Bajaj Chetak EV 35 Series Launch: બજાજ ચેતક ઇવી નવા અવતારમાં લોન્ચ, ટીવીએસ અને એથરને હંફાવશે, જાણો કિંમત અને ફીચર્સ

Bajaj Chetak EV 35 series Launched: બજાજા ઓટો દ્વારા બજાજ ચેતક ઇવી સ્કૂટર લોન્ચ ર્યા છે. આ ટુ વ્હીલરનું નામ બજાજ ચેતક ઇવી 35 સીરિઝ રાખવામાં આવ્યું છે, જેની કિંમત 1.20 લાખ રૂપિયા (એક્સ શોરૂમ) થી શરૂ થાય છે. નવા બજાજ ચેતક ઇવી 35 સીરિઝ ત્રણ વેરિએન્ટ - 3501, 3502 અને 3503 સાથે બજારમાં લોન્ચ કરવામાં આવશે. જે પછી હાલના વેરિઅન્ટ ધીમે ધીમે બંધ કરવામાં આવશે. બજાજ ચેતક ઇવી સ્કૂટર નવા ફીચર સાથે નાના કોસ્મેટિક અપડેટ સાથે આવે છે. આ ઉપરાંત તેના ચેસિસ અને ઇલેક્ટ્રિકલ કમ્પોનન્ટ્સ પણ સંપૂર્ણપણે બદલાઈ ગયા છે.

Bajaj Chetak EV 35 Series: બજાજ ચેતક ઇવી 35 સીરિઝ: વેરિઅન્ટ અને કિંમત

બજાજ ચેતક 3501 - 1.27 લાખ રૂપિયા
બજાજ ચેતક 3502 - 1.20 લાખ રૂપિયા
બજાજ ચેતક 3503 - ટૂંક સમયમાં જાહેર કરવામાં આવશે

નવી બજાજ ચેતક 35 સીરિઝ શું ખાસ છે?

સૌથી મોટો ફેરફાર છુપાયેલો છે - ફ્રેમ માં. બજાજે અપડેટ્સ માટે ડ્રોઇંગ બોર્ડ પર પાછા જઈને નવા ચેતકની ફ્રેમ પર ફરીથી કામ કર્યું છે, જેના કારણે તેનો વ્હીલ બેઝ 25 મીમી લાંબો થઈ ગયો છે. આનાથી બજાજને બેટરી સહિત તમામ મહત્વપૂર્ણ ઇલેક્ટ્રિક એલિમેન્ટ્સ વધુ સારી રીતે પુનઃ સ્થાપિત કરવામાં મદદ મળી છે. હવે હવે ફ્લોરબોર્ડ પર બેસે છે, જે સ્કૂટરના વજનને વધુ સારી રીતે વિભાજિત કરે છે અને પગ માટે વધુ જગ્યા બનાવે છે. તેનાથી બૂટ સ્પેસ પણ વધી છે, જે 35 લિટર છે અને બજાજનું કહેવું છે કે આ બૂટમાં બે હેલમેટ રાખી શકાય છે.

બીજો મોટો ફેરફાર બેટરી પેકમાં છે - રેન્જ-ટોપિંગ બજાજ ચેતક 3501 વેરિઅન્ટમાં નવું 3.5kWh બેટરી પેક મળે છે, જે 153 કિમી ની IDC રેન્જ ઓફર કરે છે, જે વાસ્તવિક દુનિયામાં લગભગ 125 કિમીની રેન્જમાં અનુવાદિત થાય છે. આમ કહીએ તો, અન્ય પ્રદર્શનના આંકડામાં કોઈ ફેરફાર થયો નથી, પરંતુ ચેતકમાં હવે 950 વોટનું ઓનબોર્ડ ચાર્જર મળે છે જે 3 કલાકમાં બેટરી પેકને 0-80 ટકા સુધી ચાર્જ કરી શકે છે. એકંદરે આના પરિણામે 3 કિલો વજનમાં ઘટાડો થાય છે, લાંબી સીટ અને ઊંચું ફ્લોરબોર્ડ આવે છે.

બજાજ ચેતક ઈવી 35 સીરિઝ ફીચર્સ

ઇલેક્ટ્રિક વ્હીકલમાં ગ્રાહકોની ઇચ્છાઓને ધ્યાનમાં રાખીને બજાજે નવા ઇવી ચેતકને ઘણા ફીચર્સથી ભરી દીધા છે. ટીએફટી ઇન્સ્ટ્રુમેન્ટ ક્લસ્ટરમાં ફેરફાર કરવામાં આવ્યો છે અને હવે તેમાં ટર્ન-બાય-ટર્ન નેવિગેશનને બદલે સંપૂર્ણ મેપ આપ્યો છે. આ ક્લસ્ટર ટચ-ઓપરેટેડ પણ છે અને તેમાં મ્યુઝિક પ્લેબેક ઓપ્શનની સાથે કોલ અને મેસેજ નોટિફિકેશનની સુવિધા આપવા માટે સ્માર્ટફોન કનેક્ટિવિટી આપવામાં આવી છે. સ્કૂટરમાં એક સમર્પિત એપ્લિકેશન પણ છે જે તમને વાહનને ટ્રેક કરવા, ટોપ સ્પીડને મર્યાદિત કરવા અને ઘણુ બધુ કરવાની મંજૂરી આપે છે.

બજાજ ચેતક ઇવી 35 સીરિઝ સ્કૂટરની અન્ય ખાસિયતોની વાત કરીયે તો ક્લાસિક ડિઝાઇન લેંગ્વેજ અને ઓલ-મેટલ બોડીનો સમાવેશ થાય છે, જેના માટે ચેતક હંમેશા પ્રખ્યાત છે. બંને છેડે સિંગલ-સાઇડેડ સસ્પેન્શન, ફ્રન્ટ ડિસ્ક બ્રેક્સ, એલોય વ્હીલ્સ, એલઇડી લાઇટિંગ, ટેક્ટાઇલ સ્વિચગિયર અને અન્ય બાબતોનો સમાવેશ થાય છે. નવી બજાજ ચેતક 35 સીરિઝની ટક્કર બજારમાં એથર રિઝ્ટા, ઓલા એસ1, ટીવીએસ આઇકુબે અને અન્ય ઇવી ટુ વ્હીલર કંપનીઓ સાથે થશે.