Home loan rate : સૌથી સસ્તી હોમ લોન આપી રહી છે આ બેંકો, ઘર ખરીદવાનું સપનું પુરું થશે

Cheapest bank Home Loan interest rate: હોમ લોનના દર: ઘર ખરીદવું એ દરેક વ્યક્તિનું સપનું હોય છે. જો કે, ઘર ખરીદવા માટે ઘણો ખર્ચ કરવો પડે છે અને તેના કારણે ઘણા લોકોનું સપનું અધૂરું રહી જાય છે. પરંતુ લગભગ તમામ બેંકો હવે લોકોને ઘર ખરીદવા માટે હોમ લોન આપે છે. હોમ લોનના વ્યાજદરમાં મોટાભાગે વધ-ઘટ થતી રહે છે. હોમ લોનના વ્યાજદરો દરેક બેંકમાં બદલાય છે અને તે ઘણા પરિબળો પર આધારિત હોય છે. વ્યાજ દરોમાં થોડો ફેરફાર પણ ધિરાણકર્તાઓને ઉંડી અસર કરી શકે છે. રિઝર્વ બેંક હોમ લોનના વ્યાજદરોને પરોક્ષ રીતે નિયંત્રિત કરે છે. જો તમે પણ ઘર ખરીદવા માંગો છો તો આ સમાચાર તમારા માટે છે. અહીં અમે તમને જણાવીશું કે કઈ બેંકો નીચા વ્યાજદરે હોમ લોન આપી રહી છે.

સ્ટેટ બેંક ઓફ ઈન્ડિયા

સ્ટેટ બેંક ઓફ ઈન્ડિયા હોમ લોન પર વાર્ષિક 9.15% થી શરૂ થતા આકર્ષક વ્યાજદર ઓફર કરી રહી છે. એટલું જ નહીં, બેંક લોન ચૂકવવા માટે 30 વર્ષનો સમય પણ આપી રહી છે. બેંક બજાર અનુસાર, SBI હોમ લોન પર 0.35% પ્રોસેસિંગ ફી વસૂલે છે. મહિલાઓ SBI હોમ લોન પર 0.05%નું ડિસ્કાઉન્ટ મેળવી શકે છે. SBI હોમ લોન કોઈ વધારાનો ચાર્જ વસૂલતી નથી, જેના કારણે હોમ લોન આકર્ષક બની જાય છે.

કોટક મહિન્દ્રા બેંક

કોટક મહિન્દ્રા બેંક વાર્ષિક 8.85%ના આકર્ષક દરે હોમ લોન ઓફર કરે છે. તો સ્વ-રોજગારી વ્યક્તિઓ માટે વ્યાજદર વાર્ષિક 8.90 ટકાથી શરૂ થાય છે. હોમ લોન બેલેન્સ ટ્રાન્સફરના કિસ્સામાં, તમે પ્રોપનાર્ટી મૂલ્યના 90% સુધીની લોનની રકમ મેળવી શકો છો. કોટક તરફથી હોમ લોન 20 વર્ષ સુધીની મુદત સાથે લોનની ઓફર કરવામાં આવે છે. બેંક ઓનલાઈન અરજી માટે 0% પ્રોસેસિંગ ફી વસૂલે છે. બેંક PMAY યોજના હેઠળ મહિલાઓને તેમની હોમ લોન પર છૂટ પણ આપી રહી છે.

સિટી બેંક

સિટીબેંક વાર્ષિક 8.45%થી શરૂ થતા સૌથી ઓછા વ્યાજ દરે 10 કરોડ રૂપિયા સુધીની હોમ લોન ઓફર કરે છે. બેંક લોન લેનારાઓને લોન ચૂકવવા માટે 25 વર્ષ સુધીનો સમય પણ આપી રહી છે. સિટીબેંક હોમ ફાઇનાન્સિંગ પ્લાન સાથે, તમે મિલકતની કુલ કિંમતના 80% સુધી લોન મેળવી શકો છો.

પંજાબ નેશનલ બેંક

પંજાબ નેશનલ બેંક વિવિધ પ્રકારની હોમ લોન ઓફર કરે છે. જેમાં મહિલાઓ, પગારદાર મહિલાઓ અને મહિલા ઉદ્યમીઓ માટે અલગ-અલગ વ્યાજદરે હોમ લોન ઉપલબ્ધ થશે. પંજાબ નેશનલ બેંક વાર્ષિક 7.75%ના દરે હોમ લોન આપે છે. લોકો પાસે લોન ચૂકવવા માટે 30 વર્ષનો સમય હશે. GST વગેરે ઉમેરીને ખરીદદારોએ 0.35 ટકા સુધીની પ્રોસેસિંગ ફી પણ ચૂકવવી પડશે.

HDFC બેંક

એચડીએફસી હોમ યોગ્ય ઉધાર લેનારાઓને વાર્ષિક 8.45% થી શરૂ થતા વ્યાજ દરો સાથે સસ્તી હોમ લોન ઓફર કરે છે. બેંક તમને લોન ચૂકવવા માટે 30 વર્ષનો સમય આપે છે. તમામ પ્રકારના ટેક્સ ઉમેરીને પ્રોસેસિંગ ફી 3,000 થી 5,000 રૂપિયાની આસપાસ હોઈ શકે છે.

Axis બેંક

એક્સિસ બેંક વાર્ષિક 8.75 ટકાથી શરૂ થતા વ્યાજ દરો સાથે પાત્ર ગ્રાહકોને હોમ લોનના વિકલ્પો ઓફર કરે છે. ફ્લોટિંગ રેટ લોનના કિસ્સામાં કાર્યકાળ 30 વર્ષ સુધી અને ફિક્સ રેટ લોનના કિસ્સામાં 20 વર્ષ સુધી વધારી શકાય છે. પ્રોસેસિંગ ફી હોમ લોનની કુલ રકમના 1% સુધી હોઈ શકે છે.

આ પણ વાંચોઃ હોમ લોનનો EMI ઘટાડવાની ટીપ્સ, ફ્લોટિંગ રેટ કે ફિક્સ્ડ રેપો રેટ લિંક બંનેમાંથી કઇ લોન સારી?

યુનિયન બેંક ઓફ ઈન્ડિયા

યુનિયન બેંક વાર્ષિક 8.70% થી શરૂ થતા સ્પર્ધાત્મક દરે હોમ લોન ઓફર કરે છે. સારી વાત એ છે કે જો તમે લોનને બંધ કરવાનું નક્કી કરો છો, તો તમારે કોઈ પ્રીપેમેન્ટ પેનલ્ટી ચાર્જ ચૂકવવો પડશે નહીં. પ્રોસેસિંગ ફી મંજૂર રકમના 0.5% હશે.

બેંક ઓફ બરોડા

બેંક ઓફ બરોડામાં હોમ લોનનો વ્યાજ દર 8.60 છે. બેંક હોમ લોન પર પ્રોસેસિંગ ફી પર 100% માફી આપી રહી છે.

Disclaimer : આ આર્ટિકલ ફાઇનાન્સિયલ એક્સપ્રેસ પરથી અનુવાદીત છે, મૂળ આર્ટિકલ વાંચવા માટે અહીં ક્લિક કરો