major financial changes starting December : ડિસેમ્બર મહિનો શરૂ થવામાં હવે એક દિવસની વાર છે. સોમવારથી વર્ષનો અંતિમ મહિનો ડિસેમ્બર શરુ થશે. દર મહિનાની જેમ ડિસેમ્બર 2025થી પણ પૈસા સંબંધિત કેટલાક મહત્વપૂર્ણ ફેરફારો થવા જઈ રહ્યા છે. તેમાં એલપીજી સિલિન્ડરના ભાવમાં ફેરફાર, યુનિફાઇડ પેન્શન સ્કીમની સમયમર્યાદા વગેરેનો સમાવેશ થાય છે. આ ફેરફારોની સીધી અસર સામાન્ય નાગરિકોના રોજિંદા ખર્ચ અને ઓનલાઇન વ્યવહારો પર પડી શકે છે, ચાલો તેના વિશે જાણીએ.
સીએનજી, પીએનજી અને જેટ ફ્યુઅલની કિંમત
ઘણી વખત ઓઇલ કંપનીઓ દર મહિનાની પ્રથમ તારીખે સીએનજી, પીએનજી અને જેટ ફ્યુઅલ (એટીએફ)ના ભાવમાં ફેરફાર કરે છે. આવી સ્થિતિમાં 1 ડિસેમ્બરથી તેની કિંમતમાં પણ ફેરફાર થઈ શકે છે.
સીનિયર સિટીઝન લાઇફ સર્ટિફિકેટ
જો સરકારી પેન્શનરો કોઈ પણ સમસ્યા વિના પેન્શનનો લાભ મેળવવા માંગતા હોય તો તેઓએ દર વર્ષે નવેમ્બર મહિનામાં પોતાનું લાઇફ સર્ટિફિકેટ જમા કરાવવું જરૂરી છે. તેને સબમિટ કરવાની અંતિમ તારીખ 30 નવેમ્બર છે. જો સમયસર લાઇફ સર્ટિફિકેટ સબમિટ ન કરવામાં આવે તો પેન્શન પણ અટકી શકે છે.
આ પણ વાંચો – 1 લીટર પેટ્રોલ પર 71 kmpl સુધીની માઇલેજ આપે છે આ ટોપ 5 સ્કૂટર, સ્ટાઇલ પણ છે દમદાર
એલપીજીના ભાવમાં ફેરફાર
સીએનજી, પીએનજી અને જેટ ફ્યુઅલની કિંમતની જેમ ઓઇલ કંપનીઓ દર મહિનાની પ્રથમ તારીખે એલપીજી ગેસ સિલિન્ડરના ભાવમાં પણ ફેરફાર કરે છે. ઓઇલ કંપનીઓએ નવેમ્બરમાં 19 કિલોગ્રામ કોમર્શિયલ ગેસ સિલિન્ડરના ભાવમાં ફેરફાર કર્યો હતો. હવે બધાની નજર એ છે કે આવતા મહિને એલપીજીના ભાવમાં ફેરફાર થશે કે નહીં.
યુનિફાઇડ પેન્શન સ્કીમની સમયમર્યાદા
સરકારી કર્મચારીઓ માટે યુનિફાઇડ પેન્શન સ્કીમ (યુપીએસ) પસંદ કરવાની છેલ્લી તારીખ 30 સપ્ટેમ્બરથી વધારીને 30 નવેમ્બર કરવામાં આવી છે. કોઈપણ કર્મચારી 30 નવેમ્બર પહેલા એનપીએસ અને યુપીએસ માંથી કોઈ એક વિકલ્પ પસંદ કરી શકે છે.
ટેક્સ રિપોર્ટ જમા કરવાનો નિયમ
ઓક્ટોબરમાં જે લોકોની ટીડીએસ કાપવામાં આવી છે તેઓએ કલમ 194-IA, 194-IB, 194M અને 194S હેઠળ સ્ટેટમેન્ટ સબમિટ કરવું પડશે. સ્ટેટમેન્ટ સબમિટ કરવાની છેલ્લી તારીખ 30 નવેમ્બર 2025 છે.
