Honda Activa E vs Ather Rizta: હોન્ડા એક્ટિવ ઇ કે એથર રિઝ્ટા, બંને માંથી ક્યું ઇલેક્ટ્રિક સ્કૂટર શ્રેષ્ઠ છે? જાણો

Honda Activa E vs Ather Rizta Comparison: હોન્ડા એક્ટિવા ઇલેક્ટ્રિક સ્કૂટર તાજેતરમાં લોન્ચ થયા છે. હોન્ડા મોટરસાઇકલ્સ એન્ડ સ્કૂટર્સ ઇન્ડિયા (એચએમએસઆઇ) ભારતમાં ઇલેક્ટ્રિક સેગમેન્ટમાં પ્રવેશ કરનારી જાપાનની પ્રથમ ટુ-વ્હીલર કંપની બની છે. હોન્ડા મોટરસાઇકલ કંપનીએ હોન્ડા એક્ટિવા ઇ અને હોન્ડા ક્યુસી1 સ્કૂટર લોન્ચ કર્યા છે. આ બંને ઇલેક્ટ્રિક સ્કૂટર છે. ભારતમાં ઓલા, એથર, ટીવીએસ સહિત ઘણી કંપનીઓના ઇલેક્ટ્રિક સ્કૂટર ઉપલબ્ધ છે. અહીં હોન્ડા એક્ટિવા ઇ અને એથર રિઝ્ટા કિંમત, બેટરી થી લઇ માઇલેજ સુધી બંને માંથી ક્યું ઇલેક્ટ્રિક સ્કૂટર બેસ્ટ છે તેના વિશે જાણકારી આપવામાં આવી છે.

Honda Activa E vs Ather Rizta Battery : હોન્ડા એક્ટિવા ઇ vs એથર રિઝ્ટા બેટરી

હોન્ડા એક્ટિવા ઇ સ્કૂટર માં 1.5 kWhની બે સ્વાઇપેબલ લિથિયમ-આયન બેટરી આપવામાં આવી છે, જે હોન્ડાનું માનવું છે કે તે રેન્જ એંગ્જાયટી બાદ પ્રશ્નનો જવાબ હશે. હોન્ડા અનુસાર એક્ટિવા ઇ 8 બીએચપી અને 22 એનએમ ટોર્ક સાથે 80 કિમી પ્રતિ કલાકની મહત્તમ સ્પીડ આપે છે. હોન્ડા ઇલેક્ટ્રિક સ્કૂટર 7.3 સેકન્ડમાં 0 થી 60 કિમી પ્રતિ કલાકની સ્પીડ પકડે છે.

હોન્ડા મોટરસાઇકલ કંપનીનું કહેવું છે કે, ટ્રાયલના આધારે એક્ટિવા ઇ રિયલ વર્લ્ડ કન્ડિશનમાં 102 કિ.મી.ની રેન્જ આપશે. તે 3 રાઇડ મોડ્સ - ઇકોન, સ્ટાન્ડર્ડ અને સ્પોર્ટ સાથે આવે છે. એથર એનર્જીનું ફેમિલી સ્કૂટર રિઝ્ટા બે બેટરી પેક ઓપ્શનમાં ઉપલબ્ધ છે, 2.9 kWh અને 3.7 kWh. અમે પ્રથમ ટ્રીમ પર ધ્યાન કેન્દ્રિત કરીશું. 2.9 kWh બેટરી પેક સાથે રિઝતા 5.7 બીએચપી અને 80 કિમી પ્રતિ કલાકની ટોપ સ્પીડ જનરેટ કરે છે. 123 કિ.મી.ની ક્ષમતા સાથે, એથર ઇ-સ્કૂટર 4.7 સેકન્ડમાં 0 થી 40 કિમી પ્રતિ કલાકની ઝડપે ગતિ આપે છે અને તેમાં બે રાઇડ મોડ્સ ઝિપ અને સ્માર્ટઇકો સાથે આવે છે.

