ભારતની પ્રથમ સીએનજી બાઇક આ તારીખે લોન્ચ થશે, મોંઘા પેટ્રોલની ચિંતા દૂર થશે, જાણો ખાસિયતો

India First Bajaj Cng Bike Price And Features: સીએનજી બાઇક ટૂંક સમમયાં ભારતના રસ્તા પર દોડતી જોવા મળશે. સીએનજી પર ચાલતી દેશ અને કંપનીની પ્રથમ બાઇકની લોન્ચિંગ તારીખને લઈને એક મોટું અપડેટ સામે આવ્યું છે. બજાજ ઓટો કંપની દ્વારા ભારતની પ્રથમ સીએનજી બાઇક લોન્ચ કરવામાં આવી રહી છે. તાજેતરમાં નવી બજાજ પલ્સર NS400Z ના લોન્ચ દરમિયાન બજાજ ઓટોના મેનેજિંગ ડિરેક્ટર રાજીવ બજાજે પુષ્ટિ કરી કે કંપની આગામી મહિને તેની પ્રથમ સીએનજી બાઇક લોન્ચ કરશે

બજાજ સીએનજી બાઇક ક્યારે લોન્ચ થશે (Bajaj CNG Bike Launch Date)

બજાજ ઓટોના મેનેજિંગ ડિરેક્ટર રાજીવ બજાજે બજાજ પલ્સર NS400Z ના લોન્ચ વખતે પુષ્ટિ કરી કે કંપની આગામી 18 જૂને તેની પ્રથમ સીએનજી બાઇક લોન્ચ કરશે. નોંધનિય છે કે, પેટ્રોલના ઉંચા ભાવથી પરેશાન લોકો દેશમાં સીએનજી બાઇક લોન્ચ થાય તેની આતુરતાથી રાહ જોઇ રહ્યા છે, જેનો હવે ટુંક સમયમાં અંત આવશે.

બજાજ સીએનજી બાઇક ના ફીચર્સ (Bajaj CNG Bike Features)

બજાજ ઓટોની સીએનજી બાઇક તાજેતરમાં દેશના રસ્તાઓ પર ટેસ્ટિંગ દરમિયાન ઘણી વખત જોવા મળી હતી. સીએનજીથી ચાલતી આ બાઇક સંપૂર્ણ રીતે ઢંકાયેલી હતી. ઇન્ટરનેટ પર આ સીએનજી બાઇકની ઘણી તસવીરો ઉપલબ્ધ છે. એવું માનવામાં આવે છે કે પ્રથમ સીજીએનજી બાઇક ખૂબ જ ખાસ ડિઝાઇન સાથે આવશે. પેટ્રોલ સંચાલિત બાઇક જેવા ફીચર્સ પણ સીએનજી બાઇકમાં ઉપલબ્ધ હશે. જેમાં એક મસ્ક્યુલર ફ્યુઅલ ટેન્ક પણ સામેલ હશે.

વાયરલ તસવીર ઇમેજ પ્રમાણે CNG બાઇકમાં રાઉન્ડ હેડલેમ્પ છે. અન્ય વિઝ્યુઅલ્સની વાત કરીએ તો, બાઇકમાં સિંગલ-પીસ સીટ, એગ્ઝાસ્ટ મફલર (upswept exhaust muffler), શોર્ટ રિયર ફેન્ડર (short rear fender), રિયર ટાયર હગર (rear tyre hugger), સિંગલ પીસ પિલિયન ગ્રેબ રેલ (single-piece pillion grab rail) અને એલઇડી ઈન્ડિકેટર્સ (LED turn indicators) જોવા મળે છે. ઉપરાંત કોમ્પેક્ટ એન્જિન ગાર્ડ, બેલી પેન, એલોય વ્હીલ્સ, સ્મોલ ફ્રન્ટ કાઉલ અને હેન્ડગાર્ડની સાથે હંડલબાર જેવા ફીચર્સ બાઇકની તસવીરમાં જોઈ શકાય છે.

બજાજ સીએનજી બાઇક : એન્જિન સ્પેસિફિકેશન્સ (Bajaj CNG Bike Engine Specifications)

ફ્યૂઅલ ટેન્કને ગરમીથી દૂર રાખવા માટે, સીએનજી બાઇકને સ્લોપર જેવું એન્જિન મળે છે. એવા અપેક્ષા છે કે એન્જિનનું ડિસ્પ્લેશમેન્ટ 100 થી 125 સીસીની રેન્જમાં હશે. તસવીરમાં દેખાય છે તેમ, બાઇકના આગળના ભાગમાં ડિસ્ક બ્રેક સાથે ABS રિંગ નથી. આ ફીચર્સની ગેરહાજરી સૂચવે છે કે ચોક્કસપણે એન્જિનનું ડિસપ્લેસમેન્ટ 125 સીસી કરતાં ઓછું હશે.

બજાજની સીએનજી બાઇકમાં ડબલ ફ્યુઅલ સિસ્ટમનો સપોર્ટ મળવાની શક્યતા છે. જેનો અર્થ છે કે બાઇક પેટ્રોલ અથવા સીએનજી પર ચાલી શકે છે. જો આપણે તેને જોઈએ તો, સીએનજી પેટ્રોલ કરતાં ઓછો પાવર ડેન્સ છે, તેથી બાઇકમાં આવનાર એન્જિન શુદ્ધ ઇલેક્ટ્રિક એન્જિનની તુલનામાં થોડું ઓછું આઉટપુટ જનરેટ કરે તેવી અપેક્ષા છે. વધુમાં, CNG ટાંકી સીટની નીચે સ્થિત હશે, જ્યારે પેટ્રોલ ટાંકી તેની સામાન્ય સ્થિતિમાં જોવા મળશે.

આ પણ વાંચો | Ather Rizta vs TVS iQube – બંનેમાંથી કયું ઇલેક્ટ્રિક સ્કૂટર બેસ્ટ છે? બેટરી, સ્પીડ અને કિંમત સહિત તમામ વિગત જાણો

બજાજ સીએનજી બાઇક : સંભવિત નામ અને કિંમત (Bajaj CNG Bike Name And Price)

જો મીડિયા રિપોર્ટ્સનું માનીએ તો બજાજ ઓટો તેની CNG બાઇકનું નામ Bruzer રાખી શકે છે. કંપની પાસે તેનો પહેલેથી જ ટ્રેડમાર્ક છે, પરંતુ તે જોવાનું બાકી છે કે જ્યારે તે થોડા મહિનામાં લોન્ચ થશે ત્યારે બાઇક કેવો આકાર લેશે. કિંમત વિશે વાત કરીએ તો, આ અંગે કંપની દ્વારા હજુ સુધી કોઈ સત્તાવાર માહિતી જાહેર કરવામાં આવી નથી. એવી અપેક્ષા રાખવામાં આવે છે કે સ્પેશિયલ સેટઅપમાં આવનાર બજાજ સીએનજી બાઇકની કિંમત લગભગ 80,000 રૂપિયા (એક્સ-શોરૂમ) હશે.