Credit Card Without Income Proof: ક્રેડિટ કાર્ડ ઓનલાઇન શોપિંગ કરવામાં મદદરૂપ બને છે. ઓનલાઈન શોપિંગના કારણે ક્રેડિટ કાર્ડનો ટ્રેન્ડ ઝડપથી વધ્યો છે. જેમની પાસે આવકનો પુરાવો છે તેમને ક્રેડિટ કાર્ડ ખૂબ જ સરળતાથી મળી જાય છે. ક્રેડિટ કાર્ડ જારી કરતી બેંકો અને નાણાકીય સંસ્થાઓ તે અરજીઓને પ્રાધાન્ય આપે છે. જેમની પાસે સ્થિર અને ઉંચો પગાર છે. ક્રેડિટ કાર્ડ માટે આવકનો પુરાવો જરૂરી છે.
હવે સવાલ એ છે કે, ફ્રીલાન્સર્સ, વિદ્યાર્થીઓ, ગૃહિણીઓ અથવા નિવૃત્ત કર્મચારીઓ જેવા લોકો આવકના પુરાવા જેવા જરૂરી દસ્તાવેજો પ્રદાન કરી શકતા નથી તેમને પણ ઘણી વખત ક્રેડિટ કાર્ડની પણ જરૂર પડે છે. આવકના પુરાવાના અભાવે ક્રેડિટ કાર્ડ મેળવવામાં મુશ્કેલી પડે છે. જો તમે પણ આવકના પુરાવા વગર ક્રેડિટ કાર્ડ મેળવવા માંગો છો, તો તમે અહીં જણાવેલી યુક્તિ અપનાવી ક્રેડિટ કાર્ડ મેળવી શકો છો
એફડી પર ક્રેડિટ કાર્ડ મેળવી શકાય
ક્રેડિટ કાર્ડ મેળવવા માટે તમે તમારી એફડીનો ઉપયોગ કરી શકો છો. આ વિકલ્પમાં આવકના પુરાવાની જરૂર નથી. બેંકો અથવા નાણાકીય સંસ્થાઓ સરળતાથી એફડી પર ક્રેડિટ કાર્ડ જારી કરે છે. આ પ્રકારના ક્રેડિટ કાર્ડને સિક્યોર્ડ કાર્ડ કહેવામાં આવે છે. એમા તમે એફડી કોલેટરલ એટલે કે જામીનગીરી તરીકે રજૂ કરી ક્રેડિટ કાર્ડ મેળવી શકો છો. આ કાર્ડની લિમિટ એફડી એકાઉન્ટમાં જમા રકમના 90 ટકા સુધી હોઈ શકે છે. એફડી પર વ્યાજ મળતું રહે છે. ક્રેડિટ કાર્ડ બિલની ચૂકવણીમાં વિલંબ કે ડિફોલ્ટના કિસ્સામાં બેન્ક બાકી રકમ એફડીમાંથી એડજસ્ટ કરી લે છે.
એડ-ઓન ક્રેડિટ કાર્ડ માટે અરજી કરો
પતિ પત્ની એડ-ઓન કાર્ડ માટે અરજી કરી શકે છે. આવી સ્થિતિમાં, પ્રાયમરી (પતિ) અને સેકન્ડરી (પત્ની) કાર્ડધારકો બંને માટે ક્રેડિટ કાર્ડની મર્યાદા સમાન ભાગમાં વહેંચાયેલી હોય છે. ઉદાહરણ તરીકે કાર્ડની લિમિટ 1 લાખ રૂપિયા હોય તો આવા કિસ્સામાં પતિ પેમેન્ટ માટે 50 હજાર રૂપિયા સુધીનો ઉપયોગ કરી શકે છે, તેટલી જ રકમ પત્ની પણ ખર્ચી શકે છે. જો કોઈ માતા-પિતા 18 વર્ષથી ઓછી ઉંમરના બાળક માટે એડ-ઓન કાર્ડ મેળવવા માંગે છે, તો તે તેના પ્રાયમરી કાર્ડને એડ-ઓન ક્રેડિટ કાર્ડમાં બદલી શકે છે. આ કાર્ડ માતા-પિતા દ્વારા 18 વર્ષથી નાના બાળકોને આપવામાં આવે છે. જો તમે આ કાર્ડથી લોન લો છો, તો તેની જવાબદારી પ્રાયમરી ક્રેડિટ કાર્ડધારકની રહેશે. તેને એવી રીતે સમજવું કે, માતાપિતા તેમના બાળકો માટે એડ-ઓન ક્રેડિટ કાર્ડ લે છે. કોઈપણ લોન આ એડ-ઓન ક્રેડિટ કાર્ડથી લેવામાં આવે છે. આ લોનની ચુકવણી માટે પ્રાયમરી કાર્ડધારક જવાબદાર છે. આ વિકલ્પ દ્વારા તમે આવકના પુરાવા વગર પત્ની કે બાળક માટે એડ-ઓન કાર્ડ મેળવી શકો છો.
સિક્યોર્ડ ક્રેડિટ કાર્ડ
જેમની પાસે ફુલ ટાઇમ જોબ નથી અથવા સેલ્ફ એમ્પ્લોયડ છે અથવા આવકના પુરાવા વગરના લોકો માટે સિક્યોર્ડ ક્રેડિટ કાર્ડ એક સારો વિકલ્પ છે. સુરક્ષિત ક્રેડિટ કાર્ડ મેળવવા માટે, તમારે કોલેટરલના રૂપમાં ફંડ જમા કરાવવું જરૂરી છે. આ રકમનો ઉપયોગ ક્રેડિટ કાર્ડ માટે સિક્યુરિટી ડિપોઝિટ તરીકે થાય છે. ડિફોલ્ટ અથવા સમયસર ચુકવણી ન કરવાના કિસ્સામાં આ ભંડોળનો ઉપયોગ બાકી રકમ વસૂલવા માટે થાય છે.
