IRDAI Prefers Cashless Mode in Health Insurance : વીમા નિયમનકાર ઈરડા (IRDAI) એ કહ્યું છે કે, તે સ્વાસ્થ્ય વીમાના બંને મોડ – કેશલેસ અને રિઈમ્બર્સમેન્ટ (ભરપાઈ) મોડ કરતાં કેશલેસ મોડને વધુ પ્રાધાન્ય આપે છે. IRDA દ્વારા શુક્રવારે જાહેર કરવામાં આવેલી પ્રેસ રિલીઝમાં આ બાબતો કહી હતી. જાહેર રિલીઝ મુજબ, ‘બીમા મંથન’ ની નવીનતમ આવૃત્તિ 1લી અને 2જી માર્ચે યોજવામાં આવી હતી. આ કાર્યક્રમમાં, આરોગ્ય વીમા સલાહકાર સમિતિએ આરોગ્ય વીમાના વધતા પ્રવેશ અને વધુ સારી વીમા ક્લેમની સર્વિસ સંબંધિત પરિણામો રજૂ કર્યા.
વીમા મંથનમાં ઘણા પાસાઓની ચર્ચા કરવામાં આવી હતી
1લી અને 2જી માર્ચે આયોજિત બીમા મંથન કાર્યક્રમમાં ટૂંકા ગાળાના, મધ્યમ અને લાંબા ગાળાના પાસાઓની ચર્ચા કરવામાં આવી હતી. આરોગ્ય વીમાને પ્રોત્સાહન આપવા માટે સાવચેતીભર્યા આરોગ્ય ઇકોસિસ્ટમ સહયોગની જરૂરિયાત પર પ્રકાશ પાડવામાં આવ્યો હતો.
જાહેર પ્રેસ રિલીઝ મુજબ, IRDA એ સ્વાસ્થ્ય વીમામાં રિઈમ્બર્સમેન્ટ મોડ પર કેશલેસ મોડને પ્રાથમિકતા આપવાની વાત કરી હતી. આ કાર્યક્રમનું મુખ્ય ધ્યાન આરોગ્ય વીમાના ક્લેમની પતાવટ અને તેને લગતા કેસોની ઝડપી સુનાવણી હતી. ઈન્સ્યોરન્સ રેગ્યુલેટર આઈઆરડીએ બેંકિંગ સેક્ટરની જેમ ઈન્સ્યોરન્સ સેવાઓને સરળ બનાવવાનો આગ્રહ રાખ્યો હતો. આ માટે, તેમણે IRDA Ease (EASE) એટલે કે ઉન્નત એક્સેસ અને સર્વિસ એક્સેલન્સ હેઠળ કામ કરવાનું કહેવામાં આવ્યું હતું.
વીમા સંબંધિત સેવાઓને સરળ બનાવવા માટે ચર્ચા કરવામાં આવી
બીમા મંથન કાર્યક્રમ દરમિયાન, એક ખાસ સિસ્ટમ બનાવવા પર ચર્ચા કરવામાં આવી હતી, જે પોલિસીધારકને વીમા ખરીદવા, અને તેને લગતી સેવાઓ લેવા અથવા વીમા ક્લેમની સર્વિસ લેવા અથવા ફરિયાદ નોંધાવવા માટે વીમા કંપનીનો સંપર્ક કરવાની સુવિધા આપે. નવી સિસ્ટમ હેઠળ, વીમા કંપનીઓ આવા તમામ કેસોના સમાધાનમાં ઘણી સગવડ મેળવી શકશે.
IRDAએ એક પ્રેસ રિલીઝ દ્વારા જણાવ્યું કે વીમા કંપનીઓની સાથે કાઉન્સિલની જવાબદારી પણ વધી ગઈ છે. આવી સ્થિતિમાં, શ્રેષ્ઠ બજાર અનુભવ સુનિશ્ચિત કરવા અને ગ્રાહકોને મહત્તમ સંતોષ આપવા માટે વીમા કંપનીઓ અને કાઉન્સિલોએ નીતિશાસ્ત્ર અપનાવવાની જરૂર છે.
આ પણ વાંચો – નોકરી જ નોકરી! મુકેશ અંબાણીની મોટી જાહેરાત, રિલાયન્સ 50 હજાર નવી નોકરીઓ લાવશે
આ ઇવેન્ટમાં, રિસ્ક બેઝ્ડ કેપિટલ, રિસ્ક બેઝ્ડ સુપરવિઝન ફ્રેમવર્ક અને ઈન્ડ એએસ/આઈએફઆરએસના કન્વર્જન્સ પર IRDA મિશન મોડ ટીમોએ સંબંધિત ક્ષેત્રોમાં થયેલી પ્રગતિ રજૂ કરી. એક અખબારી યાદી દ્વારા, IRDAએ જણાવ્યું હતું કે, RBC અને RBSFના ભારતના મોડલમાં પરિવર્તન અને Ind ASને અપનાવવાનું વીમા ક્ષેત્રની સક્રિય ભૂમિકા અને ભાગીદારીથી જ શક્ય છે. આ રીતે ડેટા સબમિશન, ટેસ્ટિંગ અને પાયલોટ સ્કીમ હેઠળ કામ કરવા જેવી વિવિધ પ્રવૃત્તિઓમાં સહભાગીતા, કેસોનો ઝડપી નિકાલ, ગુડ સંકલન એ ઉદ્યોગની અપેક્ષાઓ પર પ્રકાશ પાડે છે.
(લેખ: મિથુન દાસગુપ્તા)
