/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Follow Us/indian-express-gujarati/media/media_files/wp-content/uploads/2024/12/epfo-1.jpg)
How To To Transfer PF Balance After Leaving Job: ઇપીએફઓ અનુસાર ઇપીએફ બેલેન્સ ટ્રાન્સફર કરવા માટે જુની કંપની કે નોકરીદાતા સાથે નોકરી છોડવાની તારીખ એટલે કે ડેટ ઓફ એક્ઝિટ અપડેટ હોવું જરૂરી છે.
EPFO Claim Rejection Reason And Solution: ઇપીએફઓ કર્મચારીને ભવિષ્યમાં નાણાકીય સુરક્ષા આપવા માટે શરૂ કરવામાં આવ્યું છે. કોઈ કંપની અથવા સંગઠિત ક્ષેત્રમાં કામ કરતા કર્મચારીના પગારની અમુક રકમ દર મહિને પીએફ ખાતામાં જમા કરવામાં આવે છે. નિવૃત્ત થયા બાદ અથવા નોકરીના અમુક વર્ષ બાદ કર્મચારી પીએફ ઉપાડી શકે છે. ઘણા લોકો નોકરી દરમિયાન પીએફ રકમ ઉપાડવા ક્લેમ કરે છે. પરંતુ કોઇ કારણસર તેમના પીએફ ક્લેમ રિજેક્ટ થાય છે. અહીં પીએફ ક્લેમ રિજેક્ટ થવાના કારણ અને સમાધાન વિશે જાણકારી આપવામાં આવી ચે.
માહિતીમાં વિસંગતતા
પીએફ ક્લેમ રિજેક્ટ થવાનું મુખ્ય કારણ કર્મચારીની માહિતીમાં વિસંગતતા છે. જ્યારે એમ્પ્લોયર દ્વારા ક્લેમ ફોર્મમાં ભરેલી માહિતી EPFO ડેટા સાથે મેળ ખાતી નથી, ત્યારે ક્લેમ રિજેક્ટ થઈ જાય છે અને એમ્પ્લોયર આ નાની ભૂલોને સમજવામાં અસમર્થ હોય છે. આવી સ્થિતિમાં, તે મહત્વનું છે કે પીએફ ક્લેમ ફોર્મ ભરતી વખતે તમારે માહિતી સંબંધિત 5 મહત્વપૂર્ણ મુદ્દાઓ પર ધ્યાન આપવું જોઈએ.
- નામ, પિતા કે પતિનું નામ
- નોકરીમાં જોડાવાની કે છોડવાની તારીખ
- બેંક એકાઉન્ટ, PAN અને પાસપોર્ટ જેવા મહત્વપૂર્ણ દસ્તાવેજોની અધૂરી KYC
- બેંક ખાતાની અધૂરી વિગત
- ઉંમર અથવા જન્મ તારીખમાં ભૂલ
ઘણી વખત આધાર અને EPFO પોર્ટલ પર નોંધાયેલા નામમાં તફાવત જોવા મળે છે. જો એમ હોય, તો અરજી સાથે એક સાથે જોઇન્ટ ડિક્લરેશન જમા કરી તેને સુધારી શકાય છે.
જન્મ તારીખમાં ભૂલ
બીજી ભૂલ જન્મતારીખ સંબંધિત છે. જો EPFO રેકોર્ડમાં દર્શાવેલ જન્મતારીખ અને પીએફ ક્લેમ પર દર્શાવેલ જન્મ તારીખ વચ્ચે તફાવત હોય તો તમારો દાવો નકારવામાં આવી શકે છે.
KYC અપડેટ ન હોવું
જો કેવાયસી વિગતો પૂર્ણ અને ચકાસાયેલી ન હોય તો પણ પીએફ ક્લેમ રિજેક્ટ થઇ શકે છે. આવી સ્થિતિમાં, વિલંબ અથવા વારંવાર ક્લેમ ટાળવા માટે, પીએફ ઉપાડનો દાવો દાખલ કરતા પહેલા KYC પ્રક્રિયા પૂર્ણ કરી દેવી જોઇએ. નોંધનીય છે કે આધાર કાર્ડમાં કોઈપણ ભૂલ સુધારવા માટે તમારે તમારા નજીકના આધાર સેવા કેન્દ્રનો સંપર્ક કરવો પડશે.
બેંક વિગતો આપવામાં બેદરકારી
ઘણી વખત, સાચો બેંક એકાઉન્ટ નંબર, IFSC કોડ અને તમામ વિગતો દાખલ કર્યા પછી પણ, ઘણીવાર ભૂલ દેખાય છે. એટલે કે, પીએફ ક્લેમ ફોર્મ ભરતી વખતે નોકરીદાતાએ જોઇન્ટ એકાઉન્ટનો ઉપયોગ કર્યો હોઈ શકે છે, જો જોઇન્ટ એકાઉન્ટ તમારા જીવનસાથી સાથે હોય તો પીએફ વિભાગ તેને સ્વીકારે છે પરંતુ અન્ય કોઈ ખાતાના કિસ્સામાં નકારી કાઢવામાં આવે છે. એ પણ શક્ય છે કે બેંકોના મર્જરને કારણે તમારી બેંકનો IFSC કોડ બદલાઈ ગયો હોય.
