Dangerous Apps: મોબાઈલમાં આ ખતરનાક 17 એપ્સ હોય તો તરત જ ડિલીટ કરો, ચોરી રહી છે પર્સનલ ડેટા, ગૂગલ પ્લે સ્ટોરમાંથી હટાવાઈ

Google Play Store delete Dangerous 17 Loan Apps : જો તમે એન્ડ્રોઈડ સ્માર્ટફોનનો ઉપયોગ કરો છો તો સાવધાન થઈ જાવ. સિક્યોરિટી રિસર્ચરોએ એવી કેટલીક ફાઇનાન્સ એપ્સ શોધી કાઢી છે જે માલવેર વાયરસથી સંક્રમિત છે. ખાસ વાત એ છે કે આ ફાઇનાન્સ એપ્સ લાખો ડિવાઈસમાં ઈન્સ્ટોલ પણ છે. જો તમારા ફોનમાં આમાંથી કોઈ પણ 'ખતરનાક' એપ હોય તો તેને તરત જ ડિલીટ કરી દો.

Apple અને Googleની ઇકોસિસ્ટમ તદ્દન અલગ છે. જ્યારે Apple મર્યાદિત ઍક્સેસ સાથે એક પ્રતિબંધિત સિસ્ટમ પર ધ્યાન કેન્દ્રિત કરે છે, ત્યારે Google વધુ પસંદગીઓ ઓફર કરે છે પરંતુ તેની સાથે વધુ જોખમો પણ આવે છે. ઘણી ચેતવણીઓ હોવા છતાં, Google Play Store અને થર્ડ પાર્ટી એપ્લિકેશન પ્લેટફોર્મ પર લેભાગુ મોબાઈલ એપ્લિકેશનો હોવાના સમાચાર વારંવાર આવતા રહે છે. આવી એપ્સ યુઝરના ડેટા અને નાણાં માટે મોટા જોખમ સમાન હોય છે.

'SpyLoan' તરીકે ઓળખાતી આ એપ્સ ત્વરિત લોનનું વચન આપે છે પરંતુ સંવેદનશીલ પર્સનલ ડેટાની ચોરી પણ કરે છે. ગૂગલે આવી મોટાભાગની એપ્સને ડિલીટ કરી દીધી છે પરંતુ આ એપ્સને હટાવતા પહેલા તેને 1.2 કરોડથી વધુ વખત ડાઉનલોડ કરવામાં આવી છે. તમને જણાવી દઈએ કે જે યૂઝર્સે આ એપ્સ પોતાના ફોનમાં ડાઉનલોડ કરી છે, તેમણે ડિલીટ કર્યા પછી પણ સતર્ક રહેવું જોઈએ.

PhoneArenaએ આ એપ્સની યાદી શેર કરી છે. જો તમારા ફોનમાં આ 17માંથી કોઈ પણ એપ ઈન્સ્ટોલ છે તો તેને તરત જ ડિલીટ કરી દો. આ ઉપરાંત તમારે તમારા ડિવાઇસના પાસકોડ અને વાઈ-ફાઈ પાસવર્ડ પણ બદલી નાંખો. જો શક્ય હોય તો, તમારા બેંક ખાતા, ડિજિટલ વોલેટ વગેરેનો પાસકોડ પણ બદલો. તમારા સ્માર્ટફોનમાં કોઈપણ શંકાસ્પદ ગતિવિધિ અંગે સાવધાન રહો. ઈમેલ કે મેસેજમાં મળેલી કોઈપણ અજાણી લિંક પર ક્લિક કરશો નહીં.

આ પણ વાંચો |સ્નેપડ્રેગન 8 Gen 3 ચિપસેટ સાથે પહેલો સ્માર્ટફોન ભારતમાં લોન્ચ, જાણો iQOO 12ના ફીચર્સ અને કિંમત

માલવેર વાયરસવાળી 17 ખતરનાક એપ્સની સંપૂર્ણ યાદી…

1. એએ ક્રેડિટ (AA Kredit)
2. અમોર કેશ (Amor Cash)
3. GuayabaCash (GuayabaCash)
4. ઇઝીક્રેડિટ(EasyCredit)
5. કેશવો (Cashwow)
6. ક્રેડીબસ (CrediBus)
7. ફ્લેશલોન (FlashLoan)
8. PrestamosCredit
9. ક્રેડિટ લોન-યુમીકેશ
10. ગો ક્રેડિટો (Go Crédito)
11. ઇન્સ્ટન્ટેનિયો પ્રેસ્ટામો (Instantáneo Préstamo)
12. કારટેરા ગ્રાન્ડ (Cartera grande)
13. ઝડપી ક્રેડિટો (Rápido Crédito)
14. ફિનઅપ લેન્ડિંગ (Finupp Lending)
15. 4S કેશ (4S Cash)
16. TrueNaira
17. ઇઝીકેશ (EasyCash)