ITR Filing 2025: આઈટીઆર ફાઇલ કરવાની અંતિમ તારીખ કઇ છે? મોડું ઈન્કમ ટેક્સ રિટર્ન ફાઇલ કરવા પર કેટલો દંડ થશે? જાણો

ITR Filing 2025 Last Date : આઈટીઆર ફાઇલ કરવું દેશના દરેક કરદાતા માટે એક મહત્વપૂર્ણ જવાબદારી છે. નોન ઓડિટ કરદાતાઓ માટે નાણાકીય વર્ષ 2024-25 (આકારણી વર્ષ 2025-26) માટે પોતાનો આવકવેરો ભરવાની છેલ્લી તારીખ 31 જુલાઈ 2025 છે. જો કરદાતાઓ છેલ્લી તારીખ સુધીમાં પોતાનું આઇટીઆર ફાઇલ નહીં કરે તો તેમને દંડ અને વ્યાજ ચૂકવવું પડી શકે છે.

ITR Filing 2025 : આઈટીઆર ફાઇલ 2025

આઇટીઆર ફાઇલિંગ પ્રક્રિયા સામાન્ય રીતે આકારણી વર્ષ (એવાય)ની 1 એપ્રિલથી શરૂ થાય છે. તેથી, નાણાકીય વર્ષ 2024-25 માટે ફાઇલિંગ 1 એપ્રિલ, 2025 થી શરૂ થવું જોઈએ. જોકે, આ વર્ષે તેમાં વિલંબ થયો છે. આ પ્રક્રિયા આ વર્ષે જૂનમાં શરૂ થવાની સંભાવના છે.

સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી)એ તમામ 7 આઇટીઆર ફોર્મ્સને નોટિફાઇ કરી દીધા છે. આ રીતે, આકારણી વર્ષ 2025-26 માટે કર સત્ર સત્તાવાર રીતે શરૂ થઈ ગયું છે. કરદાતાઓએ આ ફોર્મનો ઉપયોગ કરીને 1 એપ્રિલ, 2024 થી 31 માર્ચ, 2025 ની વચ્ચે આવકની જાણ કરવાની રહેશે.

ડિજિટલ ફોર્મ 16 થી આઈટીઆર રિટર્ન ફાઇલ કરવું સરળ બન્યું

આઇટીઆર ફાઇલ કરવાની અંતિમ તારીખ

નોન ઓડિટેડ કરદાતાઓ માટે નાણાકીય વર્ષ 2024-25 માટે આઇટીઆર ફાઇલ કરવાની છેલ્લી તારીખ 31 જુલાઈ, 2025 છે. જો આ ડેડલાઈન ચૂકી જાય તો 31 ડિસેમ્બર 2025 સુધી પેનલ્ટી અને વ્યાજ સાથે મોડું રિટર્ન ફાઈલ કરી શકાશે.

ITR Filing 2025 Last Date : નાણાકીય વર્ષ 2024-25 માટે આવકવેરા ભરવાની છેલ્લી તારીખો

• વ્યક્તિગત/ HUF/ AOP/AOP બીઓઆઈ - 31 જુલાઈ 2025
• કંપની - વેપાર (ઓડિટની જરૂર છે) - 31 ઓક્ટોબર 2025
• ટ્રાન્સફર પ્રાઇસિંગ રિપોર્ટની આવશ્યકતા ધરાવતા વ્યવસાયો - 30 નવેમ્બર 2025
• સંશોધિત રિટર્ન - 31 ડિસેમ્બર 2025
• વિલંબિત રિટર્ન - 31 ડિસેમ્બર 2025
• અપડેટેડ રિટર્ન્સ (સંબંધિત આકારણી વર્ષના અંતથી 4 વર્ષ સુધી) - 31 માર્ચ 2030

આઇટીઆર ફાઇલ સમયસર ન કરવાથી શું થાય છે?

વ્યાજ

આવકવેરા કાયદાની કલમ 234એ હેઠળ જો તમે સમયમર્યાદા પછી તમારું રિટર્ન ફાઇલ કરો છો, તો તમારે કોઈપણ અનપેઇડ ટેક્સ પર દર મહિને 1% ના દરે (અથવા તેનો આંશિક ભાગ) વ્યાજ ચૂકવવું પડશે.

ITR ફાઇલ મોડું કરવા પર દંડ

આવકવેરા કાયદાની કલમ 234F પર કુલ આવક 5 લાખ રૂપિયાથી વધુ હોય તો 5 હજાર રૂપિયા, કુલ આવક 5 લાખ રૂપિયા સુધીની હોય તો 1000 રૂપિયા દંડ થાય છે.

જો તમે સમયસર રિટર્ન ફાઇલ ન કરી શકો તો શું વિકલ્પ છે?

વિલંબિત રિટર્ન (Belated Return)

તમે છેલ્લી તારીખ પછી પણ વિલંબિત વળતર તરીકે તમારું આઇટીઆર ફાઇલ કરી શકો છો.

તેમા કર કપાત અને મુક્તિનો દાવો હજી પણ કરી શકાય છે, ખોટ નુકસાનને કેરી ફોરવર્ડ કરી શકાતી નથી. વિલંબિત ઈન્કમ ટેક્સ રિટર્ન ફાઇલ કરવાની અંતિમ તારીખ 31 ડિસેમ્બર 2025 છે, સિવાય કે સરકાર દ્વારા તેને વધુ લંબાવવામાં આવે.

આ પણ વાંચો | ITR ફાઇલ કરવા અત્યારથી મેળવી લો આ ડોક્યુમેન્ટ, છેલ્લી ઘડીએ મુશ્કેલી નહીં પડે

સંશોધિત આઈટીઆર ફાઇલ

જો તમે વિલંબિત રિટર્નની ડેડલાઇન ચૂકી જાઓ તો પણ તમે આવકવેરા વિભાગ દ્વારા નક્કી કરેલી ચોક્કસ શરતો હેઠળ અપડેટેડ રિટર્ન (આઇટીઆર-યુ) ફાઇલ કરી શકો છો.