iPhone 16 Series : એપલના અપકમિંગ આઈફોન 16 અને આઈફોન 16 પ્રોના કલર ઓપ્શન્સની માહિતી લીક,જાણો

iPhone 16 Series : નવી લીક્સ અનુસાર એપલ (Apple) આગામી આઈફોન16 (iPhone 16) અને આઈફોન 16 પ્રો (iPhone 16 Pro) સિરીઝ માટે નવા કલર ઓપ્શન ઈન્ટ્રોડ્યુસ કરે તેવી શક્યતા છે. ટ્વીટર પર ઇન્ડસ્ટ્રી એનાલિસ્ટ મિંગ-ચી કુઓની તાજેતરની પોસ્ટ અનુસાર, આગામી iPhone 16 સિરીઝ બ્લેક, ગ્રીન, પિન્ક, બ્લ્યુ અને વાઈટ કલરમાં અવેલેબલ હશે, જ્યારે iPhone 16 Pro સિરીઝ બ્લેક, વાઈટ, ગ્રે અને પિન્ક કલરના ઓપ્શનમાં આવી શકે છે.

આઇફોન 16 સિરીઝ (iPhone 16 Series)

Apple સપ્ટેમ્બરમાં ચાર નવા સ્માર્ટફોન લોન્ચ કરે તેવી ધારણા છે જેમાં iPhone 16, iPhone 16 Plus, iPhone 16 Pro અને iPhone 16 Pro Max નો સમાવેશ થાય છે. ગયા વર્ષની જેમ જ, iPhone 16 અને iPhone 16 Plus કાળા, લીલો, ગુલાબી, વાદળી અને સફેદ કલરમાં અવેલબલ થશે. જે iPhone 15 સિરીઝની જેમ જ છે.જો કે, લુકમાં વર્ટિકલ ડ્યુઅલ-કેમેરા સેટઅપ સાથેનો iPhone 16 અલગ દેખાવામાં આવી શકે છે.

આ પણ વાંચો: Redmi Note 13R લોન્ચ, લેટેસ્ટ શાનદાર શાઓમી સ્માર્ટફોનની કિંમત અને ફીચર્સ સહિત બધું જ જાણો

Apple iPhone 16 Pro અને iPhone 16 Pro Max માટે એક નવો કલર ઓપ્શન ઉમેરી રહ્યું હોય તેવું લાગે છે, જે કાળા, સફેદ (અથવા સિલ્વર), ગ્રે (નેચરલ ટાઇટેનિયમ) અને પિન્ક કલરમાં આવે તેવું કહેવાય છે. એવું લાગે છે કે કંપની આઇફોનની બે જનરેશન વચ્ચે તફાવત કરવામાં મદદ કરવા માટે, હાલના વાદળી ટાઇટેનિયમ વેરિઅન્ટને પિન્ક કલર સાથે બદલી શકે છે.

સરખા કલર હોવા છતાં, iPhone 16 Pro સિરિઝમાં એક અલગ ફિનિશ હોવાનું કહેવાય છે, જેનાથી તે તેના પ્રીવિઅસ કરતાં થોડો અલગ દેખાય છે. નેવરના એક રિપોર્ટમાં સૂચવવામાં આવ્યું છે કે iPhone 16 Pro અને iPhone 16 Pro Maxને iPhone 15 Pro સિરીઝની જેમ બ્રશ કરેલી ફિનિશને બદલે ગ્લોસી ફિનિશ ફ્રેમ મળી શકે છે, જ્યારે હજુ પણ ટાઇટેનિયમ ફ્રેમ હોય છે, અને આઇફોન 14 પ્રોમાં ફિનિશ સમાન હોય તેવી શક્યતા છે.

આ પણ વાંચો: iPhone 17 Series : આઇફોન 17 પ્રો મેક્સ કરતા પણ મોંઘો હશે આઇફોન 17 સ્લિમ સ્માર્ટફોન, 2025 માં લોન્ચ થવાની ધારણા

iPhone 15 Pro સિરીઝ સાથે એપલ સ્ટેનલેસ સ્ટીલમાંથી ટાઇટેનિયમમાં શિફ્ટ થયું છે, તેના લીધે કંપનીએ તેની પ્રો સિરીઝ વજન પણ ઘટાડ્યું છે. iPhone 15 Pro મોડલ્સ તેના પુરોગામી સ્માર્ટફોન કરતા થોડા હળવા હતા. પરંતુ આપણે સમાન ફાયદાઓની અપેક્ષા રાખી શકીએ છીએ.