iQOO Neo 10 Pro+ સ્માર્ટફોન 6800mAh બેટરી, 50MP કેમેરા અને 1TB સ્ટોરેજ સાથે લોન્ચ

iQOO Neo 10 Pro Plus Launch: iQOOએ પોતાનો લેટેસ્ટ સ્માર્ટફોન IQ Neo 10 Pro+લોન્ચ કર્યો છે. આઈક્યુ નિયો સિરીઝનો લેટેસ્ટ સ્માર્ટફોન સ્નેપડ્રેગન 8 Elite ચિપસેટ દ્વારા સંચાલિત છે. iQOO Neo 10 Pro+ માં 6.82 ઇંચની એમોલેડ ડિસ્પ્લે, આઇપી65 ડસ્ટ અને સ્પ્લેશ-રેઝિસ્ટન્ટ બિલ્ડ અને 50MP ડ્યુઅલ રિયર કેમેરા આવે છે. આઈક્યુ મોબાઇલને પાવર આપવા માટે 6800mAhની મોટી બેટરી આપવામાં આવી છે. ચાલો અમે તમને આ આઈક્યુ સ્માર્ટફોન વિશે વિગતવાર જણાવીએ …

iQOO Neo 10 Pro+ Price : આઇક્યુ નિયો 10 પ્રો+ કિંમત

આઇક્યુ નિયો 10 પ્રો+ મોબાઇલના 12 જીબી રેમ અને 256 જીબી સ્ટોરેજ વેરિઅન્ટની કિંમત 2,999 યુઆન (લગભગ 35,000 રૂપિયા) રાખવામાં આવી છે. આ સ્માર્ટફોનના 12 જીબી રેમ અને 512 જીબી સ્ટોરેજ વેરિઅન્ટને 3,499 યુઆન (લગભગ 41,500 રૂપિયા), 16 જીબી રેમ અને 256 જીબી સ્ટોરેજ વેરિઅન્ટ 3,699 યુઆન (લગભગ 43,000 રૂપિયા) અને 16 જીબી રેમ અને 1 ટીબી સ્ટોરેજ વેરિઅન્ટની કિંમત 4,199 યુઆન (લગભગ 50,000 રૂપિયા)ની કિંમતે ઉપલબ્ધ કરાવવામાં આવ્યું છે.

iQOO Neo 10 Pro+ સ્માર્ટફોન હાલમાં ચીનમાં ખરીદી માટે ઉપલબ્ધ છે.

iQOO Neo 10 Pro+ Specifications : આઇક્યુ નિયો 10 પ્રો+ સ્પેસિફિકેશન

iQOO Neo 10 Pro+ સ્માર્ટફોન ડ્યુઅલ સિમને સપોર્ટ કરે છે. આ સ્માર્ટફોન એન્ડ્રોઇડ 15 બેઝ્ડ OriginOS 15 સાથે આવે છે અને તેમાં 6.82 ઇંચની 2K (1,440×3,168 પિક્સલ) 8T LTPO AMOLED ડિસ્પ્લે આપવામાં આવી છે, જે 144હર્ટ્ઝ સુધીના રિફ્રેશ રેટ અને 4500 નાઇટ્સ પીક બ્રાઇટનેસને સપોર્ટ કરે છે.

iQOO Neo 10 Pro+ માં ઓક્ટા-કોર 3nm Snapdragon 8 Elite ચિપસેટ આપવામાં આવી છે. ગ્રાફિક્સ માટે Adreno 830 હેન્ડસેટમાં ઉપલબ્ધ છે. આ આઈક્યુ મોબાઇલમાં 16GB સુધીની રેમ અને 1TB સુધી ઈનબિલ્ટ સ્ટોરેજનો ઓપ્શન આવે છે. આ સ્માર્ટફોનમાં ગેમિંગ માટે આઈક્યુની પોતાની Q2ચિપ આપવામાં આવી છે.

કેમેરાની વાત કરીએ તો iQOO Neo 10 Pro+ માં ડ્યુઅલ રિયર કેમેરા સેટઅપ આપવામાં આવ્યું છે. હેન્ડસેટમાં એપર્ચર એફ / 1.88, 8-મેગાપિક્સલના અલ્ટ્રા-વાઇડ-એંગલ લેન્સ સાથે 50MP નો પ્રાઇમરી રિયર કેમેરો આપવામાં આવ્યો છે. આ ડિવાઇસમાં સેલ્ફી અને વીડિયો કોલિંગ માટે અપર્ચર એફ/ 2.45 સાથે 16 મેગાપિક્સલનું સીએમઓએસ સેન્સર આપવામાં આવ્યું છે.

નવી iQOO Neo 10 Pro+ ને પાવર આપવું એ 6800mAhની મોટી બેટરી છે જે 120W વાયર્ડ ફાસ્ટ ચાર્જિંગને સપોર્ટ કરે છે. આ ચાર્જિંગ ટેક્નોલોજીથી ફોન 25 મિનિટમાં 0થી 70 ટકા ચાર્જ થવાનો દાવો કરવામાં આવી રહ્યો છે. ડિવાઇસમાં ઇન-ડિસ્પ્લે ફિંગરપ્રિન્ટ સેન્સર આપવામાં આવ્યું છે. હેડસેટ IP65 રેટિંગ સાથે આવે છે.

iQOO Neo 10 Pro+ પર કનેક્ટિવિટી વિકલ્પોમાં 5G, Wi-Fi 7, બ્લૂટૂથ 5.4, જીપીએસ, ગ્લોનાસ, એનએફસી અને યુએસબી ટાઇપ-સી પોર્ટનો સમાવેશ થાય છે. હેન્ડસેટમાં એક્સેલેરોમીટર, એમ્બિયન્ટ લાઇટ સેન્સર, પ્રોક્સિમિટી સેન્સર, ઇ-હોકાયંત્ર, ગાયરોસ્કોપ, ઇન્ફ્રારેડ રિમોટ કન્ટ્રોલ, ફ્લિકર સેન્સર અને એક્સ-એક્સિસ લિનીયર મોટર છે. આ ડિવાઇસનું માપ 163.79×76.60×8.20mm છે અને તેનું વજન લગભગ 217 ગ્રામ છે.