GST કલેક્શનના તમામ રેકોર્ડ તૂટ્યા, આંકડો પહેલીવાર 2 લાખ કરોડને પાર

GST Collection Breaks All Records : લોકસભા ચૂંટણી 2024 પહેલા જીએસટી કલેક્શનનો અગાઉના તમામ રેકોર્ડ તૂટી ગયા છે, પહેલીવાર GST કલેક્શન રૂ. 2 લાખ કરોડને વટાવી ગયું છે, કેન્દ્ર સરકારની તિજોરીમાં મોટી આવક.

Written byKiran Mehta

GST Collection Breaks All Records : લોકસભા ચૂંટણી 2024 પહેલા જીએસટી કલેક્શનનો અગાઉના તમામ રેકોર્ડ તૂટી ગયા છે, પહેલીવાર GST કલેક્શન રૂ. 2 લાખ કરોડને વટાવી ગયું છે, કેન્દ્ર સરકારની તિજોરીમાં મોટી આવક.

Kiran Mehta

01 May 2024 15:20 IST

પર અપડેટ કર્યું 01 May 2024 15:20 IST

New Update

GST Collection Breaks All Records — GST કલેક્શનના તમામ રેકોર્ડ તૂટ્યા (ફાઈલ ફોટો - એક્સપ્રેસ)

GST Revenue Collection All Time high | GST રેવન્યુ કલેક્શન ઓલ ટાઈમ હાઈ : લોકસભા ચૂંટણી 2024 ની વચ્ચે, GST કલેક્શનને લઈને કેન્દ્ર સરકાર માટે સારા સમાચાર આવ્યા છે. મોદી સરકારે એપ્રિલ 2024 માટે જીએસટી કલેક્શનના આંકડા જાહેર કર્યા છે. સૌથી

Advertisment

મહત્વની વાત એ છે કે, એપ્રિલમાં જીએસટી કલેક્શનના તમામ રેકોર્ડ તૂટી ગયા છે અને નવો ઈતિહાસ રચાયો છે. પહેલીવાર GST કલેક્શન રૂ. 2 લાખ કરોડને વટાવી ગયું છે. સરકારી ડેટા અનુસાર, GST કલેક્શન એપ્રિલ 2024 માં સૌથી વધુ 2.10 લાખ કરોડ રૂપિયા હતું.

એપ્રિલમાં દેશનું ગ્રોસ GST કલેક્શન રૂ. 2.10 લાખ કરોડની વિક્રમી ટોચે પહોંચ્યું હતું, જે ગયા વર્ષના સમાન સમયગાળા કરતાં 12.4 ટકા વધુ હતું. સ્થાનિક વ્યવહારો અને આયાતમાં મજબૂત વૃદ્ધિને કારણે આ સંગ્રહ વધ્યો છે. નાણા મંત્રાલયે એક નિવેદનમાં જણાવ્યું હતું કે, જીએસટી કલેક્શન રૂ. 2 લાખ કરોડને પાર કરી ગયું છે.

મંત્રાલયે જણાવ્યું હતું કે, "એપ્રિલ 2024માં ગ્રોસ ગુડ્સ એન્ડ સર્વિસ ટેક્સ (GST) કલેક્શન રૂ. 2.10 લાખ કરોડના રેકોર્ડ ઉચ્ચ સ્તરે પહોંચ્યું છે." "આ 12.4 ટકાની નોંધપાત્ર વાર્ષિક વૃદ્ધિ દર્શાવે છે, જે સ્થાનિક વ્યવહારોમાં મજબૂત વૃદ્ધિ (13.4 ટકાની વૃદ્ધિ) અને આયાત (8.3 ટકાની વૃદ્ધિ) દ્વારા સંચાલિત છે."

Advertisment

👉 #GST revenue collection for April 2024 highest ever at Rs 2.10 lakh crore

👉 #GST collections breach landmark milestone of ₹2 lakh crore

👉 Gross Revenue Records 12.4% y-o-y growth

👉 Net Revenue (after refunds) stood at ₹1.92 lakh crore; 17.1% y-o-y growth https://t.co/aSUkhMyMLr
— Nirmala Sitharaman (Modi Ka Parivar) (@nsitharaman) May 1, 2024

ગયા વર્ષે કલેક્શન રૂ. 1.78 લાખ કરોડથી વધુ હતું, જ્યારે એપ્રિલ 2023માં તે રૂ. 1.87 લાખ કરોડ હતું. એપ્રિલ 2024 માટે 'રિફંડ' પછી ચોખ્ખી GST આવક રૂ. 1.92 લાખ કરોડ રહી હતી, જે ગયા વર્ષના સમાન સમયગાળાની સરખામણીમાં 17.1 ટકાની પ્રભાવશાળી વૃદ્ધિ દર્શાવે છે.

આ પણ વાંચો - ITR Filing: ઈન્કમ ટેકસ રિટર્ન ફાઈલ કરવામાં ઉતાવળ રાખવી કે છેલ્લી તારીખ સુધી રાહ જોવી? જાણો શું કરવું યોગ્ય રહેશે

એપ્રિલમાં કેન્દ્રીય જીએસટી કલેક્શન રૂ. 43,846 કરોડ અને રાજ્યનું જીએસટી કલેક્શન રૂ. 53,538 કરોડ હતું. ઇન્ટિગ્રેટેડ GST રૂ. 99,623 કરોડ હતો, જેમાં આયાતી માલ પર એકત્રિત રૂ. 37,826 કરોડનો સમાવેશ થાય છે. સેસ કલેક્શન રૂ. 13,260 કરોડ રહ્યું હતું, જેમાં આયાતી માલ પર એકત્ર કરાયેલ રૂ. 1,008 કરોડનો સમાવેશ થાય છે.

ટેક્સ ગુજરાતી ન્યૂઝ જીએસટી બિઝનેસ દેશ