/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Follow Us/indian-express-gujarati/media/media_files/wp-content/uploads/2024/01/LIC-Share-Price.jpg)
LIC Share Price : એલઆઈસી ભારત સરકારની માલિકીની શેરબજારમાં લિસ્ટેડ કંપની છે. (Photo - Canva / @LICIndiaForever)
LIC Share Crossed IPO Issue Price First Time : એલઆઈસી કંપનીના શેરધારકો માટે સારા સમાચાર આવ્યા છે. સરકારી વીમા કંપની એલઆઈસીનો શેર ભાવ લિસ્ટિંગ બાદ પહેલીવાર તેની ઇશ્યૂ પ્રાઇસની ઉપર પહોંચ્યો છે. 30 જાન્યુઆરી 2024ના રોજ એલઆઈસીનો શેર ઇન્ટ્રા-ડેમાં 954.85 રૂપિયાની ઉંચી સપાટીને સ્પર્શ્યો હતો. જ્યારે એલઆઈસીના આઈપીઓમાં શેર દીઠ ઇશ્યૂ પ્રાઇસ 902 થી 949 રૂપિયા રાખવામાં આવી હતી.
એલઆઈસીનો શેર 20 મહિના બાદ ઇશ્યૂ પ્રાઇસની પાર (LIC Stock Cross IPO Issue Price First Time)
એલઆઈસીના આઈપીઓમાં રોકાણકારોને ભારે નુકસાન સહન કરવુ પડ્યું છે. એલઆઈસીના આઈપીઓમાં શેર દીઠના ભાવે 902 થી 945 રૂપિયા ઇક્વિટી શેર ઇશ્યૂ કરવામાં આવ્યા હતા. LICનો શેર 17 મે, 2022ના રોજ નેશનલ સ્ટોક એક્સચેન્જ એનએસઇ ડિસ્કાઉન્ટમાં 867 રૂપિયાના ભાવે લિસ્ટ થયો હતો. લિસ્ટિંગ બાદ LICનો શેર સતત ઘટ્યો અને તે વર્ષે નવેમ્બર સુધીમાં 26 ટકા જેટલો તૂટ્યો હતો.
/indian-express-gujarati/media/media_files/wp-content/uploads/2023/12/share-trading.jpg)
જો કે ત્યારબાદ સેન્ટિમેન્ટ બદલાયું અને માત્ર બે મહિનામાં LICના શેરમાં 55 ટકાનો નોંધપાત્ર ઉછાળો આવ્યો હતો. અત્રે ઉલ્લેખનિય છે કે, એલઆઈસીનો 21008 કરોડ રૂપિયાનો આઈપીઓ આવ્યો હતો, જે મૂલ્યની રીતે ભારતીય શેરબજારનો સૌથી મોટો પબ્લિક ઇશ્યૂ છે.
એલઆઈસીનો શેર ઐતિહાસિક તળિયેથી 76 ટકા રિકવર (LIC Share price)
નોંધનિય છે કે, એલઆઈસીના શેરમાં 29 માર્ચ, 2023ના રોજ 530.20 રૂપિયાનો ઐતિહાસિક નીચો ભાવ ક્વોટ થયો હતો. તો 30 જાન્યુઆરી, 2024ના રોજ વીમા કંપનીનો શેર 955 રૂપિયાની ઐતિહાસિક ટોચ બનાવી સેશનના અંતે 1.84 ટકા વધીને 933 રૂપિયા બંધ થયો હતો. આમ નીચા ભાવે શેર ખરીદનાર રોકાણકારોને 76 ટકાનુ જંગી રિટર્ન મળ્યું છે. કંપનીની માર્કેટકેપ 5,90,122 કરોડ રૂપિયા હતી.
/indian-express-gujarati/media/media_files/wp-content/uploads/2024/01/Share-Market-Outlook.jpg)
એલઆઈસીનો શેર કેમ વધ્યો?
એલઆઈસીના શેરમાં ઉછાળાથી શેરધારકો ખુશખુશાલ દેખાય છે. રિઝર્વ બેંક ઓફ ઈન્ડિયાએ એલઆઈસી કંપનીને ખાનગી ક્ષેત્રની એચડીએફસી બેંકમાં હિસ્સો વધારવાની મંજૂરી આપી છે. આ અહેવાલ બાદ સરકારી વીમા કંપનીનો શેર સતત વધી રહ્યો છે.
આ પણ વાંચો| બજેટ 2024માં કેપિટલ ગેઇન ટેક્સમાં ફેરફાર અને શેર બાયબેક ટેક્સ નાબૂદ કરવા માંગ
તમને જણાવી દઇયે કે, RBIએ એલઆઈસીને 24 જાન્યુઆરી, 2025 સુધીમાં એચડીએફસી બેંકમાં 9.99 ટકા હિસ્સો ખરીદવાની પરવાનગી આપી હતી. આથી હવે એલઆઈસી HDFC બેંકમાં વધારાનો 4.8 ટકા હિસ્સો હસ્તગત કરી શકે છે.