Maruti Swivel Seat Car : મારૂતિ સુઝુકીની સિનિયર સિટીઝન અને દિવ્યાંગ માટે ખાસ કાર, જાણો શું છે ખાસિયત?

Maruti Suzuki Wagonr Swivel Seat Car Launch : મારૂતિ સુઝુકી ઈન્ડિયા એ સિનિયર સિટીઝન અને દિવ્યાંગ લોકો માટે ખાસ કાર લોન્ચ કરી છે. મારુતિ સુઝુકી ઇન્ડિયા લિમિટેડે તેની લોકપ્રિય હેચબેક વેગનઆરમાં સ્વિવેલ સીટનો વિકલ્પ લોન્ચ કરીને ઇન્ક્લુઝિવ મોબિલિટી તરફ એક મોટું પગલું ભર્યું છે. આ સુવિધા ખાસ કરીને વરિષ્ઠ નાગરિકો અને દિવ્યાંગજનોને ધ્યાનમાં રાખીને બનાવવામાં આવી છે, જેનાથી ગાડીમાં બેસવાનું અને ઉતરવાનું પહેલા કરતા વધુ સરળ બન્યું છે.

સ્વિવેલ સીટની શું ખાસિયત છે?

સ્વિવેલ સીટ એવી જ એક ઇનોવેટિવ ટેકનોલોજી છે, જેમાં સીટ બહારની તરફ ફરી જાય છે. આ વૃદ્ધ અને વિકલાંગ લોકોને કારમાં બેસવા અને ઉતરવામાં જે શારીરિક અગવડતાનો સામનો કરવો પડે છે તે ઘણી હદ સુધી ઘટાડે છે.

આ ટેક્નોલોજી આરામદાયક અને સલામત ડિઝાઇન સાથે કારમાં વૃદ્ધો અને દિવ્યાંગજનોને સરળતાથી પ્રવેશ અને બહાર નીકળવાની ખાતરી કરીને આત્મનિર્ભરતાને પ્રોત્સાહન આપે છે.

11 શહેરોમાં પાયલોટ પ્રોજેક્ટ, હવે વિસ્તરણ થશે

મારુતિ સુઝુકીએ હાલમાં 11 શહેરોમાં 200 થી વધુ એરેના ડીલરશીપ પર પાયલોટ પ્રોજેક્ટ તરીકે આ સુવિધા શરૂ કરી છે. કંપનીનું કહેવું છે કે ગ્રાહકોના પ્રતિસાદના આધારે, ભવિષ્યમાં તેને દેશભરમાં વિસ્તૃત કરવામાં આવશે.

ગ્રાહકો આ સ્વિવેલ સીટને રેટ્રોફિટમેન્ટ કિટ તરીકે ઓર્ડર આપી શકે છે. તે નવી વેગનઆર મોડલ અથવા પહેલાથી અસ્તિત્વમાં રહેલી વેગનઆર કારમાં, બંનેમાં વિકલ્પમાં લગાવી શકાય છે.

સ્ટાર્ટઅપ્સ સાથે ભાગીદારી

આ પહેલ હેઠળ, મારુતિ સુઝુકીએ NSRCEL-IIM બેંગ્લોરના સ્ટાર્ટઅપ ઇન્ક્યુબેશન પ્રોગ્રામ દ્વારા TRUEAssist ટેક્નોલોજી પ્રાઇવેટ લિમિટેડ સાથે ભાગીદારી કરી છે. આ સહયોગને ભારતમાં સુલભ અને માનવ કેન્દ્રિત ગતિશીલતા ઉકેલોને પ્રોત્સાહન આપવાની દિશામાં એક મુખ્ય પગલું તરીકે જોવામાં આવે છે.

શા માટે વેગનઆર બધા માટે આદર્શ કાર છે?

વેગનઆરની ટોલ બોય ડિઝાઇન, શ્રેષ્ઠ હેડરૂમ અને લેગરૂમ તેને આવી સુવિધા માટે આદર્શ માસ માર્કેટ કાર બનાવે છે. આ જ કારણ છે કે મારુતિ સુઝુકીએ આ ઇનોવેટિવ માટે દેશની સૌથી વધુ વેચાતી કારમાંની એક વેગનઆરની પસંદગી કરી.