Tax On Credit Cards : દિવાળી ધનતેરસ માટે ક્રેડિટ કાર્ડથી શોપિંગ કરવી છો? બિલ પેમેન્ટ પર ચૂકવાતા ટેક્સની ગણતરી કેવી રીતે કરવી, જાણો અહીં

Credit Cards Income Tax Calculator : દિવાળીના તહેવારોમાં ખરીદી અને ખર્ચા વધી જાય છે. ભારતમાં પણ હવે ક્રેડિટ કાર્ડથી શોપિંગ કરવાનો ટ્રેન્ડ વધી રહ્યો છે. જો કે ક્રેડિટ કાર્ડથી શોપિંગ કરતી વખતે તેના પર લાગતા ટેક્સ વિશે જાણકારી મેળવવી જરૂરી છે. પુરતી જાણકારીના અભાવથી તહેવારો બાદ ઉંચા ક્રેડિટ કાર્ડ બીલની સમસ્યાનો કરવો પડી શકે છે. આવી સમસ્યાને ટાળવા તમારા ક્રેડિટ કાર્ડ ખર્ચની સંભવિત કર અસરોને સમજવી મહત્વપૂર્ણ છે. આ લેખમાં આપણે ભારતમાં ફેસ્ટિવ સિઝન દરમિયાન ક્રેડિટ કાર્ડના ખર્ચ પર ટેક્સની ગણતરી કેવી રીતે કરવી તે વિશે જાણકારી મેળવીશું, જેનાથી તમે જવાબદારીપૂર્વક તમારા નાણાંનું સંચાલન કરીને તહેવારોની ઉજવણીનો આનંદ માણી શકશો.

ગુડ્સ એન્ડ સર્વિસ ટેક્સ (GST)

ગુડ્સ એન્ડ સર્વિસ ટેક્સ (જીએસટી) એ ભારતમાં ક્રેડિટ કાર્ડ ખર્ચ સાથે જોડાયેલો એક સામાન્ય કર છે . જીએસટી એ માલસામાન અને સેવાઓની સપ્લાય પર લાદવામાં આવતો પરોક્ષ કર છે. લાગુ પડતો જીએસટી દર તમે ખરીદેલી પ્રોડક્ટ્સ - ચીજવસ્તુઓ અને સેવાની સ્વરૂપના આધારે બદલાય છે. તમારા ક્રેડિટ કાર્ડ ખર્ચ પર જીએસટીની ગણતરી કરવા માટે :

(1) જીએસટી દર નક્કી કરો : સૌથી પહેલા, તમે તમે ખરીદેલી ચોક્કસ માલસામાન અથવા સેવા પર લાગુ પડતા જીએસટી દરને જાણો. અમુક લક્ઝરી આઈટમ માટે જીએસટી રેટ 5% થી 28% અથવા તેનાથી પણ વધારે હોય છે.

(2) જીએસટી રકમની ગણતરી કરો: તમારી ખરીદીની કુલ કિંમતથી જીએસટી રેટનો ભાગાકાર કરો. જેનાથી તમને ચૂકવવાપાત્ર જીએસટીની રકમ આપશે. ઉદાહરણ તરીકે, જો તમે ખરીદેલી કોઇ વસ્તુની કિંમત 5000 રૂપિયા છે અને તેના પર 12 ટકા જીએસટી છે તો, તો તમારે જીએસટી તરીકે 600 રૂપિયા ચૂકવવાના રહેશે.

