સ્માર્ટફોન : ફોટોગ્રાફી માટે 200MP કેમેરા વાળા બેસ્ટ સ્માર્ટફોનની લિસ્ટ, પ્રાઇસ અને ફિચર્સ જોઇ ખરીદી કરો

સ્માર્ટફોન ઉદ્યોગ છેલ્લા કેટલાક સમયથી સ્ટેબલ છે. વર્ષ 2023માં લૉન્ચ થયેલા મોટાભાગના ફોન તેમના અગાઉના ફોનના અપડેટ વર્ઝન છે. પરંતુ કેટલાક ઉત્પાદકો મોબાઈલ કેમેરામાં સતત સુધારો કરી રહ્યા છે. જો તમે એવા ફોનની તલાશમાં છો જે શાનદાર તસવીરો લઈ શકે, તો નીચે જણાવેલ ફોન તમારા માટે છે.

Realme 11 Pro+

તાજેતરમાં લોન્ચ થયેલો Realme 11 Pro Plus 200MP કેમેરાવાળો પહેલો સ્માર્ટફોન નથી. પરંતુ હાલમાં આ હાઇ ક્વોલિટી સાથે બજારમાં વેચાતો સૌથી સસ્તો ફોન છે. MediaTek ડાયમેન્સિટી 7050 ચિપસેટ દ્વારા સંચાલિત, ફોન 6.67-ઇંચ 120Hz કર્વ AMOLED સ્ક્રીન સાથે આવે છે. જો કે, તે લાંબા ગાળે કેવું પ્રદર્શન કરશે તે જોવું રહ્યું. જો તમે એવા ફોનની શોધ કરી રહ્યા છો જે કેમેરા અને લુકની દ્રષ્ટિએ આ સેગમેન્ટમાં અન્ય ફોન સાથે સ્પર્ધા કરી શકે, તો રિયલમી 11 પ્રો પ્લસ તેના વેગન લેધર બેક સાથે તમારી બેસ્ટ પસંદગી બની શકે છે. આ ફોનનું બેઝ વેરિઅન્ટ, જે 256GB સ્ટોરેજ અને 8GB રેમ સાથે આવે છે, તે Flipkart પરથી 27,999 રૂપિયામાં બેંક ઓફર વિના ખરીદી શકાય છે.

Realme Note Pro+

આ વર્ષની શરૂઆતમાં લોન્ચ થયેલો Redmi Note 12 Pro Plus એ આ સીરીઝનું અત્યાર સુધીનું સૌથી મોંઘું ડિવાઇસ છે. MediaTek Dimensity 1080 પ્રોસેસર સાથે ફોનનું બેઝ વેરિઅન્ટ 256GB ઇન્ટરનલ સ્ટોરેજ અને 8GB RAM સાથે આવે છે. કેમેરા વિશે વાત કરીએ તો, Redmi Note 12 Pro Plusમાં 200MP પ્રાયમરી સેન્સર OIS સાથે 8MPનો અલ્ટ્રાવાઇડ લેન્સ અને બીજો 2MP મેક્રો સેન્સર છે. 200MP સેન્સર ઓછા પ્રકાશમાં પણ બેસ્ટ ફોટો કેપ્ચર કરી શકે છે. Xiaomi એ Android 12 પર આધારિત MIUI 13 સાથેના ફોનનું શિપમેન્ટ કરવાનું નક્કી કર્યુ છે. તેને બે Android અપડેટ્સ મેળવવાની ખાતરી છે. તેની કિંમત 29,999 રૂપિયાથી શરૂ થાય છે.

મોટોરોલા એજ 30 અલ્ટ્રા

મોટોરોલાએ ગયા વર્ષે સપ્ટેમ્બરમાં એજ 30 અલ્ટ્રા (Motorola Edge 30 Ultra) લોન્ચ કર્યુ હતુ. 200MP કેમેરા સેન્સર પેક કરનાર વિશ્વનો પ્રથમ ફોન છે. ફ્લેગશિપ ડિવાઇસ Snapdragon 8+ Gen 1 ચિપસેટ દ્વારા સંચાલિત છે અને સ્ટોક એન્ડ્રોઇડ 12 આઉટ ઓફ ધ બોક્સ પર ચાલે છે. આમાં તમને 50MP અલ્ટ્રાવાઇડ સેન્સર અને 12MP ટેલિફોટો લેન્સ દ્વારા સપોર્ટેડ 200MP Samsung HP1 સેન્સર મળે છે. જે લોકો નિયર સ્ટોક એન્ડ્રોઇડ અને 200MP કેમેરા સાથેનો ફોન શોધી રહ્યા છે તેઓ એજ 30 અલ્ટ્રા અંગે વિચારી શકે છે. 8GB રેમ અને 128GB સ્ટોરેજ સાથેનો બેઝ વેરિઅન્ટ ફ્લિપકાર્ટ પર કોઈપણ ઑફર્સ વિના રૂ. 44,999માં ઉપલબ્ધ છે.

સેમસંગ ગેલેક્સી S23 અલ્ટ્રા

આ પણ વાંચોઃ ચાઇનીઝ કંપનીના મોબાઇલ ચોરી રહ્યા છે યુઝર્સના ડેટા, સ્માર્ટફોનમાં આ સેટિંગ કરી સુરક્ષિત રાખો પર્સનલ ડેટા

સેમસંગનો લેટેસ્ટ ફ્લેગશિપ ફોન, Galaxy S23 અલ્ટ્રા (રિવ્યુ) ચોક્કસપણે અત્યારે ઉપલબ્ધ બેસ્ટ અને સૌથી પાવરફુલ Android ફોન પૈકીનો એક છે. તે ક્વોડ કેમેરા સેટઅપને પેક કરે છે, જેમાં કંપનીના તાજેતરમાં જાહેર કરાયેલા 200MP ISOCELL HP2 સેન્સર સાથે પ્રાયમરી કેમેરા છે. સેમસંગ 4 વર્ષનાં એન્ડ્રોઇડ અપડેટ્સ અને 5 વર્ષનાં સિક્યુરિટી અપડેટ્સનું વચન આપે છે, જે Google જે ઓફર કરે છે તેના કરતાં ઘણી વધારે છે. ઉપરાંત કિંમત પણ ચિંતાજનક નથી, તો ફોટોગ્રાફી માટે Samsung Galaxy S23 Ultra બેસ્ટ સ્માર્ટફોન છે. તે રૂ.1,24,999 થી શરૂ થાય છે.

Disclaimer : આ આર્ટિકલ ઇન્ડિયન એક્સપ્રેસ પરથી અનુવાદીત છે, મૂળ આર્ટિકલ વાંચવા માટે અહી ક્લિક કરો