Google Pixel 8, Pixel 8 Pro: Google Pixel 8 સિરીઝ લોન્ચ, જાણો કેમેરા ફીચર્સ અને કિંમત, iPhone 15 સાથે સ્પર્ધામાં

Google Pixel 8, Pixel 8 Pro :ગઈ કાલે (4 ઑક્ટોબર 2023) આયોજિત 'મેડ બાય ગૂગલ' ઇવેન્ટમાં વચન મુજબ ગૂગલે આખરે નેક્સ્ટ-જનન પિક્સેલ સ્માર્ટફોન લૉન્ચ કર્યા હતો. Google Pixel 8 સીરીઝમાં કંપનીએ Pixel 8 અને Pixel 8 Pro ફોન લોન્ચ કર્યા છે. Google Pixel 8 અને Pixel 8 Pro ને ડિઝાઇન અને હાર્ડવેર અપગ્રેડ મળશે. આ ફોનને નવી Tensor G3 ચિપ સાથે લોન્ચ કરવામાં આવ્યા છે. અપગ્રેડ કરેલી ડિઝાઇન વિશે વાત કરીએ તો, ફોનમાં વધુ સારા અનુભવ માટે ગોળાકાર કિનારીઓ છે.

Pixel 8, Pixel 8 Pro કિંમત

Pixel 8 Proને ભારતમાં 75,999 રૂપિયાની કિંમતે ઉપલબ્ધ કરાવવામાં આવ્યો છે જ્યારે Pixel 8 Proને ભારતમાં 1,06,999 રૂપિયાની કિંમતે અવેલેબલ કરાવવામાં આવ્યો છે. બંને ફોનનું વેચાણ ફ્લિપકાર્ટ પર 12 ઓક્ટોબરથી શરૂ થશે. Pixel 8 પ્રી-બુકિંગ પર, Pixel Buds Pro 8,999 રૂપિયામાં મેળવી શકાય છે જ્યારે Pixel 8 Pro પ્રી-બુકિંગ પર, Pixel Watch 2 19,999 રૂપિયામાં મેળવી શકાય છે.

આ પણ વાંચો: Vivo V29, V29 Pro Launch : Vivo એ ભારતમાં અદભુત ડિઝાઇન સાથે બે નવા સ્માર્ટફોન લોન્ચ કર્યા, 50MP સેલ્ફી કેમેરા, જાણો સંપૂર્ણ વિગત

મર્યાદિત સમયની લૉન્ચ ઑફર્સ વિશે વાત કરીએ તો, Pixel 8ને પસંદગીના બેંક કાર્ડ્સથી ખરીદવામાં આવે તો ₹ 8000 અને ₹ 3000ના એક્સચેન્જ ડિસ્કાઉન્ટ સાથે મેળવી શકાય છે. જ્યારે 9000 રૂપિયાના બેંક ડિસ્કાઉન્ટ અને 4000 રૂપિયાના એક્સચેન્જ ડિસ્કાઉન્ટ સાથે Pixel 8 Pro મેળવવાની તક છે.

Pixel 8, Pixel 8 Pro ફીચર્સ

Pixel 8 સીરીઝના બંને ફોન ગૂગલના ટેન્સર G3 ચિપસેટ સાથે લોન્ચ કરવામાં આવ્યા છે. આ ફોનમાં ઓડિયો મેજિક ઈરેઝર ફીચર છે. આની મદદથી વીડિયોમાં સંભળાતા અલગ-અલગ અવાજોને ભૂંસી શકાય છે.

Pixel 8 માં 6.2-inch Actua ડિસ્પ્લે છે જે Pixel 7 કરતા 42 ટકા વધુ તેજસ્વી છે અને વાસ્તવિક-વિશ્વની સ્પષ્ટતા આપે છે. Pixel 8 માં સાટિન મેટલ ફિનિશ, પોલિશ્ડ ગ્લાસ બેક પેનલ છે. આ ફોન રોઝ, હેઝલ અને ઓબ્સિડિયન કલરમાં આવે છે.

Pixel 8 Proમાં 6.7 ઇંચની સુપર એક્ટુઆ ડિસ્પ્લે છે. કંપનીનું કહેવું છે કે આ ગૂગલની અત્યાર સુધીની સૌથી બ્રાઈટ ડિસ્પ્લે છે. ફોનને નવા બ્લુ બે અને ઓબ્સિડીયન કલરમાં ઉપલબ્ધ કરાવવામાં આવ્યો છે. Pixel 8 Proમાં એક નવું ટેમ્પરેચર સેન્સર આપવામાં આવ્યું છે જેના દ્વારા યુઝર્સ કોઈપણ ઓબ્જેક્ટનું ટેમ્પરેચર સ્કેન કરી શકે છે.

આ પણ વાંચો: Netflix: નેટફ્લિક્સ હોલીવુડના કલાકારોની હડતાલ સમાપ્ત થયા પછી આ નિર્ણય લઇ શકે તેવી અટકળો

Pixel 8 સીરીઝમાં એક નવું કોલ આસિસ્ટ ફીચર આપવામાં આવ્યું છે. Pixel 8 સીરીઝમાં Pixel 7 સીરીઝની સરખામણીમાં અપગ્રેડેડ કેમેરા છે. ગૂગલનું કહેવું છે કે ઓછા પ્રકાશમાં પણ નવા Pixel ફોનથી સારી ગુણવત્તાના ફોટા અને વીડિયો રેકોર્ડ કરી શકાય છે. Pixel 8 માં 50MP પ્રાઈમરી રીઅર કેમેરા છે. ફોનમાં અપડેટેડ અલ્ટ્રા-વાઇડ કેમેરા પણ છે જે ઓટોફોકસ સાથે આવે છે અને મેક્રો ફોકસ તરીકે પણ કામ કરે છે.

Pixel 8 Proમાં 50MP પ્રાથમિક, 48MP અલ્ટ્રા-વાઇડ અને 48MP ટેલિફોટો સેન્સર સાથે ટ્રિપલ રિયર કેમેરા સેટઅપ છે. ફોનમાં ઓટોફોકસ ફ્રન્ટ કેમેરા ઉપલબ્ધ છે.

Pixel 8 અને Pixel 8 Pro ની સૌથી મોટી વિશેષતા 7 વર્ષ માટે ઉપલબ્ધ સોફ્ટવેર અપડેટ્સ છે. હા, ગૂગલે ઈવેન્ટમાં જણાવ્યું હતું કે Pixel 8 સીરીઝમાં 7 વર્ષ માટે OS અપગ્રેડ, સુરક્ષા અપડેટ અને નિયમિત ફીચર ડ્રોપ્સ મળશે.