અસ્પષ્ટ બેંક પાસબુક અથવા ચેક
ઘણી વખત પીએફ પોર્ટલ પર અપલોડ કરેલા ચેક અથવા પાસબુકની વિગત સ્પષ્ટ ન દેખાવાથી પણ તમારો પીએફ ક્લેમ રિજેક્ટ થઇ શકે છે. આવી સ્થિતિમાં, એમ્પ્લોયરે ક્લેમ ફોર્મ ભરતી વખતે ચેક અથવા પાસબુકનો સ્પષ્ટ ફોટો જ અપલોડ કરવો જોઈએ અને ફોટોકોપી અપલોડ કરવાની ભૂલ ન કરવી જોઈએ. ઉપરોક્ત કોઈપણ ભૂલના કિસ્સામાં, સભ્યએ પીએફ પોર્ટલ પર ફરીથી તેની બેંક કેવાયસી અપડેટ કરવી પડશે અને તેને ફરીથી મંજૂર કરવામાં આવશે.
અધૂરી માહિતી
ઘણી વખત EPFO સભ્ય અથવા કંપની દ્વારા આપવામાં આવેલી અધૂરી વિગતો પણ પીએફ ક્લેમ રિજેક્ટ થવાનું કારણ બની જાય છે. આમાં બે મુદ્દા મહત્વના છે. પ્રથમ પ્રમાણપત્ર સંબંધિત વિગતો અને બીજું ચેકમાં આપવામાં આવેલી અધૂરી માહિતી. હકીકતમાં, કેટલાક દાવાઓ સાથે પ્રમાણપત્રો અથવા સેલ્ફ ડિક્લરેશન ડોક્યુમેન્ટ જોડવા જરૂરી છે. અરજી કરતા પહેલા તપાસો કે જરૂરી દસ્તાવેજો અધુરા છે કે નહીં, અધુરી વિગત હશે તો પીએફ ક્લેમ નામંજૂર થઇ શકે છે.
ચેક કે પાસબુક આપતી વખતે આ બાબત નજર અંદાજ ન કરવી
એડવાન્સ પીએફ ઉપાડ સમયે તમારા ચેક અથવા પાસબુકની કોપી અપલોડ કરવી જરૂરી છે. ધ્યાન રાખો કે તમારું નામ ચેક પર લખેલું હોવું જોઈએ. અથવા તમારી બેંક પાસબુકનું પ્રથમ પેજ અપલોડ કરો. એ પણ સુનિશ્ચિત કરો કે પાસબુક પેજ પરનું નામ અને બેંકની વિગતો એપીએફઓ પોર્ટલ પર આપેલા તમારા KYCની વિગત બંને સમાન હોય.
નોકરી છોડવાની અથવા જોડાવાની તારીખ અપડેટ ન થવી
ઘણી વખત નોકરી છોડવાની તારીખ અપડેટ થતી નથી અથવા નોકરીમાં જોડાવાની અને છોડવાની તારીખો રેકોર્ડ સાથે મેળ ખાતી નથી જેના કારણે પીએફ ક્લેમ રિજેકટ કરવામાં આવે છે.
યોગ્યતા પૂરી નથી કરતા
ઘણી વખત નોન એલિજિબિલિટિ એટલે કે પાત્રતાના અભાવે પણ પીએફ ક્લેમ રિજેક્ટ થઇ શકે છે. તેથી પીએફ ક્લેમ ફોર્મ ભરતી વખતે EPFO સભ્ય દ્વારા પાત્રતા પૂર્ણ કરવી જોઈએ. અન્યથા અરજી નામંજૂર કરવામાં આવે છે.
UAN નંબર સાથે આધાર લિંક ન હોવો
યુનિવર્સલ એકાઉન્ટ નંબર એટલે કે UAN નંબર આધાર કાર્ડ સાથે લિંક ન હોવાથી પણ પીએફ ક્લેમ નામંજૂર થઇ શકે છે.
ખોટું ફોર્મ ભરવું
પીએફ ક્લેમ રિજેક્ટ થવાનું બીજું કારણ ખોટું ફોર્મ ભરવું છે, કેટલીકવાર ખોટા વિથડ્રો અથવા ટ્રાન્સફર ફોર્મનો ઉપયોગ પણ દાવો નામંજૂરી થવાનું કારણ બની જાય છે.