(3) રિવર્ડ પર ઇન્કમ ટેક્સ (Income Tax on Rewards)

ક્રેડિટ કાર્ડ ટ્રાન્ઝેક્શન સાથે સીધી રીતે જોડાયેલ ન હોવા છતાં, તમારા ક્રેડિટ કાર્ડ ઇશ્યૂકર્તા પાસેથી તમે મેળવતા રિવર્ડ અને કેશબેક પર ઇન્કમ ટેક્સ લાગુ થઈ શકે છે. આ લાભોને 'આવક'નું એક સ્વરૂપ માનવામાં આવે છે અને તે કરપાત્રને પાત્ર હોઈ શકે છે. આ રિવર્ડ પર ઇન્કમ ટેક્સની ગણતરી કરવા માટે:

મૂલ્ય નક્કી કરો : નાણાકીય વર્ષ દરમિયાન મળેલા રિવર્ડ પુરસ્કારો અને કેશબેકના કુલ મૂલ્યની ગણતરી કરો. આમાં માલ અથવા સેવાઓમાં રૂપાંતરિત કેશબેક, ડિસ્કાઉન્ટ અથવા રિવોર્ડ પોઈન્ટનો સમાવેશ થઈ શકે છે.

ઇન્કમ ટેક્સ રિટર્નમાં શામેલ કરો : તમારા વાર્ષિક ઇન્કમ ટેક્સ રિટર્નમાં આ બેનેફિટ્સની કિંમતનો ઉલ્લેખ કરો. તમારી આવક અને ચોક્કસ રિવર્ડ ના આધારે ટેક્સની ગણતરી બદલાઈ શકે છે.

(4) ઇન્ટરેસ્ટ ચાર્જ (Interest Charges)

ઇન્ટરેસ્ટ ચાર્જ એ ક્રેડિટ કાર્ડ ખર્ચ સાથે સંબંધિત અન્ય એક બાબત છે. જ્યારે તમે તમારા ક્રેડિટ કાર્ડ પર એક બિલિંગ સાયકલથી બીજામાં બેલેન્સ રાખો છો, ત્યારે બાકી રકમ પર વ્યાજ લેવામાં આવે છે. ટેક્સ ન હોવા છતાં, ઊંચા વ્યાજ ચાર્જ તમારા ખર્ચમાં નોંધપાત્ર વધારો કરી શકે છે.

ઇન્ટરેસ્ટ ચાર્જની ગણતરી કરવાની રીત (To calculate interest charges) :

બાકી બેલેન્સ નક્કી કરો : બિલિંગ સાયકલની શરૂઆતમાં તમારા ક્રેડિટ કાર્ડ પર તમારે કેટલી રકમ બાકી છે તે ઓળખો.

વાર્ષિક ટકાવારી દર (એપીઆર) જાણો : તમારા ક્રેડિટ કાર્ડના એપીઆરને સમજો, જે વાર્ષિક વ્યાજદર હોય છે. માસિક વ્યાજદરની ગણતરી કરવા માટે આ દરને ઘણીવાર 12 વડે વિભાજિત કરવામાં આવે છે.

માસિક વ્યાજની ગણતરી કરો : તે બિલિંગ ચક્ર માટે વસૂલવામાં આવતા વ્યાજને નિર્ધારિત કરવા માટે બાકી બેલેન્સનો માસિક વ્યાજદર વડે ગુણાકાર કરો.

આ પણ વાંચો | સોનાના દાગીનાની શુદ્ધતા વિશે શંકા છે? આ મોબાઇલ એપથી ઘરે બેઠા ગોલ્ડ હોલમાર્કનું વેરિફિકેશન કરો

(Disclaimer : ક્રેડિટ કાર્ડના ખર્ચમાં જીએસટી, રિવર્ડ પર ઇન્કમ ટેક્સ અને ઇન્ટરેસ્ટ ચાર્જ સહિત વિવિધ કરવેરા લાગુ થશે શકે છે. તમારા સુવ્યવસ્થિત નાણાંનું સંચાલન કરવામાં માહિતગાર અને સક્રિય રહેવું જોઇએ, જેથી કર જવાબદારીને અંકુશમાં રાખીને ફેસ્ટિવ સિઝનનો મહત્તમ લાભ લઈ શકશો, તહેવારોનો આનંદ માણી શકાય.)