Honor X7b : 108MP કેમેરા સાથે ઓનર એક્સ 7બી સ્માર્ટફોન લોન્ચ, જાણો કિંમત અને તમામ ખાસિયત

Honor X7b : ઓનર (Honor) એ તેનો નવો સ્માર્ટફોન ગ્લોબલ માર્કેટમાં લૉન્ચ કર્યો છે. ઓનર એક્સ 7બી (Honor X7b) એ કંપનીનો નવો ફોન છે અને આંતરરાષ્ટ્રીય બજારમાં લોન્ચ થનારો સૌથી સસ્તો Honor ફોન છે. Honor X7Bમાં 6000mAh બેટરી, 6.8 ઇંચ ફ્લેટ LCD ડિસ્પ્લે અને 256GB ઇનબિલ્ટ સ્ટોરેજ જેવી સુવિધાઓ છે. ઓનરના આ નવા સ્માર્ટફોનમાં શું છે ખાસ? જાણો કિંમત અને ફીચર્સ સંબંધિત દરેક માહિતી...

Honor X7b ખાસિયત

Honor X7Bમાં 6.8 ઇંચની ફ્લેટ LCD ડિસ્પ્લે છે જેના પર મધ્યમાં પંચ-હોલ કટઆઉટ છે. સ્ક્રીન ફૂલએચડી રિઝોલ્યુશન ઓફર કરે છે અને તેનો રિફ્રેશ રેટ 90Hz છે. સ્ક્રીન TUV Rhineland પ્રમાણિત છે જેનો અર્થ છે કે વાદળી પ્રકાશનું એક્સપોઝર ઓછું હશે. સ્માર્ટફોનમાં બોક્સી ફોર્મ ફેક્ટરની ઝલક છે. Honor એ સ્માર્ટફોનના પાવર બટનની બાજુમાં ફિંગરપ્રિન્ટ સ્કેનર પણ આપ્યું છે.

આ પણ વાંચો: Upcoming Mobile Phones : વન પ્લસ, એપલ, સેમસંગના પાવરફુલ ફ્લેગશિપ ફોન નવા વર્ષમાં થશે લોન્ચ

Honor X7Bમાં Qualcomm Snapdragon 680 પ્રોસેસર છે. હેન્ડસેટમાં 6 જીબી અને 128 જીબી સ્ટોરેજ અને 8 જીબી રેમ અને 256 જીબી સ્ટોરેજ વિકલ્પો છે. ડિવાઇસને પાવર કરવા માટે, 6000mAh બેટરી આપવામાં આવી છે જે 35W ફાસ્ટ ચાર્જિંગને સપોર્ટ કરે છે. સ્માર્ટફોનમાં એન્ડ્રોઇડ 13 આધારિત MagicOS 7.2 આપવામાં આવ્યું છે.

કેમેરા વિશે વાત કરીએ તો Honor x7bમાં બેક પેનલ પર ટ્રિપલ કેમેરા સેટઅપ છે. હેન્ડસેટમાં 108 મેગાપિક્સલનો પ્રાથમિક, 5 મેગાપિક્સલનો અલ્ટ્રા-વાઇડ-એંગલ લેન્સ અને 2 મેગાપિક્સલનો મેક્રો સેન્સર છે. આ ફોનમાં સેલ્ફી અને વીડિયો કોલિંગ માટે 8 મેગાપિક્સલનો ફ્રન્ટ સેન્સર છે.

આ પણ વાંચો: ગેરમાર્ગે દોરતી ઓફરો અને નકલી ડિસ્કાઉન્ટ પર લાગશે બ્રેક, સરકારે ‘ડાર્ક પેટર્ન’ પર લગાવ્યો પ્રતિબંધ

ઓનરનો આ હેન્ડસેટ ફ્લોઈંગ સિલ્વર, એમરાલ્ડ ગ્રીન અને મિડનાઈટ બ્લેક કલરમાં લોન્ચ કરવામાં આવ્યો છે. સ્માર્ટફોનની કિંમત $249 (લગભગ 20,700 રૂપિયા) રાખવામાં આવી છે.