સ્ટુડન્ટ ક્રેડિટ કાર્ડ
જો તમે કોલેજના વિદ્યાર્થી છો, તો તમે વિવિધ બેંકોમાંથી ક્રેડિટ કાર્ડ માટે અરજી કરવા માટે પાત્ર હોઈ શકો છો. ઘણી બેંકો ખાસ કરીને વિદ્યાર્થીઓ માટે તૈયાર કરાયેલા ક્રેડિટ કાર્ડ પ્રદાન કરે છે. પાત્રતા મેળવવા માટે વિદ્યાર્થીઓને સામાન્ય રીતે ટ્રસ્ટ ફંડ, નાણાકીય અસ્કયામતો અથવા રોકાણોની જરૂર હોય છે. આ ઉપરાંત, કેટલીક બેંકો તેમની પાસે પૂરતા બેલેન્સ સાથેનું બેંક ખાતું ધરાવતા લોકોને વિદ્યાર્થી ક્રેડિટ કાર્ડ આપવાનું પસંદ કરે છે, જે તેમની ચુકવણીની ક્ષમતાને સુનિશ્ચિત કરે છે. એવી સલાહ આપવામાં આવે છે કે વિવિધ બેંકોમાં ઉપલબ્ધ વિદ્યાર્થીઓ તેમની જરૂરિયાતોને અનુરૂપ વિકલ્પ પસંદ કરવા માટે ઘણી બેંકોની ક્રેડિટ કાર્ડ ઓફર, સંશોધન અને ઓફર્સની તુલના કરી શકે છે.
ક્રેડિટ કાર્ડ મેળવવા આ બાબત ઘ્યાનમાં રાખો
ક્રેડિટ સ્કોર વધારી શકે છે
આવકના પુરાવા વગર પણ તમે તમારા ક્રેડિટ સ્કોરને વધારવાના પગલાં લઈ શકો છો. વધુ સારી ક્રેડિટ પ્રોફાઇલ બનાવવાથી ક્રેડિટ કાર્ડ્સ અને અન્ય ફાઈનાન્સિયલ પ્રોડક્ટ માટે લાયક થવાની તમારી તકોમાં વધારો થાય છે.
બેંક ખાતું
બેંક એકાઉન્ટ મેઇન્ટેન્ટ રાખવું નાણાકીય સ્થિરતા સૂચવે છે, જેથી તમારી ક્રેડિટ કાર્ડ એપ્લિકેશન મજબૂત બને છે. તે ક્રેડિટ કાર્ડ જારી કરતી નાણાકીય સંસ્થાને ખાસ કરીને ડિફોલ્ટના કિસ્સામાં વિશ્વસનીયતા પ્રદાન કરે છે.
કમાણીના સ્ત્રોત જાહેર કરો
જો તમે ફ્રિલાન્સિંગ અથવા અન્ય સ્ત્રોતોમાંથી કમાણી કરો છો, તો આવકના તમામ સ્ત્રોતો જાહેર કરવા મહત્વપૂર્ણ છે. આ તમારા ક્રેડિટ સ્કોરમાં હકારાત્મક પ્રદાન કરે છે, જે ઔપચારિક આવકના પૂરાવા વિના ક્રેડિટ કાર્ડ માટે લાયક થવાની તમારી તકોમાં વધારો કરે છે. ક્રેડિટ કાર્ડ જારી કરનારાઓ ભાડા, યુટિલિટીઝ અથવા ફોન બિલ જેવી વારંવાર ચૂકવણીના તેમના ટ્રેક રેકોર્ડને નાણાકીય જવાબદારીના પુરાવા તરીકે પણ ધ્યાનમાં લઈ શકે છે. તમારા સતત પેમેન્ટ હિસ્ટ્રી અને જવાબદાર નાણાકીય રેકોર્ડ્સ દર્શાવતા લેટેસ્ટ ડોક્યુમેન્ટ જાળવવાની સલાહ આપવામાં આવે છે.
સમયસર ચૂકવણી કરો
અનેક કારણોસર ક્રેડિટ કાર્ડ માટે અરજી કરતી વખતે લોનની સમયસર ચુકવણી ખૂબ જ મહત્વપૂર્ણ છે. પેમેન્ટ હિસ્ટ્રી ક્રેડિટ સ્કોરનો એક મહત્વપૂર્ણ ભાગ છે, જે તેની ગણતરી કરતી વખતે બેંક દ્વારા ધ્યાનમાં લેવામાં આવતું એક મહત્વપૂર્ણ પરિબળ છે. સમયસર ચૂકવણી નાણાકીય જવાબદારી અને વિશ્વસનીયતા દર્શાવે છે, જેથી વ્યક્તિના ક્રેડિટ સ્કોરમાં વધારો થાય છે.
આ પણ વાંચો | બચત, રોકાણ અને નાણાંકીય આયોજન વખતે આ બાબત ધ્યાનમાં રાખો, નહીંત્તર થશે નુકસાન
બીજું, બેન્કો ભવિષ્યની ચુકવણીની ક્ષમતાના પૂર્વાનુમાનક તરીકે વ્યક્તિની ચુકવણીની પેટર્ન પર આધાર રાખે છે. સમયસર ચુકવણીનો ટ્રેક રેકોર્ડ દર્શાવીને તમે બેંક અથવા નાણાકીય સંસ્થાને ક્રેડિટ જવાબદારીપૂર્વક મેનેજ કરવાની તમારી ક્ષમતાની ખાતરી આપો છો, જેનાથી ક્રેડિટ કાર્ડ માટે મંજૂરીની તકો વધી જાય છે.
