/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Follow Us/indian-express-gujarati/media/media_files/wp-content/uploads/2024/09/bank-holidays-october-2024-list.jpg)
Bank Holidays In October 2024 List: ઓક્ટોબર 2024 બેંક રજાની યાદી.
Bank Holidays In October 2024: ઓક્ટોબર 2024 માં પણ બેંક સંબંધિત કામકાજ પતાવવાની ઉતાવળ રાખવી પડશે. સપ્ટેમ્બરની જેમ ઓક્ટોબર મહિનામાં પણ ગાંધી જયંતી, નવરાત્રી, દશેરા સહિત ઘણા તહેવાર આવી રહ્યા હોવાથી બેંકમાં લગભગ 15 દિવસ રજા રહેશે. તહેવારોની સીઝનમાં બેંક બંધ રહેવાથી તમારું નાણાકીય કામકાજ અટકી શકે છે. ચાલો જાણીયે ઓક્ટોબર 2024માં કઇ કઇ તારીખે બેંક હોલી ડે છે
Banks 15 Day Closed In October 2024 : ઓક્ટોબરમાં 15 દિવસ બેંક બંધ રહેશે
ઓક્ટોબર મહિનાના આરંભ સાથે જ તહેવારોની સીઝન શરૂ થઇ રહી છે. ઓક્ટોબર મહિનામાં ગાંધી જયંતી, નવરાત્રી, દશેરા, કરવા ચોથ, ધન તેરશ, દિવાળી જેવા મોટા તહેવારો આવી રહ્યા છે. આરબીઆઈ મુજબ દર મહિનાના બીજા અને ચોથા શનિવારે બેંક બંધ રહે છે. આ પ્રમાણે ઓક્ટોબર મહિનામાં બેંકો કુલ 15 દિવસ બંધ રહેવાની છે.
| 1 ઓકટોબર, મંગળવાર | જમ્મુ અને કાશ્મીરમાં વિધાનસભાની ચૂંટણી | |
|---|---|---|
| 2 ઓક્ટોબર, બુધવાર | ગાંધી જયંતિ | |
| 3 ઓક્ટોબર, ગુરુવાર | શારદીય નવરાત્રિ અને મહારાજા અગ્રસેન જયંતિ નિમિત્તે જયપુરમાં બેંક બંધ રહેશે | |
| 6 ઓક્ટોબર, રવિવાર | મહિનાનો પ્રથમ રવિવાર, સાપ્તાહિક રજા | |
| 10 ઓક્ટોબર, ગુરુવાર | નવરાત્રીની મહા સપ્તમી નિમિત્તે અગરતલા, ગૌહાટી, કોહિમા, કલકત્તામાં બેંક બંધ રહેશે | |
| 11 ઓક્ટોબર, શુક્રવાર | નવરાત્રીની મહાનવમી નિમિત્ત અગરતલા, બેંગ્લોર, ભૂવનેશ્વર, ચેન્નઇ, ગંગટોક, ગૌહાટી, ઇમ્ફાલ, ઇટાનગર, કોહીમા, કલકત્તા, પટના, રાંચી, શિલોંગમાં બેંક બંધ રહેશે | |
| 12 ઓક્ટોબર, શનિવાર | દશેરાના તહેવાર અને મહિનાનો બીજો શનિવાર હોવાથી દેશની તમામ બેંકો બંધ રહેશે | |
| 13 ઑક્ટોબર, રવિવાર | મહિનાનો બીજો રવિવાર સાપ્તાહિક રજા | |
| 14 ઓક્ટોબર સોમવાર | દુર્ગા પૂજા (દસૈન) નિમિત્તે ગંગટોકમાં બેંક બંધ રહેશે | |
| 16 ઓક્ટોબર બુધવાર | લક્ષ્મી પૂજા નિમિત્તે અગરતલા અને કોલકાતામાં બેંક બંધ રહેશે | |
| 17 ઓક્ટોબર, ગુરુવાર | વાલ્મીકિ જયંતી નિમિત્તે બેંગ્લોર, ગૌહાટી, શિમલામાં બેંક હોલી ડે | |
| 20 ઑક્ટોબર, રવિવાર | મહિનાનો ત્રીજો રવિવાર સાપ્તાહિક રજા | |
| 26 ઓક્ટોબર, શનિવાર | મહિનાનો ચોથો શનિવાર અને Accession Day નિમિત્તે જમ્મુ કાશ્મિર શ્રીનગરમાં બેંક બંધ રહેશે | |
| 27 ઓક્ટોબર, રવિવાર | મહિનાનો ચોથો રવિવાર સાપ્તાહિક રજા | |
| 31 ઓક્ટોબર, ગુરુવાર | કાળી ચૌદશ, સરદાર વલ્લભભાઈ પટેલ જન્મજયંતિ નિમિત્તે બેંક બંધ રહેશે |
ઘરે બેઠાં મોબાઇલ વડે બેંક કામકાજ પતાવો
બેંકમાં ભલે રજા હોય પરંતુ તમે ઘરે બેઠાં તમારા મોબાઇલ કે લેપટોપ વડે બેંક સંબંધિત કામકાજ સરળતાથી પતાવી શકો છો. ટેકનોલોજીના યુગમાં બેંક ઓપ્લિકેશન, યુપીઆઈ સહિત અન્ય ડિજિટલ એપ વડે તમે તમારા બેંકના કામકાજ પતાવી શકો છો. એટીએમ વડે રોકડ પૈસા ઉપાડી શકાય છે.