Elon Musk Salary : એલન મસ્ક 1 ટ્રિલિયન ડોલર પગાર મેળવનાર દુનિયાનો પ્રથમ વ્યક્તિ, ઘણા દેશોની GDP કરતા પણ વધું

Elon Musk Pay Package : એલન મસ્કના નામે વધુ એક રેકોર્ડ બન્યો છે. એલોન મસ્ક 1 ટ્રિલિયન ડોલર વાર્ષિક પગાર મેળવનાર તેઓ દુનિયાના પ્રથમ વ્યક્તિ બન્યા છે. આ રકમ દુનિયાના ઘણા દેશોની જીડીપી કરતા પણ વધારે છે. ભારતીય ચલણમાં મસ્કને પગાર 88 લાખ કરોડ રૂપિયા જેટલો મળશે ટેસ્લાના સીઈઓ એલન મસ્કને ઇતિહાસના સૌથી મોટા કોર્પોરેટ પે પેકેજની મંજૂરી મળી ગઈ છે. કંપનીની વાર્ષિક બેઠકમાં, 75% થી વધુ રોકાણકારોએ આ પ્રસ્તાવની તરફેણમાં મત આપ્યો હતો. આ બેઠક ટેક્સાસના ઓસ્ટિનમાં યોજાઈ હતી. એલોન

વોશિંગ્ટન પોસ્ટના એક અહેવાલ અનુસાર, આ બાબત એલન મસ્કને વિશ્વનો પ્રથમ ટ્રિલિયનર (એક ટ્રિલિયન ડોલરની નેટવર્થ ધરાવતો વ્યક્તિ) બનાવી શકે છે. આ પેકેજ હેઠળ, મસ્ક આગામી દસ વર્ષમાં 1 ટ્રિલિયન યુએસ ડોલર સુધીના શેર મેળવી શકે છે. જો કે, જરૂરી ટેક્સ અને ચુકવણી પછી, તેની વાસ્તવિક કિંમત લગભગ 878 અબજ ડોલર હશે. આ મંજૂરી એવા સમયે આવી છે જ્યારે ટેસ્લા પોતાને માત્ર ઇલેક્ટ્રિક વાહન કંપનીમાંથી આર્ટિફિશિયલ ઇન્ટેલિજન્સ (એઆઈ) અને રોબોટિક્સ કંપનીમાં પરિવર્તિત કરવા તરફ કામ કરી રહી છે.

ટેસ્લા કંપનીની બેઠક દરમિયાન, એલન મસ્કે જાહેરાત કરી હતી કે ટેસ્લા એપ્રિલથી તેના સ્ટીયરિંગલેસ ટુ-સીટર રોબોટેક્સી સાયબરકેબનું ઉત્પાદન શરૂ કરશે. આ સાથે કંપની તેની નેક્સ્ટ જનરેશન રોડસ્ટર પણ રજૂ કરશે. મસ્કે એમ પણ કહ્યું હતું કે ટેસ્લાને એઆઈ ચિપ્સના ઉત્પાદન માટે 'વિશાળ ચિપ ફેબ'ની જરૂર પડશે અને આ માટે કંપની ઇન્ટેલ સાથે ભાગીદારી કરી શકે છે.

અહીં જુઓ મિટિંગમાં શું થયું?

એજન્ડા શું છે?

ટેસ્લા કંપનીની શેરધારકોની બેઠકમાં ત્રણ ડિરેક્ટર્સને ફરીથી ચૂંટ્યા, વાર્ષિક બોર્ડની ચૂંટણીની તરફેણમાં મત આપ્યો અને એલન મસ્કના જૂના પેકેજને બદલવા માટે નવી વળતર યોજનાને પણ મંજૂરી આપી જે હાલમાં કોર્ટમાં અટવાઈ ગઈ છે.

તેમણે એલન મસ્કના એઆઈ સ્ટાર્ટઅપ એક્સએઆઈમાં રોકાણ કરવાના ટેસ્લાના પ્રસ્તાવને પણ મંજૂરી આપી હતી. જોકે, ઘણા મોટા રોકાણકારોએ મતદાનથી દૂર રહ્યા. મસ્કે મજાક કરી, "અન્ય કંપનીઓની શેરહોલ્ડર મીટિંગ્સ કંટાળાજનક છે, પરંતુ અમારી બેઠકો ધમાકેદાર હોય છે! મારો મતલબ છે, જરા જુઓ - આ તો અદ્ભુત છે. ”

લોન્ગેકર સ્ક્વેરના પાર્ટનર જેસિકા મેકડોગલે જણાવ્યું હતું કે, "રોકાણકારો હવે અપેક્ષા રાખશે કે બોર્ડ કંપનીઓ વચ્ચે વધુ પડતા મિશ્રણને ટાળવા માટે સ્પષ્ટ સીમાઓ નક્કી કરશે. ”

એલન મસ્કનું નવું લક્ષ્ય શું છે?

એલન મસ્કના નવા લક્ષ્યોની વાત કરીએ તો, તેમનો ઇરાદો આગામી 10 વર્ષમાં 20 મિલિયન વાહનો બનાવવાનો, 1 મિલિયન (1 મિલિયન) રોબોટેક્સિસ તૈનાત કરવાનો, 1 મિલિયન હ્યુમનોઇડ રોબોટ્સ વેચવાનો અને 400 અબજ ડોલર (400 અબજ ડોલર) નફો મેળવવાનો છે.

દરેક લક્ષ્યને પ્રાપ્ત કરવા અને કંપનીનું મૂલ્યાંકન 2 ટ્રિલિયન ડોલરથી વધારીને 8.5 ટ્રિલિયન ડોલર કર્યા પછી, એલન મસ્કને ટેસ્લાના 1% શેર આપવામાં આવશે, જે કુલ શેરના 12% સુધી જઈ શકે છે. આનો અર્થ એ છે કે જો મસ્ક તેના કેટલાક મહત્વાકાંક્ષી લક્ષ્યોને સંપૂર્ણ રીતે પ્રાપ્ત કરવામાં સક્ષમ ન હોય, તેમ છતાં તે હજી પણ અબજો ડોલરના શેર મેળવી શકે છે.

એલન મસ્કની સેલેરી ઘણા દેશોની GDP કરતા વધારે

એલન મસ્કને ટેસ્લા કંપની તરફથી વાર્ષિક 1 ટ્રિલિયન ડોલર પગાર આપવામાં આવશે. આ રકમ નોનર્વે, હોંગકોંગ, સિંગાપુર સગિત ઘણા દેશોની જીડીપ કરતા પણ વધારે છે.

એલન મસ્ક દુનિયાનો સૌથી ધનવાન વ્યક્તિ

એલન મસ્ક દુનિયાનો સૌથી ધનવાન વ્યક્તિ છે. ફોર્બ્સની રિયલ ટાઇમ બિલિયોનર્સ યાદી મુજબ એલન મસ્કની સંપત્તિ 491.4 બિલિયન ડોલર છે. દુનિયાના અબજોપતિન યાદીમાં બીજા સ્થાન પર લેરી એલીસનની સંપત્તિ 298.9 બિલિયન ડોલર અને એમેઝોનના જેફ બેઝોસ 253.38 બિલિયન ડોલરની નેટવર્થ સાથે આ યાદીમાં ત્રીજા નંબર પર છે.