Mahindra Thar Roxx: મહિન્દ્રા થાર રોક્સનો લોન્ચ પહેલા દમદાર લૂક અને કલર, જુઓ ફિચર્સ

Mahindra Thar Roxx: ભારતીય ઓટો કંપની મહિન્દ્રા એન્ડ મહિન્દ્રા 5 દરવાજાવાળું થાર મોડલ થાર રોક્સ લોન્ચ કરવાની તૈયારીમાં છે, જે 15 ઓગસ્ટ એટલે કે ભારતના સ્વતંત્રતા દિવસ પર લોન્ચ થશે. મહિન્દ્રાએ હાલમાં જ નવી તસવીરો જાહેર કરી છે, જેમાં આ બહુપ્રતિક્ષિત એસયુવીના નવા કલર ઓપ્શન અને ફ્રન્ટ ફેસિયાની વિગતો શેર કરવામાં આવી રહી છે.

મહિન્દ્રા થાર રોક્સ: શું છે નવી ડિટેલ?

મહિન્દ્રા થાર રોક્સની નવી તસવીરોમાં નવા ફિચર્સ જોવા મળે છે. જેમાં અપડેટેડ ગ્રિલ, રિડિઝાઇન કરેલી લાઇટ્સ અને નવી સ્ટાઇલવાળા એલોય વ્હીલ્સનો સમાવેશ કરાયો છે. પ્રથમ વખત મહિન્દ્રાએ થાર રોક્સને ક્લાસિક બ્લેક વેરિઅન્ટની સાથે-સાથે જ આકર્ષક વ્હાઈટ બોડી કલર ઓપ્શનમાં પ્રદર્શિત કરી છે.

મહિન્દ્રા થાર રોક્સ: સોશિયલ મીડિયા પર શેર કરવામાં આવી તસવીરો

મહિન્દ્રાએ આ તસવીરો સોશિયલ મીડિયા પ્લેટફોર્મ પર શેર કરી છે, જેમાં થાર રોક્સને બ્લેક એન્ડ વ્હાઇટ બંને રંગમાં બતાવવામાં આવી છે. ઉલ્લેખનીય છે કે ડિઝાઇન તત્વોમાં સિલ્વર એક્સેંટ સામેલ છે, જેમ કે આગળના અને પાછળના ટાયરની વચ્ચે ચાલતા સાઇડ સ્ટેપ્સ પર. એક યુનિક વિંડમિલ ઇંસ્માયર્ડ પ્રેરિત ડિઝાઇનવાળા એલોય વ્હીલ્સ થાર શ્રેણી અને મહિન્દ્રાની વિસ્તૃત એસયુવી લાઇનઅપ બન્ને માટે એક એકસ્ટ્રા ફિચર્સ છે.

મહિન્દ્રા થાર રોક્સઃ ડિઝાઇન અપડેટ

ડિઝાઇન અપડેટ્સની વાત કરીએ તો રિયર ક્વાર્ટર ગ્લાસમાં હવે એક ત્રિકોણ ડિઝાઇન આપવામાં આવી છે અને વ્હીલ આર્ચને હાલના થાર મોડલની સરખામણીમાં વધારે એંગુલર, ચૌકોર લુક સાથે ફરીથી ડિઝાઇન કરવામાં આવી છે. ફ્રન્ટ ફેસિયામાં એક ફ્રેશ ગ્રિલ લગાવવામાં આવી છે, જેને ચારે તરફ હેડલાઇટની ફરતે સી-આકારની ડેટાઇમ રનિંગ લાઇટ્સ (ડીઆરએલ) આપવામાં આવી છે.

આ પણ વાંચો - મહિન્દ્રા થાર રોક્સ 15 ઓગસ્ટે થશે લોન્ચ, 5 દરવાજા વાળી થારની ખાસ વાતો

મહિન્દ્રા થાર રોક્સ: ફીચર્સમાં મળ્યું અપડેટ

ડિઝાઇન અપડેટ્સની વાત કરીએ તો બમ્પરની બન્ને તરફ ફોગ લેમ્પ લગાવવામાં આવ્યો છે, જે રસ્તા પર વ્હીકલ્સની પ્રેસેંસને વધારે છે. મહિન્દ્રા અદ્યતન સુવિધાઓ પર ભાર મૂકી રહી છે જે થાર રોક્સને તેના પુરોગામી કરતા અલગ બનાવશે. થારની મજબૂત ઑફ-રોડ ક્ષમતા ઉપરાંત થાર રોક્સમાં હવાઉજાસવાળી ફ્રન્ટ સીટ, પેનોરેમિક સનરૂફ, લેવલ 2 એડવાન્સ્ડ ડ્રાઇવર આસિસ્ટન્સ સિસ્ટમ (ADAS) અને મોટી ઇન્ફોટેનમેન્ટ સ્ક્રીન હશે.

મહિન્દ્રા થાર રોક્સઃ એન્જિનના સ્પેસિફિકેશન્સ શું હશે?

મહિન્દ્રા તરફથી અત્યાર સુધી થાર રોક્સના પાવરટ્રેન વિશે હજુ સુધી સત્તાવાર માહિતી મળી નથી, પરંતુ આશા રાખવામાં આવી રહી છે કે થાર રોક્સને 2.0 લિટર ટર્બો-પેટ્રોલ એન્જિન સાથે બજારમાં લોન્ચ કરવામાં આવશે. આ સિવાય 2.2 લીટરનું mHawk Gen2 ડીઝલ એન્જિન પણ હોવાની સંભાવના છે, જેમાં મેન્યુઅલ અને ઓટોમેટિક ટ્રાન્સમિશન બંને ઓપ્શન હશે.