Bank Holidays October 2025: ઓક્ટોબરમાં બેંકોમાં મિનિ વેકેશન, આટલા દિવસ બેંક બંધ રહેશે, કેલેન્ડરમાં તારીખ નોંધી લો

Bank Holidays in October 2025: ઓક્ટોબર મહિનામાં બેંક કામકાજ પતાવવામાં ઉતાવળ રાખવી પડશે. ઓક્ટોબર મહિનામાં જ દશેરા, દિવાળી, ગોવર્ધન પુજા જેવા મુખ્ય તહેવારો આવી રહ્યા છે, આથી આ દરમિયાન બેંકોમાં રજા રહેવાની છે. ઓક્ટોબર મહિનામાં અલગ અલગ રાજ્યોમાં કુલ 21 દિવસ બેંક બંધ રહેવાની છે. RBIના કેલેન્ડર મુજબ 4 રવિવાર અને બીજા - ચોથા શનિવાર સિવાય 15 દિવસ અલગ અલગ શહેરોમાં બેંકોમાં રજા રહેવાની છે.

ઓક્ટોબર મહિનામાં 21 દિવસ બેંક બંધ રહેશે

ઓક્ટોબર મહિનામાં અલગ અલગ રાજ્યોમાં કુલ 21 દિવસ બેંકમાં રજા રહેવાની છે. ઓક્ટોબર મહિનામાં દુર્ગા પૂજા, દશેરા, દિવાળી, ગાંધી જયંતી, દિવાળી લક્ષ્મી પૂજા, ગોવર્ધન પૂજા, ભાઇ બીજ, છઠ્ઠ પૂજા, સરદાર વલ્લભભાઇ પટેલની જયંતી વગેરે છે. આ નિમિત્તે જે તે તારીખે બેંકમાં કામકાજ થશે નહીં.

ઉલ્લેખનિય છે કે, ભારતમાં તમામ રવિવાર તેમજ મહિનાના બીજા અને ચોથા શનિવારે બેંકમાં રજા રહેશે. જો કે પ્રથમ અને ત્રીજા શનિવારે બેંકમાં કામકાજ થાય છે. અહીં રિઝર્વ બેંકના હોલી ડે કેલેન્ડર મુજબ ઓક્ટોબર મહિનામાં ક્યારે બેંક બંધ રહેશે તેની જાણકારી આપી છે.

ઓનલાઇન બેંક સુવિધા ચાલુ રહેશે

રવિવાર અને તહેવારોના દિવસે બેંક ભલે બંધ રહે પણ ઓનલાઇન બેંક સુવિધા ચાલુ હોય છે. આવી સ્થિતિમાં મોબાઇલ બેંક એપ્લિકેશન અને વેબસાઇટ દ્વારા તમારા બેંક કામકાજ સરળતાથી પતાવી શકાય છે.