મારુતિ સુઝુકી 2026 માં 4 નવી કાર લોન્ચ કરશે, બે EV પણ સામેલ, જાણો લોન્ચ ટાઇમલાઇન ફિચર્સ અને અન્ય ડિટેલ્સ

Maruti Suzuki 2026 New Car Launches : મારુતિ સુઝુકીએ 2025 માં ફક્ત એક નવી કાર વિક્ટોરિસ મિડસાઇઝ એસયુવી લોન્ચ કરી હતી, પરંતુ 2026 માં કંપની આક્રમક પ્રોડક્ટ રણનીતિ સાથે વાપસી કરવા જઈ રહી છે. નવા વર્ષમાં મારુતિ સુઝુકી કુલ ચાર નવી કાર લોન્ચ કરશે, જેમાં બે ઇલેક્ટ્રિક વાહનો (EV), એક ફ્લેક્સ-ફ્યુઅલ એસયુવી અને બ્રેઝાનું ફેસલિફ્ટ વર્ઝન સામેલ છે. 2026 માં મારુતિ સુઝુકીની તમામ આવનારી કાર વિશે વિગતવાર જાણીએ.

Maruti Suzuki e Vitara EV

મારુતિ સુઝુકીની પ્રથમ ઇલેક્ટ્રિક કાર e Vitara આખરે જાન્યુઆરી 2026માં ભારતમાં લોન્ચ થશે. તે એક મિડસાઇઝ ઇલેક્ટ્રિક એસયુવી હશે, જે સીધી રીતે Mahindra BE 6, Hyundai Creta Electric, MG ZS EV, Tata Curvv EV અને VinFast VF6 ને ટક્કર આપશે.

પ્રમુખ ફિચર્સ

• 49kWh અને 61kWh બેટરી પેક
• ફ્રન્ટ-માઉન્ટેડ ઇલેક્ટ્રિક મોટર
• મહત્તમ 543km નો દાવો કરવામાં આવેલી રેન્જ
• 5-સ્ટાર Bharat NCAP સેફ્ટી રેટિંગ
• ફાસ્ટ ચાર્જિંગ સપોર્ટ

Maruti Suzuki Fronx Flex Fuel

મારુતિ સુઝુકી 2026 માં તેનું પ્રથમ Flex Fuel એન્જિન રજૂ કરશે, જે ફ્રોન્ક્સ કોમ્પેક્ટ એસયુવીમાં આપવામાં આવશે. આ એન્જિન E85 (85% ઇથેનોલ + 15% પેટ્રોલ) સુધીના ઇંધણ મિશ્રણને સપોર્ટ કરશે. આ કારને આવતા વર્ષના પહેલા છ મહિનામાં લોન્ચ કરવામાં આવી શકે છે.

ખાસ શું છે

• ઇકો-ફ્રેન્ડલી ફ્લેક્સ-ફ્યુઅલ ટેકનોલોજી
• હાલના ફ્રોન્ક્સ જેવી જ ડિઝાઇન અને ફિચર્સ
• પેટ્રોલ કરતા ઓછું ઉત્સર્જન
• ભારતની ઇથેનોલ નીતિને અનુરૂપ એન્જિન

Maruti Suzuki YMC Electric MPV

કોડનેમ YMC વાળી આ કાર મારુતિ સુઝુકીની બીજી ઇવી હશે અને કંપનીની પ્રથમ ઓલ-ઇલેક્ટ્રિક MPV બનશે. આ કારને અર્ટિગા અને XL6 ની ઉપર રાખવામાં આવશે. તેને 2026 ના છેલ્લા ક્વાર્ટરમાં લોન્ચ કરવામાં આવી શકે છે.

સંભવિત ડિટેલ્સ

• ઇ વિટારા વાળા પ્લેટફોર્મ પર આધારિત
• 49kWh અને 61kWh બેટરી ઓપ્શન
• અંદાજિત રેન્જ: 500-550 કિમી
• સંભવિત હરીફો : Kia Carens EV / Clavis EV

આ પણ વાંચો -iPhone 16 અને iPhone 15 ની કિંમતમાં ઘટાડો, નવા વર્ષ પહેલા કયો આઇફોન ખરીદવો?

Maruti Suzuki Brezza Facelift

મારુતિ સુઝુકી પોતાની લોકપ્રિય કોમ્પેક્ટ SUV Brezza નું ફેસલિફ્ટ વર્ઝન અંદાજિત 2026ના મધ્યમાં લોન્ચ કરશે. ટેસ્ટિંગ દરમિયાન જોવા મળેલા સ્પાઇ શોટ્સમાં હળવા ડિઝાઇન ફેરફારોના સંકેત મળે છે.

સંભવિત અપડેટ્સ

• નવું એક્સટીરિયર ટચ-અપ
• શાનદાર ઇન્ટિરિયર અને નવા ફીચર્સ
• 1.5 લીટર પેટ્રોલ એન્જિન (103hp)
• મેન્યુઅલ અને ઓટોમેટિક ગીયરબોક્સ
• સીએનજી વેરિઅન્ટ ચાલુ રહેશે

ઓટોમોબાઇલ નિષ્ણાત નિષ્કર્ષ

મારુતિ સુઝુકી માટે 2026 ખૂબ જ મહત્વપૂર્ણ વર્ષ બનવા જઈ રહ્યું છે. કંપની માત્ર ઇવી સેગમેન્ટમાં જ પ્રવેશ કરી રહી નથી, પરંતુ ફ્લેક્સ ફ્યુઅલ ટેક્નોલોજી અને ફેસલિફ્ટ મોડેલ્સ દ્વારા તેના પોર્ટફોલિયોને પણ મજબૂત બનાવશે. જો તમે નવી મારુતિ કાર ખરીદવાનું વિચારી રહ્યા છો તો 2026 તમારા માટે ઘણા સારા વિકલ્પો લાવશે.

(Source: Autocar India)