scorecardresearch

નિવૃત્તિ પછી નિયમિત આવકની કરવી છે વ્યવસ્થા? MIPમાં રોકાણ કરવાથી ઓછા જોખમ મળે છે સારૂ વળતર

Monthly Income Plans of Mutual Funds: શું તમે નિવૃત્તિ બાદ પણ દર મહિને પગારની જેમ આવક આવતી રહે તેવી વ્યવસ્થા (investment Plan) કરવાનું વિચારી રહ્યા છો, તો તમારા માટે મ્યુચ્યુઅલ ફંડની માસિક આવક યોજના સારો વિકલ્પ રહી શકે છે. આમાં જોખમ ઓછુ અને વળતર સારૂ (good returns) મેળી શકે છે.

નિવૃત્તિ પછી નિયમિત આવકની કરવી છે વ્યવસ્થા? MIPમાં રોકાણ કરવાથી ઓછા જોખમ મળે છે સારૂ વળતર
મ્યુચ્યુઅલ ફંડ માસિક આવક યોજના

Monthly Income Plans of Mutual Funds: મ્યુચ્યુઅલ ફંડ (Mutual Funds) ની માસિક આવક યોજનાઓ, જો તમે નિવૃત્તિ પછી નિયમિત આવક માટે રોકાણના વિકલ્પો શોધી રહ્યા છો, તો તમે મ્યુચ્યુઅલ ફંડની માસિક આવક યોજના (MIP) માં રોકાણ કરી શકો છો. તે એક ઓપન-એન્ડેડ ફંડ છે જેનો મોટો ભાગ ડેટમાં રોકાણ કરવામાં આવે છે. સારી વાત એ છે કે, ઓછું જોખમ હોવા છતાં, તે બેંકો અથવા પોસ્ટ ઓફિસની ફિક્સ્ડ ડિપોઝિટ કરતાં વધુ વળતર આપે છે. જેઓ ઓછા જોખમ સાથે તેમની નિયમિત આવક વધારવા માંગે છે અથવા જેમની નિવૃત્તિમાં થોડા દિવસો બાકી છે તેમના માટે પણ આ એક સારું રોકાણ છે.

આવા રોકાણકારો એમઆઈપીમાં રોકાણ કરવાનું પણ વિચારી શકે છે, જેઓ તેમની બચતનો અમુક હિસ્સો ઈક્વિટી માર્કેટમાં રોકાણ કરવા માંગે છે, પરંતુ વધુ જોખમ લેવા માંગતા નથી. MyWealthGrowth.comના સહ-સ્થાપક હર્ષદ ચેતનવાલાના મતે, જેઓ તેમની રોજિંદી જરૂરિયાતોને પહોંચી વળવા નિયમિત રોકડ પ્રવાહ જાળવી રાખવા માગે છે તેમના માટે માસિક આવક યોજના યોગ્ય વિકલ્પ હોઈ શકે છે. તેમનું કહેવું છે કે, આ રોકડ પ્રવાહને જાળવી રાખવા માટે અગાઉથી આયોજન કરવું જોઈએ.

MIP મ્યુચ્યુઅલ ફંડ કેવી રીતે કામ કરે છે

MIP ને કન્ઝર્વેટિવ હાઇબ્રિડ ફંડ્સ પણ કહેવાય છે. આમાંથી લગભગ 75-90 ટકા ડેટ ઇન્સ્ટ્રુમેન્ટ્સમાં, બાકીના 10 થી 25 ટકા ઇક્વિટીમાં રોકાણ કરવામાં આવે છે. આ સંયુક્ત પોર્ટફોલિયોને કારણે, તેમાં કરવામાં આવેલા રોકાણ પર સલામતી અને વળતર વચ્ચે સંતુલન છે. આના કારણે શેરબજારમાં નબળાઈ આવે તો પણ વળતર પર બહુ અસર જોવા મળતી નથી. MIP માં રોકાણ કરવા માટે કોઈ મર્યાદા નથી અને કોઈ લોક-ઈન પીરિયડ નથી.

ડિવિડન્ડ રિટર્નની ગેરન્ટી નથી

આ ફંડનો હિસ્સો જે ઇક્વિટીમાં રોકાણ કરવામાં આવે છે તે ડેટ ઇન્સ્ટ્રુમેન્ટ્સની તુલનામાં વધુ વળતર આપે છે. MIP પર માસિક ડિવિડન્ડ ચૂકવણી ફંડની કામગીરી પર આધાર રાખે છે. પરંતુ ઈક્વિટીમાં રોકાણ કરેલા ભાગ પર રિટર્ન કે ડિવિડન્ડની કોઈ ગેરંટી હોતી નથી, કારણ કે તેની સીધી અસર શેરબજારની અસ્થિરતાથી થાય છે.

આ પણ વાંચોઘણી ટિકિટોમાંથી માત્ર એક જ ટિકિટ કેન્સલ કરવા માંગો છો? જાણો શું છે પ્રોસેસ

ડિવિડન્ડ રિટર્ન પર ટેક્સ

MIP ના રિટર્ન પર ચૂકવવામાં આવતી ટેક્સની રકમ ઇક્વિટીમાં કેટલું ફંડ રોકાણ કરે છે અને ડેટમાં કેટલું છે તેના પર આધાર રાખે છે. બેંક FD અથવા પોસ્ટ ઑફિસ પર મેળવેલા વ્યાજની જેમ, MIP ડિવિડન્ડ રિટર્ન પર પણ કરદાતાના સ્લેબ અનુસાર કર લાદવામાં આવે છે. પરંતુ જો ફંડનું રોકાણ 3 વર્ષથી વધુ સમય માટે કરવામાં આવે છે, તો ઇન્ડેક્સેશન પછી મૂડી લાભ પર 20 ટકાના દરે ટેક્સ લાગે છે. જેના કારણે ટેક્સ બેનિફિટના ઊંચા સ્લેબમાં આવતા રોકાણકારોને ફાયદો થાય છે.

Web Title: Investing plan regular income after retirement mip low risk good returns