Apple Event 2025: એપલ ઇવેન્ટની 5 ખાસ બાબત, જે તમને કોઇ જણાવશે નહીં

Apple Awe Dropping Event 2025 Key Announcements: એપલે Awe Dropping ઇવેન્ટમાં આઈફોન 17 સિરિઝ સ્માર્ટફોન લોન્ચ કર્યા છે. એપલની Awe Dropping Even માં સૌથી મોટું વધુ ધ્યાન અત્યાર સુધીના આઇફોન 17 એર પર હતું. પરંતુ આ ઇવેન્ટમાં કેટલીક વધુ મોટી જાહેરાતો પણ કરવામાં આવી હતી, જે આગામી સમયમાં આઇફોન યુઝર્સને અસર કરી શકે છે. અહીં આ એપલ ઇવેન્ટની કઈ બાબતો સૌથી ખાસ છે, જે દરેક આઈફોન યુઝર્સે જરૂર જાણવી જોઇએ તેના વિશે જાણકારી આપી છે.

iPhone 17 Air : આઇફોન 17 એર બહુ જ મજબૂત ફોન

એપલનો સૌથી પાતળો ફોન આઇફોન 17 એર ખરેખર અદ્ભુત છે. તે માત્ર હલ્કો અને પાતળો જ નથી, પરંતુ સંભવતઃ અત્યાર સુધીનો સૌથી મજબૂત આઇફોન પણ છે. સામાન્ય રીતે પાતળા ફોનમાં 'બેન્ડગેટ' જેવી સમસ્યાઓ થવાની સંભાવના હોય છે. પરંતુ આ વખતે એપલે એ હકીકત પર વિશેષ ધ્યાન આપ્યું છે કે દબાવવામાં આવે ત્યારે પણ ફોન પોતાનો આકાર જાળવી રાખે છે અને સામાન્ય થઈ જાય છે.

સૌથી અગત્યની વાત એ છે કે આઇફોન એરમાં એપલનું ટોપ એન્ડ પ્રોસેસર આવે છે, નહીં કે બેઝ મોડેલ આઇફોન 17 વાળી ચિપસેટ. આ બાબતે દર્શાવે છે કે, કંપનીએ આઇફોન એરને એક નવી કેટેગરી તરીકે રજૂ કરી છે જે બેઝ મોડેલ કરતા વધુ પાવરફુલ છે અને પ્રો મોડેલની ખૂબ નજીક છે.

AirPods Pro 3 સૌથી અલગ

નવા એરપોડ્સ પ્રો અગાઉ કરતા સંપૂર્ણપણે અલગ છે અને આ ફેરફાર તમે આ નવા એરપોડ્સ પહેરતાની સાથે જ અનુભવી શકો છો. આ વખતે એપલે જૂની સિલિકોન ટિપ્સને બદલે સિલિકોન અને ફોમના નવા મટિરિયલ માંથી બનેલી ટિપ્સ આપી છે.

આ નવી ટિપ્સ બહારના અવાજને અવરોધિત કરવા માટે વધુ અસરકારક છે, નાટકીય રીતે બાહ્ય ઘોંઘાટ રોકવામાં સુધારો કરે છે. જો કે, તમે તેમની પાસેથી જે અનુભવ મેળવો છો તે સંપૂર્ણપણે નવો છે અને તેની આદત પાડવામાં થોડો સમય લેશે. પરંતુ એકવાર તમે તેનો ઉપયોગ કરો છો, તમને લાગશે કે ઓડિયો અનુભવ વધુ અદભૂત બની ગયો છે અને વધુ સારો નોઇજ કેન્સલેશન તેને વધુ વિશેષ બનાવે છે.

Blood Pressure Monitor અદભુત ફીચર

એપલ વોચ સિરીઝ 11 અને અલ્ટ્રા 3માં બ્લડ પ્રેશર મોનિટરિંગ ફીચર્સ ફક્ત સૉફ્ટવેર માંથી નથી આવતું, પરંતુ તેમાં બે આવશ્યક ઘટકોનું સંયોજન છે:

SIP (System in Package) - નવી ચિપ અને પ્રોસેસિંગ સિસ્ટમ, જે મશીન લર્નિંગ મોડેલ દ્વારા લોહીના પ્રવાહમાંથી સંકેતો પર પ્રક્રિયા કરે છે.

બેક સેન્સર હાર્ડવેર - ખાસ સેન્સર કે જે રક્ત પ્રવાહ અને તેની પ્રતિક્રિયા શોધી કાઢે છે. આ સિસ્ટમ 30 દિવસની સતત વિંડોમાં ડેટા એકત્રિત કરે છે અને ક્રોનિક હાયપરટેન્શનની પેટર્નને પકડે છે. તેથી, આ ફીચર્સ જૂના એપલ વોચ મોડેલો પર ઉપલબ્ધ રહેશે નહીં, કારણ કે તેમની પાસે આ ખાસ સેન્સર અને એસઆઈપી હાર્ડવેર નથી.

પ્રો મોડેલો પહેલા કરતા વધુ આકર્ષક

આઇફોન 17 પ્રો મોડેલોમાં વાયપર ચેમ્બર કૂલિંગ સિસ્ટમ છે જે 40 ટકા વધુ સારું ટકાઉ પ્રદર્શન પ્રદાન કરે છે. જેમાં એ19 પ્રો ચિપને સાઇડમાંથી હટાવીને ફોનની મધ્યમાં મૂકવામાં આવી છે. ચિપની ટોચ પરની યુઝ ચેમ્બર લેસર-વેલ્ડ કરવામાં આવે છે જેથી ગરમી સીધી ત્યાંથી બહાર નીકળી જશે. આ ગરમી પછી ફોનની કિનારીઓ પર એલ્યુમિનિયમ સુધી પ્રસારિત થાય છે, જેથી ગરમી સમાનરૂપે ફેલાઈ શકે.

તેનો સૌથી મોટો ફાયદો ગેમિંગમાં છે, જ્યાં લાંબા સમય સુધી હાઈ પર્ફોર્મન્સની જરૂર પડે છે.

આ પણ વાંચો : Appleનો અત્યાર સુધીનો સૌથી પાવરફુલ iPhone સ્માર્ટફોન, જાણો કિંમત, ફીચર્સ સહિત બધું જ

Live translation ફીચર ઓફલાઇન પણ કામ કરશે

નવા એરપોડ્સ પ્રોનું લાઇવ ટ્રાન્સલેશન ફીચર્સ માત્ર સૉફ્ટવેરની અજાયબી નથી, પરંતુ તે હાર્ડવેર અને એપલના ટેકનોલોજી પાવરનું અદભુત સંયોજન છે. તે માત્ર શબ્દો જ નહીં, પરંતુ સમગ્ર લાગણી (communication intent) પણ કેપ્ચર કરે છે. જર્મન જેવી જટિલ ભાષાઓનું ભાષાંતર પણ સરળતાથી કરી શકે છે. સૌથી મહત્વની વાત - તે ઓફલાઇન પણ કામ કરે છે, એટલે કે, જો તમારો ફોન ખિસ્સામાં હોય તો પણ વાતચીતનો અનુવાદ ચાલુ રહેશે.