Honda Activa E vs Ather Rizta Features : હોન્ડા એક્ટિવા ઇ vs એથર રિઝ્ટા ફીચર

હોન્ડા એક્ટિવા ઇ સ્કૂટરમાં 7 ઇંચની ટીએફટી સ્ક્રીન છે જે હોન્ડા રોડસિન્ક ડ્યુઓ એપ સાથે રિયલ ટાઇમ કનેક્ટિવિટી આપે છે, જેનાથી રાઇડર્સ કનેક્ટેડ રહી શકે છે. ઇન્ફોટેનમેન્ટ સિસ્ટમ દિવસ અને નાઇટ મોડ્સ સાથે નેવિગેશનને સપોર્ટ કરે છે જે સ્ક્રીન બાઇટનેસ ઓટોમેટિક એડજસ્ટ કરે છે. ટોગલ સ્વીચનો ઉપયોગ કરીને ટીએફટી સ્ક્રીન કન્ટ્રોલ કરી શકાય છે. એક્ટિવા ઇમાં એચ-સ્માર્ટ કી છે, જેમાં સ્માર્ટ ફાઇન્ડ, સ્માર્ટ સેફ, સ્માર્ટ અનલોક અને સ્માર્ટ સ્ટાર્ટ જેવા ફંક્શન છે.

હોન્ડા એક્ટિવા ઇલેક્ટ્રિક સ્કૂટરમાં 12 ઇંચની એલોય વ્હીલ્સ આપવામાં આવી છે, જેમાં ફ્રન્ટમાં ડિસ્ક બ્રેક્સ અને પાછળની તરફ ડ્રમ બ્રેક્સનું કોમ્બિનેશન આપવામાં આવ્યું છે. તે ડીઆરએલ સહિત તમામ એલઇડી લાઇટ્સ ધરાવે છે અને પર્લ લોકેટ બ્લુ, પર્લ મિસ્ટી વ્હાઇટ, પર્લ સેરેનિટી બ્લુ, મેટ ફોગી સિલ્વર મેટાલિક અને પર્લ ઇગ્નિયસ બ્લેક એમ પાંચ કલરમાં ઉપલબ્ધ છે.

એથર રિઝ્ટા 34 લિટરની અન્ડર-સીટ બૂટ અને 22-લિટરની ફ્રંક સાથે ક્લાસ-લીડિંગ સ્પેસ પ્રદાન કરે છે. એન્ટ્રી-લેવલ વેરિઅન્ટમાં 7 ઇંચની ડિસ્પ્લે છે જ્યારે ટોપ ટ્રિમમાં કનેક્ટિવિટી વિકલ્પો સાથે 7 ઇંચની ટીએફટી સ્ક્રીન અને ગૂગલ મેપ્સ પર આધારિત ઇન-બિલ્ટ નેવિગેશન મળે છે તે ત્રણ મોનોટોન રંગો - સિયાચીન વ્હાઇટ, ડેક્કન ગ્રે અને પેંગોંગ બ્લુ અને ચાર ડ્યુઅલ-ટોન રંગોમાં ઉપલબ્ધ છે.

Honda Activa E vs Ather Rizta Price : હોન્ડા એક્ટિવા ઇ vs એથર રિઝ્ટા કિંમત

એથર રિઝ્ટા 2.9 કેડબલ્યુએચ બે વેરિઅન્ટમાં ઉપલબ્ધ છે. જેમાં એથર રિઝ્ટા એસ મોડલ 1.10 લાખ રૂપિયા અને રિઝટા ઝેડ મોડલ 1.27 લાખ રૂપિયા એક્સ-શોરૂમ કિંમતમાં ખરીદી માટે ઉપલબ્ધ છે. બીજી તરફ હોન્ડા 1 જાન્યુઆરી, 2025 ના રોજ એક્ટિવા ઇની કિંમતો જાહેર કરશે, જેની ડિલિવરી ફેબ્રુઆરી 2025 થી શરૂ થશે. શરૂઆતમાં એક્ટિવા ઇ બેંગલુરુ, દિલ્હી અને મુંબઇમાં ઉપલબ્ધ થશે. નવું સ્કૂટર બે વેરિએન્ટમાં આવશે: એક્ટિવા ઇ અને એક્ટિવા ઇ: હોન્ડા રોડસિન્ક ડ્યુઓ.