Gold Price History: સોનાનો ભાવ ભારતમાં આઝાદી સમયે 89 રૂપિયા હતો, હવે 1 લાખ પાર, જુઓ સોનાની સુવર્ણ સફર

Gold Historical Price In India: સોનાના ભાવ 1 લાખ રૂપિયાની સપાટી કુદાવી ઐતિહાસિક ટોચે પહોંચ્યા છે. અમદાવાદમાં 24 કેરેટે સોનાનો ભાવ 1,01,500 રૂપિયા પ્રતિ 10 ગ્રામ થયો છે. વૈશ્વિક બજારમાં સોનું 3400 ડોલર પ્રતિ ટ્રોય ઔંસ પહોંચી ગયા છે. 1 લાખ રૂપિયાની ટોચે પહોંચતા સામાન્ય વ્યક્તિ માટે સોનું ખરીદવું હવે સપનું બની ગયું છે. હવે દરેક વ્યક્તિ વિચારે છે કે, જો પહેલા સસ્તા ભાવે સોનું ખરીદી લીધું હોત તો સારું થતું. શું તમને ખબર છે ભારત દેશ આઝાદ થયો ત્યારે સોનાનો ભાવ કેટલો હતો? ચાલો જાણીયે સોનાના ભાવની સુર્વર્ણ સફર વિશે

સોનાનો ભાવ 1 લાખ રૂપિયા પાર

સોનાનો ભાવ 1 લાખ રૂપિયા પાર થતા ચારેબાજુ એવી ચર્ચા થઇ રહી છે હજી ભાવ કેટલો ઉંચો હશે. તો અમુક લોકો સોનું ક્યારે ઘટશે તેની રાહ જોઇ રહ્યા છે. અમદાવાદના ઝવેરી બજારમાં 22 એપ્રિલ, 2025ના રોજ સોનું 2000 રૂપિયા ઉછળી 1,01,500 રૂપિયા પ્રતિ 10 ગ્રામ થયું છે. વર્ષ 2025માં અત્યાર સુધી સોનાના ભાવમાં 25 ટકાની તેજી આવી છે. વર્ષ 2014 બાદ છેલ્લા 11 વર્ષમાં સોનાની કિંમતમાં 3 ગણો વધારો થયો છે.

સોનાના ઐતિહાસિક ભાવ

સોનાના ભાવ વધવાના કારણ

• અમેરિકાના નવા પ્રમુખ ડોનાલ્ડ ટ્રમ્પની નવી ટેરિફ નીતિથી ટેરિફ વોર શરૂ થયો
• વૈશ્વિક અર્થતંત્રમાં અસ્થિરતા
• વૈશ્વિક આર્થિક મંદીની દહેશત
• દુનિયાભરના શેરબજારમાં ઘટાડો
• સુરક્ષિત રોકાણના વિકલ્પ તરીકે સોનાની વધતી લોકપ્રિયતા
• દુનિયાભરની મધ્યસ્થ બેંક દ્વારા સોનાની સતત ખરીદી
• ભારત અને ચીનમાં સોનાના દાગીનાની માંગમાં સતત વધારો

સોનાનો ભાવ 1.40 લાખ રૂપિયા થશે!

સોનાના ભાવ 1 લાખ રૂપિયાના રેકોર્ડ હાઇ લેવલે પહોંચ્યા છે. હવે સોનાનો ભાવ ક્યાંય પહોંચશે તેની આગાહી થવા લાગી છે. અમેરિકાની એક ઇન્વેસ્ટમેન્ટ બેંક ગોલ્ડમેન સાશનું કહેવું છે કે, સોનું ચાલુ વર્ષના અંત સુધી 4500 ડોલર પ્રતિ ટ્રોય ઔંસ સુધી પહોંચી જશે. જો ભારતીય રૂપિયામાં ગણતરી કરીયે તો સોનાના ભાવ લગભગ 1.38 લાખ રૂપિયા પ્રતિ 10 ગ્રામ જેટલું થાય છે. સંપૂર્ણ અહેવાલ વાંચવા અહીં ક્લિક કરો