KTM 390 એડવેન્ચર એસ vs રોયલ એનફિલ્ડ હિમાલયન 450, બંને માંથી કઇ બાઇક દમદાર? જાણો

KTM 390 Adventure S vs Royal Enfield Himalayan 450 Comparison: કેટીએમ ઇન્ડિયાએ આખરે નવી કેટીએમ 390 એડવેન્ચર એસ લોન્ચ કરવાની જાહેરાત કરી છે, જેની રોયલ એનફિલ્ડ હિમાલયન 450 સાથે સીધી ટક્કર થશે. એડવેન્ચર ટૂરિંગ સેગમેન્ટ હજી પણ એક વિશિષ્ટ બજાર હોઈ શકે છે, પરંતુ તે ચોક્કસપણે બજારમાં એક અલગ વાતાવરણ બનાવી રહ્યું છે. બંને મોટર સાઇકલ બાઇકના પર્ફોર્મન્સ, એન્જિન સ્પીડ, ફીચર્સ અને કિંમત વિશે નક્કી કરો તમારી માટે કઇ બાઇક શ્રેષ્ઠ છે.

KTM 390 Adventure S vs Royal Enfield Himalayan 450 : ઓટો પાર્ટ્સ

કેટીએમ 390 એડવેન્ચર એસનું નિર્માણ ડ્યુક 390ના સ્ટીલ ટ્રેલિસ ફ્રેમ પર કરવામાં આવ્યું છે, પરંતુ તેમાં નોંધપાત્ર સુધારા થયા છે. તેમાં ફ્રન્ટ અને રિયર ડિસ્ક બ્રેક્સ છે, જે વધારાના કન્ટ્રોલ માટે સ્વિચેબલ ડ્યુઅલ-ચેનલ એબીએસ દ્વારા પૂરક બને છે. સસ્પેન્શનને ડબલ્યુપી એપેક્સ સંપૂર્ણપણે એડજસ્ટેબલ 43 એમએમ ફ્રન્ટ ફોર્ક્સ અને પાછળના ભાગમાં 5-સ્ટેપ એડજેસ્ટેબલ ડબલ્યુપી મોનો-શોક સાથે અપગ્રેડ કરવામાં આવ્યું છે. બાઇકમાં 21 ઇંચનો ફ્રન્ટ અને 17 ઇંચનો રિયર સ્પોક વ્હીલ્સ છે, જે એપોલો ટ્રેમ્પલ ડ્યુઅલ-સ્પોર્ટ ટાયરમાં લપેટવામાં આવ્યો છે, જે ઓન-રોડ અને ઓફ-રોડ બંને વિસ્તારના રસ્તાઓ પર દોડવા માટે અનુકૂળ છે.

રોયલ એનફિલ્ડ હિમાલયન 450 સ્ટીલ, ટ્વીન-સ્પાર ટ્યુબ્યુલર ફ્રેમ પર બનાવવામાં આવ્યું છે અને તેમાં 43 મીમી અપસાઇડ ડાઉન ફ્રન્ટ ફોર્ક્સ લાગેલાછે જે 200 મીમીનું ટ્રાવેલ પ્રદાન કરે છે અને રિરયર શોવા મોનો-શોક પણ આપે છે જે સમાન 200 મીમી વ્હીલ ટ્રાવેલ પ્રદાન કરે છે. કેટીએમ 390 એડવેન્ચરની જેમ જ તેમાં 21 ઇંચના ફ્રન્ટ અને રિયર વાયર સ્પોક વ્હીલ્સ મળે છે. રોયલ એનફિલ્ડ હવે વૈકલ્પિક ટ્યુબલેસ ટાયર્સ પ્રદાન કરે છે. બ્રેકિંગ સિસ્ટમમાં 320 એમએમની ફ્રન્ટ ડિસ્ક અને 270 એમએમ રિયર ડિસ્કનો સમાવેશ થાય છે, જે સ્વિચેબલ રીઅર એબીએસ સાથે જોડવામાં આવે છે, જે ટ્રેઇલ્સ અથવા શહેરના રસ્તાઓનો સામનો કરતી વખતે મજબૂત સ્ટોપિંગ પાવર અને સલામતી સુનિશ્ચિત કરે છે.

KTM 390 Adventure S vs Royal Enfield Himalayan 450 : ફીચર્સ

2025 કેટીએમ 390 એડવેન્ચરમાં નવું ટીએફટી ઇન્સ્ટ્રુમેન્ટ ક્લસ્ટર આપવામાં આવ્યું છે, જે હવે બ્લૂટૂથ કનેક્ટિવિટી, ટર્ન-બાય-ટર્ન નેવિગેશન, ટ્રેક્શન કન્ટ્રોલ સાથે મલ્ટીપલ રાઇડ મોડ્સ, ક્રુઝ કન્ટ્રોલ અને સરળ એક્સેસ માટે હેન્ડલબાર પર 4-વે મેનૂ સ્વિચ પ્રદાન કરે છે.

બીજી તરફ, રોયલ એનફિલ્ડ હિમાલયન 450માં ગૂગલ મેપ્સ, ફોન કનેક્ટિવિટી, મ્યુઝિક કન્ટ્રોલ અને કોલ મેનેજમેન્ટ દ્વારા સંચાલિત નેવિગેશન સિસ્ટમ સાથે 4 ઇંચની રાઉન્ડ ટીએફટી ડિસ્પ્લે આપવામાં આવી છે, જે વધુ કનેક્ટેડ રાઇડિંગ અનુભવ પ્રદાન કરે છે.

KTM 390 Adventure S vs Royal Enfield Himalayan 450 : એન્જિન સ્પેસિફિકેશન્સ અને કિંમત

કેટીએમ 390 એડવેન્ચર અને ન્યુ જનરેશન 390 ડ્યુકમાં 399 સીસી સિંગલ-સિલિન્ડર લિક્વિડ-કૂલ્ડ એન્જિન આપવામાં આવ્યું છે, જેની સાથે 6 સ્પીડ ગિયરબોક્સ પણ આવે છે. ડ્યુક 390ના સ્પેસિફિકેશન્સના આધારે, એન્જિન 44.25 બીએચપી અને 39 એનએમ ટોર્ક જનરેટ કરે છે. એડવેન્ચરમાં આ જ પાવરટ્રેનનો ઉપયોગ કરવામાં આવશે તેવી શક્યતા છે, પરંતુ એવી અપેક્ષા રાખવામાં આવે છે કે ઓફ રોડ રાઇડિંગ અને લાંબા અંતરની મુસાફરી માટે તેના પ્રદર્શનમાં સુધારો કરવા માટે ગિયર રેશિયોમાં કેટલાક ફેરફારો કરવામાં આવશે. કેટીએમએ પુષ્ટિ કરી છે કે 390 એડવેન્ચર 1 ફેબ્રુઆરીએ લોન્ચ કરવામાં આવશે.

રોયલ એનફિલ્ડ હિમાલયન 450માં 452સીસી લિક્વિડ-કૂલ્ડ સિંગલ-સિલિન્ડર એન્જિન આપવામાં આવ્યું છે જે 40 બીએચપી અને 40 એનએમ પીક ટોર્ક જનરેટ કરે છે. આ એન્જિનને છ-સ્પીડ ગિયરબોક્સ સાથે જોડવામાં આવ્યું છે, જેની મદદ સ્લિપ-એન્ડ-આસિસ્ટ ક્લચ દ્વારા કરવામાં આવે છે. હિમાલયન 450ની એક્સ શોરૂમ કિંમત 2.85 લાખથી 2.98 લાખ રૂપિયા સુધી છે.