Elon Musk's xAI Launch: એલોન મસ્કે લોન્ચ કર્યું Grok 4 AI મોડલ, શું ચેટજીપીટી અને Gemini ને પછાડી શકશે!

Grok 4 AI Launch by Elon Musk: દુનિયાના સૌથી ધનવાન બિઝનેસમેન એલોન મસ્કે નવું એઆઈ મોડલ (AI Model) લોન્ચ કર્યું છે. એલોન મસ્કના નવા xAI મોડલનું નામ સુપરગ્રોક 4 હેવી (SuperGrok 4 Heavy) છે. આ એઆઈ મોડલના 3 વેરિયન્ટ ઉપલબ્ધ છે. ટેસ્લાના વડાએ દાવો કર્યો હતો કે ગ્રોક4 એ પ્રમાણિત પરીક્ષણને પાર દીધું છે અને તમામ વિષયોમાં શૈક્ષણિક પ્રશ્નોનો પીએચડી ધારક કરતા વધુ સારો પ્રત્યુત્તર આપ્યું છે. એલોન મસ્કના એઆઇ સ્ટાર્ટઅપે પણ દર મહિને 300 ડોલરનો નવો એઆઇ સબ્સ્ક્રિપ્શન પ્લાન રજૂ કર્યો હતો, જેને સુપરગ્રોક હેવી કહેવામાં આવે છે.

નવી ગ્રોક 4 એઆઈ એ ઓપનએઆઇ, ગૂગલ અને એન્થ્રોપિક દ્વારા ઓફર કરવામાં આવતા ફ્રન્ટિયર મોડલ્સ માટે xAIનો પ્રતિસાદ છે. નવું મોડેલ છબીઓનું વિશ્લેષણ કરી શકે છે અને પ્રશ્નોના જવાબ પણ આપી શકે છે. લાઇવસ્ટ્રીમ દરમિયાન, મસ્કે કહ્યું હતું કે જ્યારે દરેક વિષયમાં શૈક્ષણિક પ્રશ્નોના જવાબ આપવાની વાત આવે છે ત્યારે ગ્રોક 4 પીએચ.ડી. ધારકો કરતા વધુ સારું છે.

નવા ગ્રોક મોડેલોમાં શું ખાસ છે?

xAI એ વધુ સારા પ્રદર્શન સાથે ગ્રોક 4 અને મલ્ટિ-એજન્ટ વર્ઝન ગ્રોક 4 હેવી રજૂ કર્યું છે. કંપનીના જણાવ્યા અનુસાર, ગ્રોક 4 હેવી ઘણા એજન્ટો સાથે આવે છે, જે સમસ્યાનું શ્રેષ્ઠ સમાધાન શોધવા માટે અભ્યાસ જૂથ તરીકે કામ કરે છે.

જ્યારે કામગીરીની વાત આવે છે, ત્યારે xAI દાવો કરે છે કે ગ્રોક 4 મુખ્ય બેન્ચમાર્ક્સ પર શ્રેષ્ઠ પ્રદર્શન કરે છે. માનવતાની એક છેલ્લી કસોટીમાં - ગણિત, માનવતા અને વિજ્ઞાનની અઘરી કસોટી - ગ્રોક4એ સાધનો વિના 25.4 ટકા ગુણ મેળવ્યા હતા, જેણે જેમિની 2.5 પ્રો (21.6 ટકા) અને ઓપનએઆઈના ઓ3 (21 ટકા)ને પાછળ રાખી દીધા હતા. બીજી તરફ, ગ્રોક 44.4 ટકા સુધી પહોંચ્યો હતો, જેણે જેમિની 2.5 પ્રોના 26.9 ટકાને પાછળ છોડી દીધા હતા.

SuperGrok 4 ની કિંમત અને ફીચર્સ

એલોન મસ્કના નવા એઆઈ મોડલનો ઉપયોગ કરવા માટે યુઝર્સે ચાર્જ ચૂકવવો પડશે. યુઝર્સ Grok 4 વેબસાઇટ કે એપ મારફતે ઉપયોગ કરવા દર મહિને 30 ડોલર ચૂકવી સબ્સક્રિપ્શન મેળવવું પડશે. તો તેનાથી અપગ્રેડ વર્ઝન Super Grok 4 Heavy માટે 300 ડોલર માસિક સબ્સક્રિપ્શન ચાર્જ ચૂકવવો પડશે. મસ્કે જણાવ્યું છે કે, વર્ષના અંત સુધી xAI કોડિંગ અને વીડિયો જનરેશન જેવી કામગીરી માટે ખાસ મોડલ્સ રજૂ કરશે.

X ના CEO લિન્ડા યાકારિનોનું રાજીનામું

તમને જણાવી દઈએ કે ગ્રોકની લેટેસ્ટ એડિશન એવા સમયે લોન્ચ કરવામાં આવી છે જ્યારે મસ્કની કંપનીઓ મુશ્કેલ સમયમાંથી પસાર થઈ રહી છે. બુધવારે, એક્સના સીઇઓ લિન્ડા યાકારિનોએ લગભગ 2 વર્ષ પછી એક્સ સીઇઓ પદેથી રાજીનામું આપ્યું હતું.

આ અઠવાડિયાની શરૂઆતમાં, ગ્રોક AI મોડલ ચર્ચામાં જ્યારે યુઝર્સની ફરિયાદોને પગલે એક્સને 8 જુલાઈ 'અયોગ્ય' સોશિયલ મીડિયા પોસ્ટ્સને દૂર કરવી પડી હતી. આ ચેટબોટે કથિત રીતે એન્ટી-સેમિટિક કન્ટેન્ટ અને એડોલ્ફ હિટલરના વખાણ કર્યા હતા. ગ્રોકે એક્સ પર પોસ્ટ કર્યું હતું કે, "અમે ગ્રોક દ્વારા કરવામાં આવેલી તાજેતરની પોસ્ટ્સથી વાકેફ છીએ અને અયોગ્ય પોસ્ટ્સને દૂર કરવા માટે સક્રિયપણે કામ કરી રહ્યા છીએ."