Budget 2025: રોટી, કપડા અને મકાન પર કેટલો ટેક્સ વસૂલે છે સરકાર? જુઓ GST સ્લેબ

Union Budget 2025: બજેટ 2025 પર સૌની નજર છે. યુનિયન બજેટ 2025માં શું સસ્તું થશે અને શું મોંઘું થશે તે જાણવાની આતુરતા છે. ખાસ કરીને ગરીબ અને મધ્યમ વર્ગ મોંઘવારી અને રોજગારની સમસ્યામાં રાહત મળે તેવી અપેક્ષા રાખે છે. બજેટમાં જીવન જરૂરિયાતથી લઇ મોંઘી અને લક્ઝુરિયસ ચીજ વસ્તુઓ પર લાદવામાં આવતા ટેક્સની ઉંડી અસર થાય છે. સરકાર રોટી, કપડા અને મકાન જેવી જીવન જરૂરિયાતની ચીજો પર કેટલો ટેક્સ વસૂલે છે ચાલો જાણીયે

ભારતમાં વિવિધ ચીજવસ્તુઓ પર જીએસટી લાગુ

ભારતમાં ગુડ્સ અને સર્વિસ ટેક્સ (GST) પ્રણાલી લાગુ છે, જે હેઠળ વિવિધ ચીજવસ્તુઓ પર અલગ અલગ દરે જીએસટી વસૂલવામાં આવે છે. ભારતમાં 1 જુલાઇ, 2017ના રોજથી નવી કર પ્રણાલી જીએસટી લાગુ કરવામાં આવી છે. સરકાર વિવિધ ચીજ વસ્તુઓ અને સેવાઓ પર અલગ અલગ દરે જીએસટી વસૂલ છે. જીએસટી દર જે તે વસ્તુની આવશ્યકતા અને કેટેગરી અનુસાર નક્કી કરવામાં આવી છે. સામાન્ય રીતે જીવન જરૂરિયાતની ચીજવસ્તુઓ પર ઓછા જીએસટી હોય છે. જ્યારે મોજશોખ અને લક્ઝુરિયસ ચીજવસ્તુઓ પર ઉંચો જીએસટી વસૂલવામાં આવેછે.

જીએસટ સ્લેબ

સરકારી 4 જીએસટી સ્લેબ નક્કી કર્યા છે. વિવિધ વસ્તુઓને આવશ્યકતા અને મહત્વ અનુસાર અલગ અલગ જીએસટી સ્લેબમાં મૂકવામાં આવી છે.

0 ટકા : આવશ્યક ચીજવસ્તુઓ (જેમ કે, પેકિંગ વગરનું અનાજ, દાળ વગેરે)
5 ટકા : અમુક આવશ્યક ચીજ વસ્તુઓ અને સામાન્ય ઉપયોગની ચીજો.
12 ટકા : ઔદ્યોગિક પેદાશ અને પ્રોસેસ્ડ ફૂડ આઇટમ
18 ટકા : કન્ઝ્યુમર ગુડ્સ અને મોજશોખની ચીજવસ્તુ
28 ટકા : લક્ઝ્યુરિયસ અને મોંઘી ચીજવસ્તુ

જીએસટી દરની અસર

જીએસટી દરની વિવિધ ચીજવસ્તુની કિંમત પર અસર થાય છે. સરકારનો ઉદ્દેશ્ય એવો હોય છે કે, રોજિંદા વપરાશની ચીજો સસ્તી રહે જ્યારે મોજશોખ અને લક્ઝુરિયસ વસ્તુઓ મોંઘી રાખે છે. સરકાર સમયાંતરે જીએસટી દરની સમીક્ષા કરે છે અને જરૂરિયાત મુજબ GST રેટમાં ફેરફાર કરે છે.