GST On Online Gaming In India : સરકાર જીએસટી (ગુડ્સ એન્ડ સર્વિસ ટેક્સ) માં ફેરફાર કરવા જઇ રહી છે. સરકાર લક્ઝુરિયસ અને મોજશોખની ચીજો પર 40 ટકા ટેક્સ લાદવાની તૈયારી કરી રહી છે. જેમાં પાન મસાલા, તમાકુ, સિગારેટ, મોંઘી કાર અને બાઇક તેમજ ઓનલાઇન ગેમિંગનો પણ સમાવેશ કરી શકાશે. સૂત્રોએ ધ ઇન્ડિયન એક્સપ્રેસને જણાવ્યું હતું કે મહેસૂલ વિભાગે ગુડ્સ અને સેવાને લક્ઝુરિયસ અને મોજશોખની ચીજોની કેટેગરીમાં રાખી દેશના સામાજિક મૂલ્યો ને ધ્યાનમાં રાખ્યા છે અને ઓનલાઇન ગેમિંગ આ વ્યાખ્યા સાથે સુસંગત હોય તેવું લાગે છે.
જો આ પગલાને આખરી ઓપ આપવામાં આવે તો તેનાથી ઓનલાઇન ગેમિંગ કંપનીઓ (ફેન્ટસી સ્પોર્ટ્સ અને રિયલ ગેમિંગ પ્લેટફોર્મ સહિત)માં હલચલ મચી જવાની શક્યતા છે.
ભૂતકાળમાં આ ક્ષેત્રમાં નોંધપાત્ર રીતે ઓછી માંગ જોવા મળી છે, જ્યારે 1 ઓક્ટોબર, 2023 થી જીએસટી દર 28% નક્કી કરવામાં આવ્યો હતો. અગાઉ, ઘણી ઓનલાઇન ગેમિંગ કંપનીઓ 28% ટેક્સ ચૂકવતી ન હતી એમ કહીને કે કૌશલ્ય-આધારિત રમતો અને નસીબ આધારિત રમતો માટે ટેક્સ રેટ અલગ અલગ છે.
સત્તાવાર ડેટા દર્શાવે છે કે જુલાઈ 2023 માં કાઉન્સિલ દ્વારા 1 ઓક્ટોબર, 2023 થી ઓનલાઇન ગેમિંગ, હોર્સ રેસિંગ અને કેસિનો પર સમાન 28% ટેક્સ લાદવાના નિર્ણય પછી જીએસટીની આવકમાં તીવ્ર વધારો થયો છે.
ઓનલાઈન ગેમિંગ પર ટેક્સથી સરકારને જંગી કમાણી
ગયા સપ્ટેમ્બરમાં, નાણાં પ્રધાન નિર્મલા સીતારામને કહ્યું હતું કે ઓનલાઇન ગેમિંગથી થતી આવક “ફક્ત 6 મહિનામાં 412% વધીને 6,909 કરોડ રૂપિયા થઈ ગઈ છે … જ્યારે ઓનલાઇન ગેમિંગ પર નોટિફિકેશન બહાર પાડવામાં આવ્યું તે પહેલાં તે 1,349 કરોડ રૂપિયા હતું. કસિનો માટે તેમણે કહ્યું હતું કે, આવકમાં 30 ટકાનો વધારો થયો છે, આ નિર્ણય પહેલા 6 મહિનામાં 164.6 કરોડ રૂપિયા હતી, જે ત્યાર પછી વધીને 214 કરોડ રૂપિયા થઈ ગઈ છે.
ઓનલાઇન ગેમિંગ માટે ઊંચા જીએસટી દરની જરૂરિયાતોને નીતિ ઘડવૈયાઓનો ટેકો પણ મળી શકે છે કારણ કે તેઓ આ પ્લેટફોર્મ પર વપરાશકર્તાઓ કેટલો સમય વિતાવે છે તે અંગે ચિંતા વ્યક્ત કરી રહ્યા છે, પરિણામે તેઓ આવી પ્રવૃત્તિઓ પર સતત વધુ નાણાં ખર્ચ કરે છે.
ડિજિટલ ગેમ્સ પર સરેરાશ રૂ.10,000 કરોડથી વધુ UPI પેમેન્ટ
તાજેતરમાં, મુખ્ય આર્થિક સલાહકાર વી અનંત નાગેશ્વરને કહ્યું હતું કે ઓનલાઇન ગેમ્સ પર ઘરેલુ ખર્ચ “ખાસ કરીને ઓછો નથી”, નેશનલ પેમેન્ટ્સ કોર્પોરેશન ઓફ ઇન્ડિયા (એનપીસીઆઈ) એ યુપીઆઈ દ્વારા તમામ કેટેગરીના વેપારીઓને કરવામાં આવતી ચુકવણીના માસિક ડેટા પ્રથમ વખત જાહેર કર્યાના થોડા દિવસો પછી. ડેટા અનુસાર, 2025-26ના પ્રથમ 4 મહિનામાં ડિજિટલ ગેમ્સ પર યુપીઆઈ પેમેન્ટ સરેરાશ 10,000 કરોડ રૂપિયાથી વધુ હતો.
આ પણ વાંચો | દિવાળી પહેલા કાર, બાઇક સસ્તી થશે! સરકાર લેશે આ મહત્વપૂર્ણ નિર્ણય
આંકડા અને કાર્યક્રમ અમલીકરણ મંત્રાલય દ્વારા આયોજિત વિવિધ મંત્રાલયો અને વિભાગોના આંકડાકીય સલાહકારો સાથેની બેઠકમાં નાગેશ્વરને જણાવ્યું હતું કે, “… જુઓ, ભારતીયો દર મહિને ઓનલાઇન ગેમિંગ પાછળ કેટલો ખર્ચ કરે છે અને આ આંકડો પણ નાનો નથી, તે દર મહિને 10,000 કરોડ રૂપિયા છે. 1.2 લાખ કરોડ (એક વર્ષમાં) છે. ”
