ITR Filing: ઈન્કમ ટેકસ રિટર્ન ફાઈલ કરવામાં ઉતાવળ રાખવી કે છેલ્લી તારીખ સુધી રાહ જોવી? જાણો શું કરવું યોગ્ય રહેશે

How Soon Should You File Your Income Tax Return : આઈટીઆર ફાઈલ (ઈન્કમ ટેક્સ રિટર્ન ) કરવું જરૂરી છે. ઈન્કમ ટેક્સ ડિપાર્ટમેન્ટે એપ્રિલમાં જ ઈન્કમ ટેક્સ રિટર્ન (આઈટીઆર) ફાઈલ કરવા માટે જરૂરી તમામ ફોર્મ અને યુટિલિટીઝને સક્ષમ કરી દીધા છે. પરંતુ આનો અર્થ એ નથી કે ઈન્કમ ટેક્સ રિટર્ન ફાઈલ કરનારા મોટાભાગના કરદાતાઓ હવેથી તેમની આઈટીઆર ફાઈલ કરવાની પ્રક્રિયા શરૂ કરશે. આવકવેરા રિટર્ન ભરવાની અંતિમ તારીખ સામાન્ય રીતે 31મી જુલાઈ હોય છે. તેથી, મોટાભાગના કરદાતાઓ રિટર્ન ભરવાનું કામ આરામથી કરે છે. પરંતુ ITR રિટર્ન ફાઇલ કરવા માટે યોગ્ય વ્યૂહરચના શું છે? તમારે હવે તમારું રિટર્ન ફાઈલ કરવું જોઈએ કે થોડી રાહ જોવી જોઈએ?

આ કરદાતાએ રાહ જોવી પડશે

ઈન્કમ ટેક્સ રિટર્ન ફાઇલિંગ (ITR ફાઇલિંગ ) નો સમય ઔપચારિક રીતે શરૂ થયો હોવા છતાં, પગારદાર વર્ગના મોટાભાગના લોકો ઇચ્છે તો પણ અત્યારે આમ કરી શકતા નથી. આનું સૌથી મોટું કારણ એ છે કે આવકવેરા રિટર્ન ફાઇલ કરતા પહેલા, તેઓએ તેમના પગાર પર ટીડીએસ ડિડક્શન પુરાવા તરીકે એમ્પ્લોયર પાસેથી ફોર્મ-16 મેળવવા માટે રાહ જોવી પડશે.

તેવી જ રીતે, કર બચત માટે, જેઓ બેંક એફડીમાં રોકાણ કરે છે તેઓએ બેંકમાંથી ફોર્મ 16 ની રાહ જોવી પડે છે. સામાન્ય રીતે બેંકો અને નોકરીદાતાઓ આ 31 મેના રોજ અથવા તે પછી જ ઇશ્યૂ કરે છે. ઘણી વખત 16 જૂન સુધી એમ્પ્લોયર પાસેથી ફોર્મ 16 પ્રાપ્ત થાય છે. ફોર્મ 16 એ વાતનું સર્ટિફિકેટર છે કે બેંક અથવા નોકરીદાતાએ તેમનો TDS કાપીને સરકારમાં જમા કરાવ્યો છે. દેખીતી રીતે, નોકરિયાત વર્ગના લોકો અથવા બેંક એફડીમાં રોકાણ કરનારાઓ માટે ફોર્મ 16 મળે તેની પહેલા આઈટીઆર ફાઇલ કરવું યોગ્ય રહેશે નહીં.

31 મે ટીડીએસ રિટર્ન ભરવાની છેલ્લી તારીખ

TDS કપાત કરનારાઓ માટે જાન્યુઆરી-માર્ચ 2024 ક્વાર્ટર માટે TDS રિટર્ન ફાઇલ કરવાની અંતિમ તારીખ 31 મે છે. જે પછી તેઓ તમને TDS પ્રમાણપત્ર અથવા ફોર્મ-16 જારી કરવામાં વધુ 15 દિવસ લાગી શકે છે. જો આવું થાય, તો તમે 15 જૂન પછી જ તમારું રિટર્ન ફાઇલ કરવાની પ્રક્રિયા શરૂ કરી શકશો.

જો તમે તમારી ટીડીએસ કપાતની તમામ વિગતો યોગ્ય રીતે જાળવી રાખી હોય અને તમને વિશ્વાસ હોય કે તમે બધી ગણતરીઓ યોગ્ય રીતે કરી શકો છો, તો પણ તમારે ફોર્મ 16 પ્રાપ્ત કરતા પહેલા ઈન્કમ ટેક્સ રિટર્ન ફાઈલ ન કરવું જોઈએ, કારણ કે ફોર્મ 16 અને આઈટી રિટર્નમાં દાખલ ડેટા વચ્ચે વિસંગતતા આવી તો પાછળથી તમારે બિનજરૂરી મુશ્કેલીનો સામનો કરવો પડી શકે છે. ઉપરાંત જ્યાં સુધી તમારા પગાર અથવા રિટર્નમાંથી ટીડીએસ કાપનાર વ્યક્તિ દ્વારા ટીડીએસ રિટર્ન ફાઇલ કરવામાં ન આવે ત્યાં સુધી આવકવેરા વિભાગ તમારા રિટર્નની પ્રક્રિયા કરશે નહીં.

આ પણ વાંચો | તમે પ્રથમ વખત ઈન્કમ ટેક્સ રિટર્ન ફાઇલ કરી રહ્યા છો? આઈટીઆર – 1 સહજ ફોર્મનો ઉપયોગ કરતી આ બાબતનું ધ્યાન રાખો

છેલ્લી ઘડીની રાહ ન જુઓ

ફોર્મ 16 માટે રાહ જોવી મહત્વપૂર્ણ છે, પરંતુ તેનો અર્થ એ નથી કે તમે 31 જુલાઈ અંતિમ તારીખની રાહ જુઓ. ઝડપથી તમને ટીડીએસ સર્ટિફિકેટ ફોર્મ 16 સહિત તમામ જરૂરી દસ્તાવેજો પ્રાપ્ત થાય, તમારે તમારું ઈન્કમ ટેક્સ રિટર્ન ફાઇલ કરવું જોઈએ. આનાથી તમને બે ફાયદા થશે - પ્રથમ, જો તમે રિફંડ મેળવવા માંગતા હો, તો તે શક્ય તેટલી વહેલી તકે આપવામાં આવશે અને બીજું, તમે સમયમર્યાદા નજીક આવતા જ ITR ફાઇલિંગ વેબસાઇટ પર ભારે ટ્રાફિકને કારણે સમસ્યાઓ અને ટેકનિકલ ખામીઓથી બચી જશો.