો હેતુ તેની સૌથી મજબૂત બ્રાન્ડ પલ્સરને ફરીથી વેગ આપવાનો છે, ખાસ કરીને 150 સીસીથી ઉપરના સેગમેન્ટમાં.

પલ્સર બ્રાન્ડ બની રહેશે બજાજ ઓટોનું કોર ફોક્સ

Q3 FY2026 પરિણામો પછી એનાલિસ્ટ સાથેની વાતચીતમાં બજાજ ઓટોના એક્ઝિક્યુટિવ ડિરેક્ટર રાકેશ શર્માએ કહ્યું હતું કે કંપનીનું પ્રાથમિક લક્ષ્ય પલ્સર ફ્રેન્ચાઇઝીને રીબિલ્ડ કરવાનું છે. તેમણે ધ્યાન દોર્યું હતું કે છેલ્લા કેટલાક ક્વાર્ટરમાં કંપનીએ ઇરાદાપૂર્વક પ્રોડક્ટ લોન્ચિંગમાં વિલંબ કર્યો હતો જેથી તહેવારોની મોસમના વેચાણને અસર ન થાય, જ્યારે પ્રતિસ્પર્ધી કંપનીઓ 125cc+ સેગમેન્ટમાં આક્રમક રીતે લોન્ચ કરી રહી હતી. જોકે તાજેતરમાં લોન્ચ કરાયેલા પ્રીમિયમ પલ્સર મોડલ્સને બજારમાંથી પ્રારંભિક સ્તર પર પોઝિટિવ રિસ્પોન્સ મળ્યો છે.

દર મહિને 2 નવા પ્રોડક્ટ, મિડ યર સુધી આખો પોર્ટફોલિયો બદલાઈ જશે

બજાજ ઓટો આગામી બે ક્વાર્ટરમાં દર મહિને બે નવી પ્રોડક્ટ્સ લોન્ચ કરશે. આ વર્ષ 2026 ના મધ્ય સુધીમાં કંપનીનો મોટરસાયકલ પોર્ટફોલિયો સંપૂર્ણપણે રિફ્રેશ થઇ જશે. મેનેજમેન્ટને આશા છે કે આગમી 6 મહિનામાં બજારનો હિસ્સો સ્થિર થશે અને તે પછી કંપની આગામી ગ્રોથ ફેઝની રણનીતિ રજૂ કરશે.

125 સીસી સેગમેન્ટ માટે નવી બ્રાન્ડ, Dominar નો થશે વિસ્તાર

બજાજ ઓટો આગામી વર્ષોમાં તેના બ્રાન્ડ પોર્ટફોલિયોને વધુ વિસ્તૃત કરવાની તૈયારી કરી રહી છે, જેમાં નીચે મુજબ પગલાં લેવામાં આવશે.

કંપનીનું માનવું છે કે પલ્સરની નીચે શાર્પ પ્રાઇસ લેડર બનાવવા માટે એક અલગ 125cc બ્રાન્ડની જરૂર છે. Dominar ફ્રેન્ચાઇઝીને ખાસ કરીને એક્સપોર્ટ માર્કેટ માટે વધુ મજબૂત બનાવવામાં આવશે.

રસપ્રદ વાત એ છે કે બજાજ ભારત કરતા મેક્સિકોમાં 250cc+ બાઇક્સનું વધુ વેચાણ કરે છે અને તે સ્પષ્ટ છે કે આંતરરાષ્ટ્રીય બજાર કંપનીના આયોજનમાં મહત્વની ભૂમિકા ભજવી રહ્યું છે.

આ પણ વાંચો - યામાહાના ઇલેક્ટ્રિક સ્કૂટર EC-06 ની ધમાકેદાર એન્ટ્રી, 169 કિમી રેન્જ, જાણો કિંમત અને ફિચર્સ

બજાજ ઓટો ડ્યુઅલ-સ્પોર્ટ અને ઑફ-રોડ મોટરસાયકલ સેગમેન્ટમાં એન્ટ્રી પર વિચાર કરી રહી છે. આ મોડલો નવી બ્રાન્ડ હેઠળ આવી શકે છે અથવા કંપનીના જૂના પરંતુ હાલમાં નિષ્ક્રિય બ્રાન્ડ નામો સાથે ઓફર કરી શકાય છે. ઓટો ઉદ્યોગના નિષ્ણાતોના જણાવ્યા અનુસાર આ સેગમેન્ટ યુવાનો અને એડવેન્ચર રાઇડર્સમાં વધુને વધુ લોકપ્રિય બની રહ્યા છે.

ટુ-વ્હીલર ઇન્ડસ્ટ્રીમાં 12 થી 15 ટકા ગ્રોથની આશા

બજાજ ઓટોને વિશ્વાસ છે કે નાણાકીય વર્ષ 2026 માં ટુ-વ્હીલર ઉદ્યોગ 12 થી 15 ટકાના દરે વૃદ્ધિ કરશે, જેમાં વધુ સારી ગ્રામીણ માંગ, ફાઇનાન્સ વિકલ્પો અને નવા મોડેલો મોટી ભૂમિકા ભજવશે.

ઓટોમોબાઇલ નિષ્ણાત નિષ્કર્ષ

બજાજ ઓટોની આ આક્રમક પ્રોડક્ટ રણનીતિ સ્પષ્ટપણે સૂચવે છે કે કંપની પલ્સરને ફરીથી સેગમેન્ટમાં લીડર બનાવવા માંગે છે. જેમાં  125 સીસીથી 400 સીસી+ સુધી મજબૂત પકડ બનાવવાની તૈયારીમાં છે.  ભારતની સાથે-સાથે વૈશ્વિક બજારમાં પણ મોટો દાવ રમવા જઈ રહી છે. આગામી મહિનાઓમાં બજાજના આ લોન્ચિંગથી ભારતીય બાઇક માર્કેટની દિશા બદલાઈ શકે છે.

(Source – Autocar India)